Xaləddin İsgəndərov bu qədər sərvəti necə toplayıb?

Son vaxtlar Bakının Binəqədi Rayon İcra Hakimiyyətinin başçısı Xaləddin İsgəndərov haqda məqalələr böyük rezonans doğurur. Buna səbəb onun qanunsuz fəaliyyəti, rayonda rüşvətxorluğun baş alıb getməsidir. Hələlik isə onu qeyd edək ki, Vergilər naziri Fazil Məmmədovun patronajlığı altında olan iki icra başçısı – Binəqədinin icra başçısı Xələddin İsgəndərov və Şəmkirin icra başçısı Alimpaşa Məmmədov özlərini qətiyyən bir məmur və ölkə prezidentinin sadə şəkildə ifadə etdiyii kimi “xalqın xidmətçisi” olaraq aparmırlar. Əgər hörmətli oxucularımız Xaləddin İsgəndərovun və Alimpaşa Məmmədovun icra hakimiyyəti kimi üç-dörd illik fəaliyyətlərini azacıq da olsa izləyiblərsə, onda yəqin ki, bu iki şəxsin lüzumsuz lovğalıqlarını və sərvətlərini və hakimiyyətlərini həddindən artıq nümayiş etdirmələrini, özlərini ətrafındakı insanlardan yüksəkdə görmələrini və ən əsası rəhbərlikləri altında çalışan insanlara qarşı həddindən artıq kobud davranmalarını və hər fürsətdə onları aşağılamalarını müşahidə ediblər. Vergilər naziri Fazil Məmmədova yaxın olan bu iki şəxsin neqativ özəlliklərini saymaqla bitməz. Digər icra başçılarından istər Xaləddin İsgəndərov, istərsə də Alimpaşa Məmmədov hər addımda öz eqolarını nümayiş etdirməyə və öz “hakimiyyətlərindən aldıqları kimi aparma həzzi” hər addımda nümayiş etdirməklə fərqlənirlər. Misal üçün Biəqədinin İcra başçısının tək özünü deyil, ailəsini də bir mühafizəçilər ordusu qoruyur. İcra başçısı bir yerə gedərkən adətən onu 6-7 maşın mühafizəçi maşını müşahidə edir. Qəribədir ki, başçının oğlu da, atası kimi şəhərdə ən azı 4-5 maşının müşayiəti ilə hərəkət edir. Əldə etdiyimiz məlumatlara görə icra başçısının digər ailə üzvləri də bir yerə gedərkən onları xüsusi maşınlar müşaiyət edir. Xatırladaq ki, Şəmkirin icra başçısı da xüsusi müşaiyət maşınları ilə hərəkət edir. Və bütün bunlar hansı pullarla olur, bu sual təbii ki, maraq doğurur. Yəni adi bir məmur dövlət hesabına özünü və ailəsini bu şəkildə qoruyur? Əgər bu belədirsə, buna zərurət hardan doğur? Hər halda keçmiş vergi işçiləri olan Xaləddin İsgəndərov və Alimpaşa Məmmədov dövlət vəsaitinin belə məsuliyyətsiz şəkildə dağıtmağın məsuliyyətini bilirlər. Yox, əgər Xaləddin İsgəndərov və Alimpaşa Məmmədov özlərini şəxsi vəsaitləri hesabına özlərini ərəb şeyxləri kimi aparılarsa, o zaman onlar vəsaitlərinin qaynaqlarını da açıqlmalıdrlar. Niyə məhz Fazil Məmmədovun patronajlığında olan bu iki məmur digər icra başçılarından daha çox hakimiyyətpərəstlikləri ilə seçilir və niyə özlərini kiçik padşahlar kimi aparmaqdan həzz alırlar? Axı Fazil Məmmədov bu keyfiyyətləri ilə seçilmir. Vergilər naziri bir qayda olaraq, fəaliyyətini, şəxsi həyatını və sərvətini gözə soxmağa çalışmır. Nazir olduğu uzun illər boyunca o, digərlərindən daha çox kölgədə qalmağa