“Təhsil şöbəsi rəisi müəllimlərin maaşını mənimsəyir”

Azərbaycanın digər rayonlarında olduğu kimi, Astarada da yerli əhali rüşvət və korrupsiyadan narazıdır. Redaksiyamıza daxil olan şikayətlərdən biri də bu barədəddir.
Astara şəhər sakini Həsənov Rəşad Əlövsət oğlu yazır: “Hörmətli redaksiya! Hal-hazırda Astara rayon Təhsil şöbəsi rəsinin korrupsiya xarakterli əməlləri iə bağlı Təhsil Nazirliyində 28 məktubum var. Həmin məktublardan 10-u Baş Prokurorluqdan Təhsil Nazirliyinə baxılması üçün göndərilmişdir. Məktublarımda korrupsiya araşdırma predmeti olmasına baxmayaraq Təhsil Nazirliyinin səlahiyyətli şəxsləri həmin məktubları "Vətəndaşların müraciətlərinə baxılması haqqında Qanunun tələblərinə uyğun olaraq, 20 gün müddətinə araşadırıb yenidən araşdırıb yenidən Baş Prokurorluğa göndərmək əvəzinə susmağa üstünlük verirlər. Hal-hazırda etdiyim şikayətlərə görə Astara rayon Təhsil şöbə müdiri Qızbəs Məmmədova ona yaradılmış cəzasızlıq mühitindən istifafdə edərək məni məhkəməyə vermişdir. Onda sual olunur məgər mən Qızbəs Məmmədovanın korrupsya xarakterli əməlləri barədə məlumat verməklə səhv etmişəm?”

Şikayətçi sual edir ki, niyə həmin məktublar tədbir görülməsi üçün Təhsil Nazirinə təqdim olunmur: “Axı mən inanıram ki, Təhsil Naziri cənab Mikayıl Cabbarov bu faktlar ona təqdim ediləcəyi təqdirdə dərhal Prezidentimizin korrupsiyaya qarşı mübarizə çağırıçına dəstək olaraq Astara rayon Təhsil şöbəsi müdiri barəsində ciddi tədbir görəcək. Qızbəs Məmmədovanın fəaliyyəti ilə bağlı əvvəllər göstərdiyim faktlara əlavə olaraq, təkcə onu qeyd etmək bəs edir ki, Astara rayonunda kənd məktəblərini istiliklə təmin etmək üçün şagirdlər odunu evlərindən gətirirlər. 2016-cı ilin yeni Tədris ilində Qurban Bayramı ilə əlaqədar verilmiş istirahət günlərinə görə müəllimlərin maaşları tutulmuşdur, 2016-cı ilin oktyabr ayında fənn kabinetlərinə görə ödənilcək pul məbləği ödənilməmişdir, Təhsilin bir növü olan fərdi təhsilə (saglamlığı məhdud olan uşaqlar üçün) görə oktyabr ayına görə müəllimlər əmkhaqqı ayrılmamışdır.

İnformatika dərsləri əksər məktəblərdə qeyri-ixtisas müəllimlərİ tərəfindən keçirilir. Onların da bəzilərinin kompyüterdən praktiki vərdişləri yoxdur. Ümumiyyətlə, kompyüter otaqlarında kompyüterlər müzey eksopanatı kimi qorunub saxlanılır.Yəni şagirdlər uzaqdan-uzağa kompyüterə baxmaqla kifayətlənirlər”.

Şikayətçi daha sonra yazır: “Dövlət Başçısinin hərtərəfli qayğısı ilə əhatə edilmiş və milyonlarla pul ayrılmış Astara təhsili niyə Qızbəs Məmmədovanın sayəsində orta əsrlər dövrünün qanunları ilə yaşamalıdır? Heç kim unutmamalıdır ki, korrupsiyaya qarşı mübarizə Prezidentimizin siyasətidir. Hətta sonum ölüm olsa belə, mən bu siyasəti dəstəkləməyə hazıram”.

Elçin

gundemxeber.az