Kərəm Həsənovla qardaşı Malik Həsənovun Çexiyadakı mal-mülkləri, biznes imperiyası qalmaqallı Araşdırma Qrupunun materiallarında yer alıb

MTN işinə görə “qələmi qırılan” Həsənovlar Avropaya daşınaraq qaçış xəttində dayanıblar - Detallar

Dövlət Əmlak Komitəsinin sədri Kərəm Həsənovun vəzifəsini itirmək təhlükəsi hələ də sovuşmayıb. “Gündəm-Xəbər”-ə daxil olan xəbərə görə, MTN işindən güclə qurtulan komitə sədrinin yenə başı cəncəldədir.

OCCRP-in Malik Həsənov dosyesi

Onun adı Beynəlxalq araşdırmaçı jurnalistlərdən ibarət Mütəşəkkil Cinayətkarlıq və Korrupsiya Araşdırmaları Layihəsi (OCCRP) tərəfindən hazırlanmış qalmaqallı materiallarda keçir.

Daha doğrusu, deputat qardaşı Malik Həsənovun Çexiyanın Praqa və Marinask Lazne şəhərlərində daşınmaz əmlak və otellər alan tanınmış azərbaycanlılar arasında adı var.

Hər iki çex şəhərində bahalı malikanələrə sahiblənmiş komitə sədrinin deputat qardaşının bu pulları hardan əldə etdiyini K.Həsənov və M.Həsənov yaxşı bilirlər.

Bilgilərə görə, komitə rəhbəri bu faktın qabağında aciz qalıb və siyasi rəhbərliyin sorğu-sualına nə cavab verəcəyini bilmir.

Çünki bu dəfə onun “qələmi qırılıb” və 2018-dən sonra Həsənovlar siyasi həyatda olmayacaqları ehtimalı var.

Mətbuatda gedən yazılara görə, beynəlxalq araşdırmaçıların ortalığa qoyduğu faktlar göstərir ki, Həsənovlar prezidentə qarşı Qərbdə başlamış kampaniya üçün tutarlı arqumentlər veriblər.

Əgər Həsənovlar Avropada mal-mülk sahibi olmasaydılar, korrupsiya pullarına varlanmasaydılar beynəlxalq dairələrin ölkəmizin imicinə zərbə vuran bu halları tirajlamazdı. Ümumiyyətlə, K.Həsənovun adı 2015-ci ildən mətbuatın dilindən düşmür.

Komitə sədrinin fəaliyyəti, qalmaqallı işləri, neqativ əməlləri, müxtılif əməliyyatlarda iştirakı, yaxınlarının özbaşına hərəkətləri prezidentə təqdim olunmuş dosyedə yer alır.

Benetiçe və Karlovı Varıda zavodlar

“Gündəm-Xəbər”in mediaya istinadən verdiyi məlumata görə, Kərəm Həsənov Azərbaycanda yığdığı milyonlar hesabına Çexiya və Dubayda böyük biznes şəbəkəsi qurub.

Çexiya yeyinti sənayesində Həsənovun böyük pay sahiblərindən biri olduğu qeyd olunur. Onun bu ölkədə yüngül və yeyinti sənayesinə daha önəm verdiyi bildirilir, mineral su və pivə istehsalına böyük kapital yatırımı etdiyi iddia olunur.

Həsənovun Çexiyanın müxtəlif bölgələrində, xüsusən də Benetiçe və Karlovı Varı şəhərlərində mineral su zavodları olduğu deyilir.

Bu zavodlarda istehsal edilən mineral suların bir qismi çex bazarlarına çıxarılsa da, daha böyük qismi Avropa ölkələrinə satılır. Lakin həmin suların Azərbaycana idxal olunduğu da vaxtında təsdiqini tapıb.

Bu suların Azərbaycandakı satışını həyata keçirən və rəsmi distribüteri hesab edilən ”Mattoni"nin də komitə sədri və ona yaxın olan adamlara məxsus olduğu deyilir. Həmçinin komitə sədrinin Çexiya və Birləşmiş Ərəb Əmirliyində xeyli sayda i tirahət və əyləncə mərkəzinə sahib olduğu bildirilir.

Həsənovlar qaçış xəttində

“Gündəm-Xəbər”in əldə etdiyi məlumata görə, Həsənovların biznesini Avropaa köçürməsi haqda yerli mətbuat zaman-zaman yazmasına baxmayaraq Mütəşəkkil Cinayətkarlıq və Korrupsiya Araşdırmaları Layihəsi (OCCRP) tərəfindən hazırlanmış faktların rezonansı xüsusidir.

