Laçın rayon sakini hal-hazırda Ağcabədi rayon Taxta-Körpü ərazisində Şeylanlı Obasında Müvəqqəti Məskunlaşmış Xudayarov Baxşeyiş Salyan oğlu tərəfindən “Təhsil Nazirinin birinci müavini Ceyhun Bayramov Laçın rayon təhsil Şöbəsini korrupsiya yuvasına çevirib. Təhsil şöbəsinin sabiq müdiri Ceyhun Bayramovun “sağ əli” Malik Vəliyev bu şöbəni özünün və Ceyhun Bayramovun biznes obyektinə çevirdi”.
Bu sətirlər Laçın rayon sakini, hal-hazırda Ağcabədi rayon Taxta-Körpü ərazisində Şeylanlı Obasında müvəqqəti məskunlaşmış Xudayarov Baxşeyiş Salyan oğlu tərəfindən “Gündəm Xəbər”ə ünvanlanan məktubda yer alıb. Qeyd edək ki, məktub eyni zamanda Azərbaycan Respubilkasının Prezidenti İlham Əliyev cənablarına, Birinci öanım Mehriban Əliyevaya, Prezidenti Administrasiyasının rəhbəri
Ramiz Mehdiyevə, Təhsil Naziri Mikayıl Cabbarova, Baş nazir Artur Rasi-zadəyə,
Baş prokuror Zakir Qaralova,
Baş prokuroru yanında Korrupsiyaya qarşı Mübarizə Baş İdarəsinin Rəisi Kamran Əliyevə, Maliyyə naziri Samir Şərifova ünvanlanıb.

Şikayətçi yazır ki, Laçın rayon ümumtəhsil məktəblərində oxuyan şagirdlərin 40%-dən çoxu evdə təhsilə cəlb edilib və direktorlar aylıq əldə olunan vəsaiti M.Vəliyevin təyin etiyi şəxsə verirlər: “Bu pul C.Bayramovla M.Vəliyev arasında bölünür. Bu şagirdlər yenidən psixoloji-tibbi-pedoqoji komissiyadan keçirilsə, 90 %-nin sağlam və yüngül fiziki qüsurlu olduğu, məktəbdə dərs məşğlələrində iştrak edə biləcəkləri aşkar olunar”.

Şikayətçi bildiri ki, Təhsil Şöbəsindəki vakant dövlət qulluğu vəzifələri müsabiqəyə çıxarılmayıb. Müsabiqdənkənar, qeyri-qanuni yolla 4-5 namizədin hər birindən 5000 manat rüşvət alaraq təhsil şöbəsində məsləhətçi və baş məsləhətçi vəzifələrinə təyin ediblər.
Laçın rayon ümumtəhsil məktəblərində olan texniki ştatların 60 faizi direktorların yaxın qohumlarının adına sənədləşdirilib və əmək haqqı kartları direktorların cibindədir, alınan vəsait M.Vəliyevə çatır.

Diplomu saxta olan müəllimlərdən hər tədris ilində 800 manat rüşvət alaraq müəllim işləmələrinə şərait yaradılır. Laçın RTŞ-də 100-dən çox diplomu saxta olan müəllim var.
Laçın rayon ümumtəhsil məktəblərində işləyən müəllimlərin yaşayış yeri və əsas iş yeri haqqında Maliyyə nazirliyi araşdırma aparsa, aylıq 250-350 manat əmək haqqı adlarına yazldığı və faktiki olaraq işləməyən 50-dən çox müəllimin olduğu aşkar olar. Bu “müəllimlər” özəl müəssələrdə çalışır, sadəcə pedaqoji iş stajı olsun deyə adlarına dövlət vəsaitinin yazılıb mənimsənilməsinə razı olurlar”.