çalışmaqla diqqəti cəlb edir. Amma onun patronajlığında olan iki icra başçısı demək olar ki, özlərini hər addımda gözə soxurlar. Və “qudurğan məmur” imicini qazanan məmurlar arasında ilk yerlərdə durmaqdadırlar. Bunun səbəbi nədir? Maraqlı sualdır və açıq deyək ki, bu sualın cavabını bilmirik. Yəqin sualın cavabını Fazil Məmmədov hamıdan yaxşı bilir… Qeyd edək ki, Binəqədinin icra başçısı Xaləddin İsgəndərov haqqında sensasion xarakterli məlumatlar daxil olub. Və bu məlumatları araşdırıkən biz şaşqın vəziyyətə düşdük. Daha əvvəl Vergilər Departamenti rəisinin birinci müavini kimi bəsit bir vəzifə sahibi olan və 4 ildir Binəqədi rayon İcra Hakimiyyətinin başçısı vəzifəsini daşıyan Xaləddin İsgəndərovun bu qədər sərvəti hardan ola bilər? Bu şəxsin tək özəlliyi Vergilər naziri Fazil Məmmmədovun bacısı ilə evli olmasıdır. Bu günə qədər də iş adamı kimi heç bir yerdə adı keçməyib və dövlət məmuru olaraq çalışıb. Xaləddin İsgəndərovun ailə üzvlərinin də bizneslə məşğul olmaları ilə bağlı bu günə qədər heç bir məlumat olmayıb. Buna baxmayaraq, bu şəxsin özünün, ailəsinin qulluğunda bir xidmətçi və mühafizəçi ordusu dayanır. Və bu qulluqçu ordusunu saxlamaq üçün icra başçısı hər ay 100 min manata qədər vəsait sərf edir. Hər halda iddalar belədir. İsgəndərovlar ailəsi dövlətin zirvəsindəki şəxslər kimi qorunur. Bu Xaləddin İsgəndərovun özünün ortaya qoyduğu görüntünün ümumi nəticəsidir. Əldə etdimiz məlumata görə Xaləddin İsgəndərovun Bakının müxtəlif yerlərində, o cümlədən Yasamalda ondan artıq villası var. Bu gün bu villardan ancaq biri haqqında, Binəqədi rayonunun Rəsulzadə qəsəbəsində (keçmiş Vorovski), yerləşən villası haqqında danışacağıq. Redaksiyamızı məlumatlandıran mənbənin bildirdiyinə görə, əslində həmin villanı, villa adlandırmaq belə doğru olmazdı. Bu villa sözün həqiqi mənasında bir şahzadə qəsrini xatırladır. Mənbə bildirir ki, Xaləddin İsgəndərovun sözü keçən villası Vergilər naziri Fazil Məmmədovun villası üz-üzədir. Özünə villa tikən icra başçısı hamisini belə unutmayıb və eyni villanın bənzərini yolun qənşərində nazir qohumu üçün inşa etdirib. Mənbənininbildirdiyinə görə Xaləddin İsgəndərovun “Vorovski”dəki inşa etdirdiyi bu iki villaya milyonlarla dollar vəsait sərf etdiyi ilk baxışdan görününr. Fazil Məmmədov üçün inşa edilən villanın içindən bixəbər olduğunu qeyd edən mənbə, Xaləddin İsgəndərovun villası ilə bağlı maraqlı məlumatlar verib. Hündür hasarla əhatələnən villa bütün istiqamətlərdən kamera ilə izlənilir və burda quş belə uçurdulmur. Villanın darvazası xüsusi metaldan hazırlanıb və qapıda xüsusi mühafizə dəstəsi keşik çəkir. İçəri girmək üçün xüsusi buraxılış vərəqəsi tələb olunur. Villadan içəri daxil olarkən isə təmtəraqdan adamın ilk baxışda gözləri qamaşır. Vilanının həyətindəki 400 kvadratmetrlik hovuzun füsünkarlığı isə adamı valeh edir. Villanın