Həsənovların xaricdə biznes qurmasının arxasında isə vəzifə itirildikdən sonra ölkəni tərk etmək planı dayanır. Məmurların qaçış xəttində startda durması onların ölkənin sərvətlərini çapıb-taladıqdan sonra aradan çıxmağa hesablanıb.

Hakimiyyətdə karyera yüksəlişi olmayacağını yaxşı anlayan komitə sədri və deputat qardaşı Ziya Məmmədovun aqibətini yaşayacaqlarını bilir. Xüsusən də MTN işində Kərəm Həsənovun adının keçməsi bu klanın “qələmini qırıb”.

Mətbuatda gedən iddialara görə, K.Həsənovun qardaşı ən azı 2-3 aydan bir İsveçrəyə səfər edir. O, müxtəlif üsullarla onun Azərbaycandan çıxartdığı pulları bank hesablarına yatırdır.

Bu səfərlərin mövcudluğunu sübut etmək üçün onun pasportundakı giriş və çıxış qeydlərinə baxmaq kifayətdir.

Görünür ki, 2018-dən sonra vəziyyət mürəkkəbləşə bilər. Hazırda məmurlar öz uşaqlarını və bizneslərini ölkədən çıxarırlar. Onların sabaha təminatı yoxdurş.

Qafqazın şeyxi Allahşükür Paşazadənin oğlunun ölkəni ailəsi ilə birgə birdəfəlik tərk etməsi də açıq mesaj idi.

Sabaha təminat olmadığını yaxşı anlayan vəzifəlilər siyasi böhran zamanı balalarının buna hazır olmayacaqlarını bilirlər.

Şeyxin oğlu isə Azərbaycandan köçən ilk iqtidar adamının övladı deyildi. Mərhum energetika naziri Natiq Əliyevin oğlu, AZAL prezidenti Cahangir Əsgərovun övladları, (bu günlərdə kosmetik dükanı yandırıldı - müəllif), məhbus bankir Cahangir Hacıyevin ailəsi, MTN rəhbəri Eldar Mahmudovun ailəsi, nəqliyyat naziri olmuş Ziya Məmmədovun oğlu və nazir qudası Heydər Əsədovun qızı, mədəniyyət naziri Əbülfəs Qarayevin qızı, Baş nazirin müavini İsmət Abbasovun oğlu (Londonda), Mərkəzi Bank sədri Elman Rüstəmovun qızı Azərbaycandan çıxarılıblar. Bu, son da deyil və axarı olacağı şübhəsizdir. Eynilə Kərəm Həsənov üçün də vəziyyət gərgindir.

Kərəm Həsənovun əmi oğlundan qoçuluq

Bu günlərdə vətəndaşı qanına qəltan edən Dövlət Əmlak Komitəsinin sədri Kərəm Həsənovun doğma əmisi oğlu Kamal Nurməmməd oğlu Həsənov da bu klana zərbə vurdu.

Biləsuvar rayon Ovçubərə kənd sakini Eyniyeva Gülsabah Havarxan qızı müraciət ünvanlamışdı.

Onun şikayəti Dövlət Əmlak Komitəsinin sədri Kərəm Həsənovun doğma əmisi oğlu Kamal Nurməmməd oğlu Həsənovdan idi.

O, Kamal Həsənovu və ətrafını qanunsuzluqda, övladlarını vəhşicəsinə döyməkdə ittiham edirdi. Bu barədə mətbuatda döyülən şəxsin qan içində olan fotoları da yayımlanıb.

Komitə sədrinin əmisi oğlunun törətdiyi cinayət də yuxarılarda ciddi hiddət doğurub. Prezident ətrafında onun siyasətinə xələl gətirən belə qüvvələri tək-tək təmizləməkdədir.

Ona görə də Cəlilabad və Biləsuvarda “at oynadan”, rayonu viran qoyan, Fərhad Əliyev və Eldar Mahmudov söhbətlərinə görə unudulmayan Kərəm Həsənovun komitəsinin ləğvi, özünün istefaya göndərilməsi gündəmdədir.

Komitəni ofsayda salan sərəncam

“Gündəm-Xəbər”in əldə etdiyi məlumata görə, prezident İlham Əliyevin imzaladığı “Dövlət əmlakının özəlləşdirilməsi prosesinin təkmilləşdirilməsi sahəsində əlavə tədbirlər haqqında” fərmanı ilə Əmlak Məsələləri Dövlət Komitəsinin prosesdən kənarda saxlanması da prosesin tərkib hissəsidir.

