Arif Həsənov: “MTN zabiti mənə 1 gün vaxt verdi, 400 min manat gətirməyimi tələb etdi”

“MTN əməkdaşları evimə gələndə həyat yoldaşım və 14 yaşlı qızım çox qorxmuşdu”
Ləğv edilmiş Milli Təhlükəsizlik Nazirliyi (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarov, MTN-in Energetika və Nəqliyyat Sahələrində Təhlükəsizlik Baş İdarəsinin sabiq işçisi, polkovnik Səlim Məmmədov, MTN-in sabiq idarə rəisi, mayor Akif Əliyev və keçmiş şöbə rəisi Orxan Osmanovun cinayət işi üzrə məhkəmə prosesi davam edir.
Proses Bakı Hərbi Məhkəməsinin hakimi Həbib Həsənovun sədrliyi ilə keçirilir. Təhlükəsizlik tədbirləri ilə bağlı cinayət işinə hərbi məhkəmənin binasında yox, Sabunçu rayon Məhkəməsinin inzibati binasında baxılır.
İş üzrə zərərçəkmiş şəxs qismində tanınan Arif Həsənov bildirib ki, 1996-ci ildə gəmi təmiri ilə məşğul olan “Techmarine LTD” MMC-ni təsis edib və Səhrab Allahverdiyevi birlikdə işləməyə dəvət edib: “Şirkətdə 50 faiz pay verərək Səhrab Allahverdiyevi özümə müavin təyin etdim”.
Zərərçəkmiş şəxsin sözlərinə görə, 2013-cü ilin axırlarından şirkətin bağladığı müqavilələr üzrə sənədlərin yoxlanılmasını keçirib: “Səhrab razılığım və xəbəri olmadan şirkət tərəfindən görülmüş işlərə görə külli miqdarda pul vəsaitlərini Estoniya və Latviyada yerləşən banklara offşor şirkətlərin hesablarına köçürdüyünü, göstərilən məbləğdə şirkətə vurulmuş ziyan tam şəkildə ilkin sənədlərlə təsdiq olunduğunu müəyyən etdim. Səhrab Allahverdiyevdən pulları geri qaytararaq dövlətə vergi verilməli olduğumu bildirdib. O, hədə-qorxu gələrək məni və oğlumu tutduracağını dedi”.
“Cinayət əməli barədə məluat verdim”
Arif Həsənov qeyd edib ki, Səhrab Allahverdiyevin hərəkətləri barədə 2014-cü ilin dekabr ayında Qaradağ rayonunda yerləşən “Neftmaşınqayırma” MMC-nın direktoru Asif Bədəlovun məsləhəti ilə MTN-nə müraciət etdim. 2015-ci ilin yanvar ayının əvvələrində Asif mənə telefonla MTN-nin yaxınlığında yerləşən “Sultan” kafesində MTN-nın əməkdaşları ilə birlikdə olduğunu dedi, məni də oraya dəvət etdi. Saat 12-13 radələrində həmin kafeyə gəldim”.
Zərərçəkmiş bildirib ki, Fizuli Əliyev, Natiq Alıyev, Zaur Məmmədov adlı MTN-nın əməkdaşları və Asif Bədəlovla görüşüb: “Onlara Səhrabin cinayət əməlləri barədə məlumat verdim. Həmin şəxslər sənədləri təqdim etməli olduğumu bildirdilər. Sonrakı günlərdə 4-5 dəfə həmin kafedə həmin şəxslərə a görüşdüm. Onlara sənədləri və şikayət ərizəsini təqdim etdim”.
“MTN zabiti mənə 1 gün vaxt verdi”
Arif Həsənovun sözlərinə görə, yanvar ayının ortalarında Fizuli ilə “Sultan” kafesində görüşüb: “Füzuli bütün günah məndə olduğunu, məni və oğlumu tutacaqlarını dedi. MTN zabiti mənə 1 gün vaxt verdi, 400 min manat gətirməyimi tələb etdi. Səhəri gün axşam vaxtında “Techmarine LTD” MMC-nin ofisinə Fizuli Əliyev, Natiq Alıyev, Zaur Məmmədov, kompyuter mütəxəssisi Hacıağa adlı əməkdaş, Akif Çovdarovun idarəsinin əməkdaşı Akif Əliyev və digər tanımadığım MTN əməkdaşları daxil oldu. Fizuli Əliyevin göstərişi ilə Hacıağa ofisdə olan kompyuterləri serverdən açaraq, baş mühasibin kompyuterini götürdü, digər kompyuterlərdə olan bütün məlumatları köçürdü. Digərləri isə ofisdlə axtarış aparmaqla MMC-nın çek kitabçasını və digər maliyyə sənədlərini götürdü. Həmçinin Hacıağa Fizuli Əliyevin göstərişi ilə ofisdə quraşdırılmış müşahidə kamerasını və kameranın serverıni açdı”.