içindəki cah-cəlaldan danışmaq isə təbii ki, yersizdir. Mənbə bildirir ki, villadakı bahalı içkilər kolleksiyası adamı ilk baxışda özünə cəlb edir və bu içki kolleksiyasındakı içkilərin hər birinin minimum qiyməti 1000 dollardan artıqdır. Villanın ümumi dizaynı və dekorasiyası isə belə təəssürat yaradır ki, bu sarayın sahibi bir milyarder ya da ərəb şahəzədəsidir. Mənbə bildirir ki, Xaləddin İsgəndərov bu villada adətən yaxın adamları ilə toplanır və bir qayda olaraq onlar gecələr villanın xüsusi dizayn olunmuş zirzəmisində əylənirlər. Mənbə qeyd edir ki, qonaqlar arasında Xaləddin İsgəndərovun tanımadığı şəxslər də olur. Buna görə də bir qayda olaraq qonaqlar içəri keçmək üçün buraxılış vərəqəsi təqdim edirlər… Yəqin ki, geniş ictimaiyyət üçün Xaləddin İsgəndərovun bu qədər sərvəti və krallara aid yaşayış səviyyəsini hansı yolla əldə etməsi çox maraqlıdır. Açığı bu, elə bizim üçün də maraqlıdır və ümid edirik ki, icra başçısı mal varlığı ilə bağlı açıqlama verərək bu iddaları yalan olduğunu isbat edəcək. Amma biz də bəzi məqamları qeyd edə bilərik. Belə ki, mətbuatda Binəqədi Rayon İcra Hakimiyyətinin başçısı Xaləddin İsgəndərovun xərac yığması haqqında yazılar dərc olunur. Bu yazılarda iddia olunur ki, Binəqədi rayonunun icra başçısı özündən qabaqkı icra başçılarının dövründə satılan torpaqların təftişinə göstəriş verib. Və artıq neçə vaxtdır həmin torpaqlarda məskunlaşan sakinlər və iş adamları üçün ciddi problemlər yaranıb. Torpaqlar öz sahiblərinə yenidən satılır, bununla yanaşı, yeni ev və ya obyekt tikməyə başlayanlardan xərac toplanır. Bu barədə yuxarı instansiyalara saysız-hesabsız şikayətlər edilsə də, icra başçısı “xərac” yığımından nəinki əl çəkmir, əksinə, getdikcə “xəracların” səviyyəsi artır. Binəqədi rayon ərazisində istənilən tikinti işini görmək üçün konkret “məzənnə” müəyyənləşib. Təkcə hasarın çəkilməsi üçün 2000 manat pul tələb olunur. Evlərin tikilməsi üçün isə qiymətlər əraziyə uyğun olaraq dəyişir. Xocəhəsəndə bu qiymətlər 2000-3500 manat, Biləcəridə 3500-4000 manat, Rəsulzadə qəsəbəsində 5000-10000 manat civarındadır. Xəbəri verən mənbə iddia edir ki, X.İsgəndərovun “xərac” yığanları hər axşam Sumqayıt yolundakı “Neapol” restoranına yığışaraq başçıya hesabat verirlər. Bəzi məlumatlara görə, “Neapol” da X.İsgəndərovundur. Redaksiyamıza şikayət edən sakinlər isə başqa rüşvət faktlarından danışıblar. Adının çəkilməsini istəməyən rayon sakini bidirib ki, Sulutəpə və Çiçək qəsəbələrində 1 mərtəbənin tikintisi üçün 4500-5000 AZN, 2 mərtəbənin tikintisi üçün isə 8-9 min AZN tələb olunur. Başqa bir şikayətçimiz isə bildirir ki, Rəsulzadə qəsəbəsində bir evin tikintisi üçün icazə evin bir mərtəbəsi yerindən asılı olaraq 10-20 min manat arasında dəyişir: “Vətəndaşları ciddi narahat edən mövzunu işıqlandırdığınız üçün təşəkkür edirəm. Amma rəqəmlərdə bəzi