Hər ay yüz min manatlarla dövlət vəsaiti mənimsənilir

Laçın rayon sakini Bəxşeyiş Salyan oğlu Xudayarov təhsil sahəsindəki korrupsiya problemləri ilə bağlı redaksiyamıza məktub ünvanlayıb. Qeyd edək ki, o, məsələ ilə bağlı Azərbaycan Respubilkasının Prezidenti İlham Əliyev cənablarına, Azərbaycan Respubilkasının Hesablama Palatasının sədri Vuqar Gulməmmədova və Azərbaycan Respublikasının Maliyyə naziri Samir Şərifova da müraciət edib.

Bəxşeyiş Xudayarov Laçın sakini olsa da, bəlli səbəbdən hazırda Ağcabədi rayonu, Taxta-Körpü ərazisindəki Şeylanlı obasında müvəqqəti olaraq məskunlaşıb.

Baxşeyiş Xudayarov yazır ki, Laçın rayon təhsil şöbəsinin tabeliyində rayonun 120-dən çox ümumtəhsil məktəbləri və hər bir məktəbin minumum 10 texniki işcisi var: “Bu işcilərin maKsumum 2 kuryeri iş yerinə gəlir, qalan ştatları məktəb direktorları yaxın qohumlarının adına yazaraq, hər ay alınan vəsait LRTŞ-inin sabiq müdri Malik Vəliyevə (hazırda Malik Vəliyev Tərtər regional təhsil idarəsinin maliyyə şöbəsinin müdri ) çatır. Bu məbləğ kifayət qədər böyük məbləğdir. 960-dan çox texniki işcinin aylıq maaşını və hər bir texniki işcinin 115 manat maaş aldığını nəzərə alsaq, bu, hər ay 110 400 manat dövlət vəsatinin mənimsənilməsi deməkdir”.

Şikayətçi yazır ki, Laçın rayon ümumtəhsil məktəblərində işləyən müəllimlərin yaşayış yeri və əsas iş yeri haqqında araşdırılma aparılsa, onda hər ay aylıq 250-350 manat əməkhaqqının onların adlarına yazldığı və faktiki olaraq işləməyən 100-dən çox müəllimin olduğu aşkar olunar. Bu müəllimlər özəl müəssələrdə çalışır, sadəcə, pedoqoji iş stajı olsun deyə adlarına dövlət vəsaitinin yazılıb mənimsənilməsinə razı olurlar”.

Şikayətçi yazır ki, Laçın Rayon Təhsil Şöbəsinin müdri Nicat Həsənov Təhsil haqqında qüvvədə olan normativ hüquqi aktların tələblərini pozaraq H1 və H2 həvəsləndirmə ilə rayon mərkəzindən uzaq məktəblərə musabiqə yolu ilə işə götürülən müəllimləri 2000-3000 manata Laçın rayonunun Bakı şəhərində yerləşən məktəblərinə yerdəyişmə edir: “Laçın Rayon Təhsil Şöbəsində əsas gəlir mənbələrindən biri də fakultativ məşğələlərə ayrilan dərs saatlarıdır. Bu saatları məktəb direktorları müəllimlərin adına yazaraq, hər ay alınan vəsait yığlaraq Malik Vəliyevə çatdırır.
Hər il dövlət büdcəsindən Laçın rayon təhsil şöbəsinə ayrılan yüz min manatlarla dövlət vəsaiti müxtəlif adlar altında talan edilir. İnventarların satın alınmasına, yumşaq inventarların satın alınmasına, məktəblərin zəruri və əsaslı təmir bərpa işlərinə, dəftərxana ləvazimatlarının alınmasına, avadanlıqların satın alınmasına və digər xərclər üçün ayrılmış vəsaiti müxtəlif MMC- lərin adına sənədləşdirərək mənimsəyirlər. Bir çox hallarda alına inventarlar faktiki bazar qiymətindən iki-üç dəfə şişirdilir. Məsələn, araşdırılma aparılsa, bir stülün faktiki bazar qiyməti 30 AZN olduğu halda balansa 60-70 manat salınıb.
Malik Vəliyev Laçın Rayon Təhsil Şöbəsində olan biznesinin davamlılığın təmin etmək məqsədi ilə Laçın Rayon Təhsil Şöbəsinin müdri vəzifəsinə Yaxın qohumu Nicat Həsənovu yüksək məbləğdə rüşvət qarşılığında müdir təyin etirmişdi.
Nicat Həsənov ixtisasca iqdsadçıdr və bundan əvvəl kağız üzərində faliyyət göstərən Uşaq Gənclər İdaman məktəbinin rəhbəri “vəzifəsini tutub”. Yəni heç bir pedoqoji faliyyəti olmayıb. Nicat Həsənovun təhsildən xəbəri yoxdur, sadəcə rüşvət yığmaq məqsədi ilə bu vəzifəyə gətrilib.
Laçın Rayon Təhsil Şöbəsində 2005-ci ildən hazırkı dövrə kimi heç bir maliyyə araşdırılması aparılmayıb və hər il milyon manatlarla dövlət vəsaiti müxtəlif yollarla mənimsənilir və bundan dövlət maliyyə nəzarət xidmətinin və 10 saylı Regional maliyyə müfəttişliyinin xəbəri var. Lakin təəssüf ki, heç bir tədbir görmürlər.

Ramin