“Mənə mənəvi təziyiq göstərildi”
Zərərçəkmişin ifadəsinə görə, sonra onu, oğlunu, Səhrab Allahverdiyevi, iş icraçısı Əlizamin Rzayevi, texnoloq Ramin Əkbərovu MTN-ə aparıblar: “MTN-nın buraxılış-nəzarət məntəqəsinin 2-ci mərtəbəsində məni saat 02 radələrinə kimi, işçilərimi isə saat 23 radələrinə saxladılar. Fizuli Əliyev mənə oğlumun həbs ediləcəyi ilə hədə-qorxu gələrək kulli miqdarda pul tələb etdi. Fizuli Əliyev mənimlə söhbət etdikdən sonra, Natiq Alıyev, Zaur Məmmədov, Akif Əliyev söhbəti davam etdi. Mənə çox böyük mənəvi təziyiq göstərildi. Həmin gün saxlanıldığım otaqdan buraxılmamışam, məcbur olaraq qorxduğumdan evdə olan şəxsi vəsaitimdən Fizuli Əliyev istədiyi 400.000 manat pulu götürdüm və təxminən 16 yanvar tarixində “Sultan” kafesində ona verdim. Pulu verdiyim zaman Fizuli bankda nə qədər pulum olduğunu soruşdu. Ona Beynəlxalq Bankın Qaradağ filialında 100.000 manat mənim, “Azəriqazbank”da da arvadım Məhsirə Həsənovanın 100.000 ABŞ dolları depozit hesablarında olduğunu bildirdim. Daha sonra Fizuli Əliyev dedi ki, gözlə burda, gələcəklər onlarla danışarsan. Sonra Fizuli getdi”.
“Oğluma 5 il iş verəcəklərini bildirdi”
Arif Həsənov bildirib ki, 15-20 dəqiqədən sonra Akif Əliyev gələrək bankdan pulları çıxarmasını və ona verməsini tələb edib: “Buna etiraz etdim. Lakin Akif Əliyev səhəri gün oğlum Həsənlə birlikdə MTN-ə gəlməyimi tapşırdı. Səhəri gün saat 09 radələrində oğlum ilə birlikdə nazirliyə gəldim. Bizi nəzarət-buraxılış məntəqəsinin 2-ci mərtəbəsində Fizuli, Akif, Zaur, Natiq və Səhrab olan otağa gətirdilər. Səhrab MTN-nin əməkdaşlarına evimdə kameralar quraşdırıldığını dedi. Fizuli və Akif buna görə oğluma 5 il iş verəcəklərini bildirdi. Akif Əliyev bizi yanvar ayının 22-ə qədər hər gün nazirliyə çağıraraq pul tələb etdi. Həmçinin şirkətin balansında olan ofisi və əlavə olaraq 130.000 manatı Səhraba verməyi tələb etdi. Bununla
əlaqədar yanvarın 24-də “Azərbaycan İnternational Consalting Company” şirkətinə gəlməyimi tapşırdı”.
