Yoxsa adı çəkilən qəbristanlığa rəhbərlik edən, eyni zamanda yalnız şifahi adı və “quruca kostyumu” olan Həmid adlı şəxsin nə ixtiyarı çata bilər ki, o, belə bir addımların atılması zamanı “mütləqi-qərar”ını verə bilsin
Baki şəhəri ərazisində yerləşən bəzi qəbristanlıqlarda yaşanan acınacaqlı durumun varlığı, bu gün sanki hər kəsi dəhşətə gətirir. Problemin kökündə təkcə hər qəbir yerlərinə görə fantastik məbləğdə “haqq-hesab”ın tələb olunması, qəbristanlıq ərazilərinin alaq otları ilə örtülməsi, yağmurlu havalarda su gölməçələrinin əmələ gəlməsi və s. durmur. Çünki, bir qədər zəhmət çəkməklə alaq otlarını təmizləmək, su gölməçələrini qurutmaq və digər xoşagəlməz problemləri müəyyən vaxt daxilində aradan qaldırmaq mümkündür. Əsas problem isə, müəyyən qədər qədim tarixə malik qəbir yerlərinin tarmar edilməsi və həmin qəbir yerlərinin yeni müştərilərə baha qiymətə satılmasıdır.



Əvvəla onu qeyd edək ki, qəbirstanlıq ərazilərinə cavabdehliyi Bakı şəhər İcra Hakimiyyəti, Mənzil-Kommunal Təsərrüfatı Departamentinin Əhaliyə Vətəndaşlıq Xidməti Tresti daşıyır. Adı çəkilən qurumda rəhbərliyi isə, Cavanşir Tağıyev həyata keçirir. Onu da bildirək ki, qeyd olunan trestin nəzdində olan “Qurd qapısı” qəbirstanlığı da, bu gün böyük təhlükələrlə üz-üzə qalıb. Buna səbəb, qəbristanlıq ərazisindəki müəyyən qədim tarixə malik yəhudi və rus əsilli qəbirlərin götürülməsi və həmin qəbir yerlərinin yeni müştərilərə baha qiymətə satılmasıdır. Xeyli müddət bundan əvvəl, bu yöndə informasiya müəyyən çevrəyə yayıldığından, bəzi media qurumlarında yaşanan problemin varlığı haqda silsilə açıqlamalar da dərc olunmuşdu. “Gündəm Xəbər” olaraq ilk vaxtlar problemin aktuallığına diqqət yetirməsək də, amma son günlər daxil olan informasiyalar bizi belə bir problemin varlığına daha çox diqqət yetirməyə vadar etdi. Belə ki, bir neçə gün bundan əvvəl əməkdaşlarımızın adı çəkilən “Qurd qapısı” qəbristanlığında olmaları, məhz redaksiyamıza çatdırılan məlumatların tam təsdiqini tapmasına səbəb oldu. Ümumi müşahidələr zamanı əməkdaşlarımız onu da dəqiqləşdirə bilirlər ki, həmin qəbristanlıqda olan və bir qədər qədim tarixliyi ilə fərqlənən qəbrlər, son vaxtlar yerli-dibli yox edilməkdədir. Sözsüz ki, belə bir addımlar atılarkən Bakı şəhər İcra Hakimiyyəti, Mənzil-Kommunal Təsərrüfatı Departamentinin Əhaliyə Vətəndaşlıq Xidməti Trestinin rəhbəri Cavanşir Tağıyev də məlumatlı olur. Yoxsa adı çəkilən qəbristanlığa rəhbərlik edən, eyni zamanda yalnız şifahi adı və “quruca kostyumu” olan Həmid adlı şəxsin nə ixtiyarı çata bilər ki, o, belə bir addımların atılması zamanı “mütləqi-qərar”ını verə bilsin.
Onu da vurğulayaq ki, bu gün qəbir yerlərinin imkanlı şəxslərə olduqca baha, imkansız şəxslərə isə rəhm edilmədən satdırılmasında, əsas söz sahibinin Cavanşir Tağıyev olduğu bildirilir. Onun belə bir addımlarının nəticəsidir ki, o, bu gün ən imkanlı vəzifə sahiblərindən biri hesab olunur, hətta adı milyonçu oliqarxlar siyahısında yer aldığı da söylənilir. Çatdırılan məlumatlarda o da vurğulanır ki, Cavanşir Tağıyev dəbdəbəli mülklərə və bahalı avtomobillərə də sahibdir. Onun ötən il, təqribən 200 min dollar qiyməti olan xarici markalı avtomobil aldığı da iddia olunur. Ümumi görünüşü diqqəti cəlb edən həmin avtomobilin, təkcə dövlət nömrə nişanının 10 min manat dəyərində olduğu da vurğulanır. Bütün bunlar onu söyləməyə əsas verir ki, yəhidi və rus əsilli qəbirlərin tarmar edilməsində və həmin qəbir yerlərinin baha qiymətə yeni müştərilərə satılmasında əsas məqsəd, cənab Tağıyevin maraqlarının təmin olunması durur



Baxmayaraq ki, ölkə rəhbəri cənab İlham Əliyev həmişə çıxışlarında vurğulayır ki, “Azərbaycan tolerant ölkədir”. Bəli, ölkə rəhbərinin söylədikləri tam həqiqətdir və müzakirəyə ehtiyacı olmayan açıqlamadır. Çünki, biz bunu hər gün görürük və real həyatımızda da hiss edirik. Məhz ona görə ki, hal-hazırda bizim ölkədə dinindən, irqindən, həyata baxışından və s. aslı olmayaraq hər kəs hər kəsə hörmətlə yanaşır. Amma, Cavanşir Tağıyevin rəhbərlik etdiyi qurumun yəhudi və rüs əsilli qəbirlərə qənim kəsilməsi isə, ölkəmizin belə bir imicinə bu gün də ciddi zərbə vurmaqdadır.
Qarşı tərəfin də mövqeyini dinləyə bilərik.

Mirzə

gundemxeber.az