İlin sonunda 1 dolların 2 manat olacağı haqda proqnozlar özünü doğrultdu...

Mərkəzi bankın sədri Elman Rüstəmovla maliyyə naziri Samir Şərifov muradına çatdı. İlin sonunda 1 dolların 2 manat olacağı haqda proqnozlar özünü doğruldur...


2014-cü ildən başlayaraq ölkənin maliyyə-valyuta sistemini məhv edən bu iki məmurun yarıtmaz idarəçiliyi nəticəsində, bütün sahələr sanki böhran içindədir

İki-üç gün bundan öncə, 3-4 bankın dolların satışını və alışını dayandırıb “qara bazar” da satışını təşkil etməsi onu göstərdi ki, dolların qiyməti 1,85-i keçdi. Verilən proqnoz doğru çıxdı, yəqin ki, ilin axırında “qara bazar”da 1 dollar 2 manat olacaq. Yəni, bugünkü “qara bazar”a müşahidə etsək görərik ki, dolların dəyəri 1,95-ə çatıb. Üstəlik, yaradılan panika və ajiotaj nəticəsində minlərlə iş adamına zərər dəydiyindən, onlar müflis də olurlar.

Banklar isə, dollar satışını rəsmən dayandırıb. İstisna banklar var ki, 200 dollardan artıq satmır. Beləliklə, xalqın və ölkənin iqtisadi sistemini darmadağın edən Rüstəmovla Şərifovun vəzifədən getməsinin vaxtı artıq yetişib.

Yayılan məlumatlara görə, dolların satışını dayandıran bankların sayı artır, satanlar isə limiti azaldırlar. Satışı dayandıran bankların sayı artdıqca “qara bazar”da da, dollar bahalaşmaq üzrədir.

Dollar “qara bazar”da 1.8150 manatdan alınır, 1.8220-1.8250 manatdan satılır. Digər mənbəyə görə, bəzi ünvanlarda dollar 1.84 manata satılır.

“Gündəm Xəbər”in sosial şəbəkələr üzərindən apardığı araşdırmalardan məlum olur ki, “qara bazar”dan dolları 1.95 manatdan alan da var. Banklarda dolların ən yüksək satış qiyməti 1.7775 manatdır. Lakin, bu qiymətə banklardan bu gün dollar almaq mümkün deyil.

Baş bankir Elman Rüstəmovun yarıtmaz pul siyasəti ölkə iqtisadiyyatına sarsıdıcı zərbə vurub. Yalnız ümid siyasi rəhbərliyin atacağı addıma qalıb. Əgər ilin sonuna lazımi addımlar atılmazsa, o halda ilin sonuna kimi vəziyyət daha da dramatikləşə bilər. AMB-nın sədri manatın qatili kimi cəzalandırılır və bir müddətdən sonra onun ləğvi gündəmə də gələ bilər.

AMB sədrinin yartımaz idarəçiliyi nəticəsində, manat günbəgün ucuzlaşır. Mərkəzi Bank devalvasiyasının növbəti dəfə olacağını nə təkzib, nə təsdiq edir.

Bu susqunluq dəhşətli bir vahimə yaradır. Dolların hər gün kursunun dəyişməsi və qalxması ilə paralel olaraq, bazarlarda qiymətlər kəllə-çarxdadır. Hökumət heç bir anti-böhran tədbiri həyata keçirmək istəmir.

Mərkəzi Bank və Maliyyə Nazirliyinə yönəlik tənqidlər də, artıq faydasızdır. Hər iki qurum manatın məzənnəsinin qorunub saxlanmasında heç bir iş görmürlər. Ona görə də manat ucuzlaşır, həyat bahalaşır. Tək yol Şərifovla Rüstəmovun istefasıdır.
Ramin