yanlışlıqlar var. Konkret olaraq Rəsulzadə qəsəbəsində birmərtəbəli ev tikmək üçün 15, ikimərtəbəli ev tikmək üçün 25 min manat rüşvət tələb olunur. Bu cür qaydalar Azərbaycanda ancaq Binəqədi rayonunda var. Vətəndaşların pulu ilə abadlıq işləri görülürsə, bunu niyə icra başçısının adına yazırlar? Camaat 15 min manata ev tikir, bu isə həmin məbləğdə rüşvət tələb edir”. Rayon sakinləri hesab edir ki, Binəqədi Xaləddin İsgəndərovun sayəsində “ən rüşvətxor” rayona çevrilib: “Biləcəri-Rəsulzadə qəsəbələri arasındakı ərazilərdə birmərtəbəli ev tikmək üçün 8 min manat, ikimərtəbəli ev tikmək üçün 15 min manat rüşvət tələb edirlər”. Qeyd etdiymiz kimi, artıq uzun müddətdir mətbuatda Binəqədi İcra hakimiyyətinin başçısı Xaləddin İsgəndərovun rayonda yaratdığı gərgin ab-hava ilə bağlı yazılar dərc olunur. Başçı bir müddət əvvəl mətbuatda gedən yazıların qarşısını almağa nail olsa da, hazırda vəziyyət başqa istiqamətə dəyişib. Qeyd edək ki, yazılanların əksəriyyəti vətəndaşların narazılıqlarını özündə ehtiva edir. Belə ki, əllərində torpaq sənədi olan insanlardan ev tikintisinə icazə almaq üçün külli miqdarda rüşvət tələb olunur. Vətəndaş məbləği vermədiyi təqdirdə, icra hakimiyyətinin qeyri-rəsmi əməkdaşlarının - mütəşşəkil qoçu dəstəsinin müdaxiləsi ilə üzləşir. Mətbuatda yer alan məlumatlara əsasən bir çox vətəndaşların tikililəri məhkəmə qərarı olmadan dağıdılaraq onlara külli miqdarda ziyan vurulub. Bütün bunlar narazı vətəndaş kütləsinin yaranmasına və böyüməsinə şərait yaradır. Xatırladaq ki, prezident İlham Əliyev çıxışlarında icra başçılarına, dövlət məmurlarına vətəndaşlara xidmət etmələri, problemlərini çözmələri, onları incitməmələri barədə tapşırıq verməsi haqqında fikirlər səsləndirir. Ancaq bəzi məmurlar ölkə başçısının bu tapşırıqlarını qulaqardına vururlar. Aparılan müşahidələr onu göstərir ki, bu tip məmurların axırı heç də yaxşı sonluqla bitmir. Vergilər naziri Fazil Məmmədovun yaxın qohumu olan Xaləddin İsgəndərov da həmin məmurlar sırasındadır. Həmçinin daxil olan məlumatda göstərilir ki, hazırda Xaləddin İsgəndərovun rayonda yaratdığı vəziyyət qarşısı çətin alına biləcək sosial partlayışa səbəb ola bilər. Belə ki, rayonda narazı vətəndaşların sayı günbəgün artır. Bu isə olduqca təhlükəli tendensiyadır. Bildirilir ki, icra başçısının özünün birbaşa rəhbərlik etdtiyi mütəşşəkil dəstəninin sakinlərdən reket yolu ilə pul toplaması haqqında istər yuxarı dairələrə, istərsə də mətbuata edilən şikayətlərin ardı arası kəsilmir. Göründüyü kimi, Xaləddin İsgəndərov rayonda elə bir vəziyyət yaradıb ki, insanları intihar həddinə çatdırıb. Güman ki, bü cür ciddi “ÇP”dən sonar onun barəsində ciddi tədbir görüləcək. İndiyəq qədər baş verənlər, eləcə də səhlənkarlıq ucbatından insan faiəsinə səbəb olan yanan bina olayından görünür, icra başçısı ibrət götürməyib...

Samir

gundemxeber.az