Şikayətçi yazır ki, Təhsil haqqında qüvvədə olan normativ hüquqi aktların tələblərini pozaraq ümumtəhsil məktəblərində sinif komplektləri normadan artıq saxlanılıb və hər il məktəb direktorlarına 2-3 uşağın adına şəbəkə tutdurub sinif komplektlərini 1000 manat rüşvət alaraq satıblar: “M.Vəliyev saxta diplomları olan şəxslərdən külli-miqdarda rüşvət alaraq çox asan yollarla əvvəlcə onları məktəblərdə psixoloq vəzifəsinə təyin edir, sonradan qeyri-qanuni olaraq həmin şəxslərə dərs tədris etdirir və hətta bununla kifayətlənməyərək, bu şəxsləri direktor, direktor müavini vəzifələrinə təyin edir.
Diplomu olmayan, düzgün yazıb-oxumağı bacarmayan şəxslərdən 2000 manat rüşvət alaraq hərbi biletlə onlara hərbi- hazırlıq müəllimi götürüb.

Hər il dövlət büdcəsindən Laçın rayon təhsilinə ayrılan 100 min manatlarla vəsaiti müxtəlif adlar altında talan ediblər. İnventarların satın alınmasına , yumşaq inventarların satın alınmasına, məktəbli paltarlarının alınmasına, məktəblərin zəruri və əsaslı təmir bərpa
işlərinə,dəftərxana ləvazimatlarının alınmasına, avadanlıqların satın alınmasına və digər xərclər üçün ayrılmış vəsaiti müxtəlif MMC-lərin adına sənədləşdirərək mənimsəyiblər. Araşdırlma aparılsa, bu vəsaitin heç 10%-i təyinatı üzrə xərclənməyib və bir çox hallarda alınan inventarların qiyməti faktiki bazar qiymətindən iki üç dəfə şişirdilib.Məsələn araşdırma aparılsa, bir stulun faktiki bazar qiyməti 30 Azn olduğu halda balansa 60-70 manat salınıb”.

Şikayətçi qeyd edir ki, Ceyhun Bayramov şərikli bizneslərini böydmək məqsədi ilə M.Vəliyevi 300 000 manat rüşvət qarşılığında Tərtər, Ağdam, Ağcabədi, Laçın, Füzuli və Xocavənd rayon təhsil şöbələrinin bazasında yaradılmış Tərtər Regional Təhsil İdarəsinə müdir təyin etirmişdi:
“C.Bayramov Laçın rayon təhsil şöbəsinə də Malik Vəliyevin yaxin qohumu olan Nicat Həsənovu müdir təyin etirmişdi. Əgər Ceyhun Bayramovun və Malik Vəliyevin rüşvət yığmaq məqsədi yoxdusa, Laçın rayonunda 100-dən çox ümumtəhsil məktəblərinin direktoru var, onlar içərisində təhsil şöbəsinin müdri işləməyə potensialı olan bir nəfər tapılmadı ki, müdir M.Vəliyevin qohumu Nicat Həsənov Uşaq Gənclər İdman Məktəbinin direktoru oldu. Bu müəssisə ancaq sənəd üzərində mövcuddur, faktiki fəaliyyət gostərmir”.

Sonda prezidentə müraciət edən şikayətçi yazır:
“Cənab Prezident! Laçın rayonun bütün idarə və müəssələrində korrupsiya, rüşvətxorluq, məmur özbaşınalığı dözülməz həddə çatıb. Bu acınacaqlı vəziyyət əhalinin sizə və dövlətə olan inamını azaldır. Əhalinin yeganə çıxış yolu sizə və Prezident Administrasiyasının rəhbərinə yazılı müracətlər göndərməkdir. Bu müracətlər aidiyyatı üzrə Prezident Administrasiyasında Laçın rayonu üzrə kuratoru Ağaəli müəllimə verilir. Ağaəli müəllim ayda bir dəfə vətəndaşlarla görüşmək adı altında Ağcəbədi rayon Taxta körpü qəsəbəsinə gəlir. Ağaəli müəllim rayona gəlməmişdən qabaq Laçın rayon İcra Hakimyəti tərəfindən Ağaəli müəllimi şərəfinə elə bir ziyafət təşkil olunur ki, onun vətəndaşlarla görüşə gəldiyi yaddan çıxır. Məclis qutarandan sonra Ağaəli müəllim Laçın rayon idarə və müəssə rəhbərlərindən aylıq hesabını aldıqdan sonra Bakıya qayıdır. Bunun da adı olur ki, guya onun vətəndaşlarla görüşü oldu. Cənab Prezident! Xahiş edirik ki, bu faktların yoxlanılmasına və günahkarların cəzalandırılmasına göstəriş verəsiniz”.

Amil