“İşləməyiməzə imkan vermədilər”
Arif Həsənovun sözlərinə görə, yanvarın 23-də məcbur olaraq hər iki bankdan 100.000 manat və 100.000 ABŞ dolları məlbəğində pulları çıxarıb: “Həmin vəsaiti saat 15 radələrində “Sultan” kafesinin yanında Akifə verdim. Yanvarın 24-də Akif dediyi şirkətə getdim. Səhrab və Natiq Alıyevin orada olduğunu gördüm. Şirkətin müdiri Natiq Abdullayevin iştirakı və diktəsi ilə “Techmarine LTD” MMC-nın ofisinin Səhrabin adına keçməsi və güya 130.000 manat borcunun ödənilməsinə dair müqavilə tərtib olundu. Bu əməliyyatların notariat qaydasında təsdiq edilməsindən ötrü Bakı şəhəri, Suraxanı rayonu, Hovsan qəsəbəsində fəaliyyət göstərən dövlət notariusu çağırıldı. Lakin bundan sonra da Akif Əliyev və Fizuli Əliyev mənə MMC-nin əsas fəaliyyəti ilə məşgul olmağa imkan vermədi, müxtəlif gəmilərin təmir işlərini həyata keçirilməsi ilə bağlı müqavilə bağladığım zaman sonuncular sifarişçini MTN-ə dəvət etməklə rəhbərlik etdiyim şirkətlə əməkdaşlığa son qoymasını tələb etdi. Bizə verilməli sifarişlər Səhrab Allahverdiyevin “Delta ASM” şirkətinə verildi”.
“Atamı MTN-ə apardılar”
Daha sonra zərərçəkmiş şəxs qismində ifadə verən “Techmarine LTD” MMC-nın baş texniki menecerı Həsən Həsənov bildirib ki, atası Arif Həsənov 2015-ci ilin yanvar ayında saat 18 radələrində zəng vurmaqla şirkətin ofisinə MTN-nin əməkdaşları gəlmələrini barədə məlumat verib: “Bu səbəbdən məndə şirkətin ofisinə gəldim. 5-10 dəqiqədən sonra ofisə əvvəllər tanımadığım Fizuli Əliyev, Natiq Alıyev, Zaur Məmmədov və daha bir-iki MTN işçiləri daxil oldu. Fizuli Əliyev kompyuter mütəxəssisi Hacıağaya kompyuterlərdə olan bütün məlumatları fləş-karta köçürmək barədə göstəriş verdi.
MTN-nin əməkdaşları ofisdə olduğu 2 saat ərzində maliyyə və təsərrüfat sənədlərinə baxdım. Baş mühasibin xidməti otağından bir neçə maliyyə sənədini, ofisdə quraşdırılmış videokameranın sistem blokunu götürdü. Atamı, Səhrab Əlləhverdiyevi, İndira Bədəlovanı, Ramin Əkbərovu və Əlizamin Rzayevi MTN-ə apardılar. Saat 24 radələrində onları buraxdılar”.
“MTN əməkdaşları evimə basqın etdi”
Zərərçəkmişin sözlərinə görə, bundan sonra Fizuli Əliyevin göstərişi ilə 6-7 gün ərzində atam ilə MTN-ə səhər gəlirdik: “Hər gün MTN-də saat 21-22 radələrinə kimi qalmışıq. Atam ilə dəfələrlə Fizuli Əliyev və Akif Əliyev söhbət etmişik. Mənimlə digər işçilər müəyyən söhbətlər apararaq şirkətin fəaliyyəti barədə ətraflı məlumat almağa çalışıb. Lakin söhbətlərin nəticələri heç vaxt sənədləşdirilməyib. Bir neçə gündən sonra MTN-də olduğumuz zaman Səhrab Allahverdiyevin təklifi ilə MTN-nin əməkdaşları yaşadığım ünvana gəldi və qanunsuz axtarış apararaq evimdə quraşdırılmış videokameraları götürdülər”.
Zərərçəkmiş qeyd edib ki, MTN işçisi evində olan bütün kameraları sındırıblar və DVR qurğusunu sökərək, özləri ilə aparıblar: “Halbuki, həmin qurğu çoxdan işləmirdi. Bundan başqa evdəki bütün diskləri, yaddaş kartlarını, hətta içərisində ailə fotoşəkillərinin olduğu kartları da paketə toplayaraq MTN-ə apardılar. Həmin vaxt həyat yoldaşım və 14 yaşlı qızım çox qorxmuşdu, özüm bir müddət sonra insult keçirmişdim”.
Həmçinin bu epizod üzrə “Techmarine LTD” MMC-nin iş icraçısı Əlizamin Rzayev zərərçəkmiş qismində ifadə verib. O, bildirib ki, 2015-ci ilin yanvar ayında şirkətin müdiri Arif Həsənov ona zəng vurub və MTN tərəfindən şirkətdə yoxlama aparılmasını bildirib: “Saat 19 radələrində ofisə gələrkən orada MTN-nın 4-5 əməkdaşlarını gördüm. Onların şirkətin mühasibat və maliyyə sənədlərini götürdülər. Onları böyük
çantalara qoydular. Həmçinin şirkətin kompyuterlərindən noutbuk tipli kompyuteri götürdülər. Bundan sonra Arif Həsənovu, müdir müavini Səhrab Allahverdiyevi, şirkətin baş mühasibi Mətanət Allahverdiyevanı və mühasib İndira Bədəlovanı MTN-nın binasına aparıldılar. Həmçinin MTN əməkdaşlarının göstərişi ilə mən və şirkətin mühəndisi Ramin Əkbərov nazirliyə gəldik. Nazirliyin binasının 2-ci mərtəbəsində Arif Həsənovu və Səhrab Allahverdiyevi gördük. Yarım saatdan sonra Akif Əliyev və Fizuli Əliyev məni otağa çağırdılar. Onlar gəmi təmiri ilə bağlı mənə suallar verdilər. Lakin mənim onların suallarına verdiyim cavabları qeyd edilmədi. Orada məni saat 23 radələrinə kimi saxladıəlar. Məni və Ramil Əkbərovu saat 23 radələrində buraxdılar. Həmin vaxt Arif Həsənov və Səhrab Allahverdiyevin orada qaldılar”.
Bu epizod üzrə “Techmarine LTD” MMC-nin təchizatçısı Elşən Nəcəfov da zərərçəkmiş şəxs qismində tanınıb. O, bildirib ki, 2015-ci ilin yanvar ayında saat 19.30 radələrində Arif Həsənov ona zəng vurub və ofisə çağırıb: “Mən də ofisə gəldikdə orada MTN-nın əməkdaşlarını gördüm. Həmin şəxslər şirkətin işçiləri Mətanət Allahverdiyevanı, İndira Bədəlovanı, Ramin Əkbərovu, Əlizamin Rzayevi, Səhrab Allahverdiyevi apardılar. Mən isə öz avtomaşınım ilə Arif Həsənovu MTN-nın binasının yaxınlığına gətirdim”.
“MTN-nin problemlər yaratdığını bildirdi”
Elşən Nəcəfov qeyd edib ki, yanvarın 20-də MTN-dən tanımadığı şəxs zəng vurmaqla onu nazirliyə çağırıb: “MTN-nın nəzarət-buraxılış məntəqəsinin 2-ci mərtəbəsində Fizuli Əliyev, Akitf Əliyev, Natiq Alıyev və bir nəfər tanımadığım bir şəxs olan otaqda Fizuli Əliyev şirkətinin fəaliyyətinə dair bir nəçə sual verdi. Sonra Natiq Alıyevə mənimlə birlikdə “Techmarin LTD” MMC-nın ofisinə gedərək kompyuterimdən bütün məlumatları götürmək göstərişi verildi. Natiq Alıyevin avtomaşını ilə ofisə gəldik. Onun yanında olan kompyuter
mütəxəssisi öz fləş-kartına kompyuterində olan məlumatları götürdü. Sonra məni buraxaraq səhəri gün MTN-ə gəlməyimi tələb etdi. Əvvəlki qaydada 2-ci mərtəbədə Fizuli Əliyev, Akif Əliyev və daha bir neçə əməkdaş olan otağa çağırıldım. Orada həmçinin Səhrab Allahverdiyevi gördüm. Fizuli Əliyev yenidən şirkətin fəaliyyətinə dair suallar verdi, orada olduğum zaman Həsən Həsənovun evindən videokameranın çıxarılması barədə göstəriş verilməsini eşitdim. Təxminən 3-4 saat qaldıqdan sonra Fizuli Əliyev məni buraxdı. 20 və 21 yanvar 2015-ci il tarixlərdə MTN-də olduğum zaman orada Arif Həsənovu və sonuncunun oğlu Həsəni, şirkətin iş icraçısı Cümşüdü görmüşəm. Bundan sonra MTN-ə Arif Həsənovu təxminən 4-5 dəfə aparıblar. Arif Həsənov şirkətin fəaliyyətinin davam edilməsində MTN tərəfindən müəyyən problemlərin yaradılması barədə bildirib”.

Aslan
gundemxeber.az