Belə ki, adıçəkilən fərmana əsasən, bundan sonra Azərbaycanda dövlət əmlakının özəlləşdirilməsi Prezidentin qərarları ilə həyata keçiriləcək.

Xatırladaq ki, bu fərmana qədər özəlləşdirmə prosesi Əmlak Məsələləri Dövlət Komitəsi tərəfindən həyata keçirilib.

Maraqlıdır, prezident niyə yeni sərəncamıyla Kərəm Həsənovu “oyundankənar” vəziyətdə qoydu?

Bu, ona olan etimadın zəifləməsidir, yoxsa burada özələşdirmə proseslərində yol verilən qanun pozuntuları, rüşvət, korrupsiya, qrup oyunları və sair məqamların təsiri varmı?

Kərəm Həsənovun özəlləşdirmə prosesində dövlətin ümdə maraqlarını təmin edə bilmədiyi göz önündədir və bunu prezident İlham Əliyev keçirdiyi müşavirədə dilə gətirib:

Xatırlayırsınızsa, həmin müşavirədə prezident İlham Əliyev beynəlxalq ekspertlərin iştirakı ilə geniş özəlləşdirmə proqramının hazırlanması barədə tapşırıq verdi və dedi ki: “Biz həm xarici, həm yerli investorları bu işə cəlb etməliyik.

Hələ ki, Azərbaycanda bir çox özəlləşdirilməmiş müəssisələr var və onların fəaliyyəti dayanıbdır. Bəzi hallarda bu müəssisələr yarıdağılmış vəziyyətdədir, onların çox böyük torpaq sahələri var”.

İstisna deyil ki, indiyə qədər qorunan bir çox dövlət müəssisələri də özəlləşdiriləcək. Hətta “Azərsu” ASC, “Azərişıq” ASC, “Azəriqaz” İstehsalat Birliyi, dövlət nəzarətində olan digər böyük səhmdar cəmiyyətlərinin, böyük səhiyyə, emal, nəqliyyat, xidmət müəssiələrinin, zavodların və s. özəlləşdiriləcəyi istisna olunmur.

Bu sərəncam göstərdi ki, komitənin səlahiyyətləri getdikcə azalacaq, ASAN Xidmətə veriləcək və lazımsızlaşan bu quruma çevriləcək.

Yekunda komitə Torpaq və Xəritəçəkmə komitəsinin, Kərəm Həsənov da vaxtilə düşmən olduğu Qərib Məmmədovun aqibətini yaşayacaq. Odur ki, xaricdə biznesini şaxələndirən Həsənovların dosyes beynəlxalq araşdırmaçıların diqqətindən kənarda qalmayıb.

Hakimiyyətin isə həm bu faktlara, həm MTN işinə görə Həsənovları bağışlamayacağı bildirilir. K.Həsənovun təşvişi da burdan qaynaqlanır.

Mahmudovun deputatı OCCRP-də

“Gündəm-Xəbər” xatırladır ki, Milli Təhlükəsizlik Nazirliyi ilə Rabitə Yüksək Texnologiyalar Nazirliyindəki yüksək çinli məmurların qruplaşmasında Əmlak Məsələləri Dövlət Komitəsinin də çinovniklərinin olduğu üzə çıxıb.

Dövlət başçısının təhlükəsizlik sektorunda etimad göstərdiyi məmurların əlbir olaraq cinayətkar bir şəbəkə formalaşdırması və prezidentə, dövlətə xəyanət etməsi sübuta yetirilməkdədir.

Malik Həsənovun 2015-ci ildə keçiriləcək parlament seçkilərində də YAP-ın siyahısına adının düşməsinin səbəbkarı elə sabiq MTN şefi Eldar Mahmudov olub.

Komitə sədri ilə MTN nazirinin arasında milyonluq sövdələşməsi baş verib. Kərəm Həsənovun ətrafından Eldar Mahmudovun toruna düşən ilk yüksək vəzifəli şəxs isə Dövlət Reyster Xidmətinin rəisi Məhəmməd İmanov olub.

Məhəmməd İmanovun Əmlak Komitəsində əsas kilid adamlardan biri olduğu və KərəmHəsənovun "qara kasası" rolunu oynadığı bir çoxlarına bəllidir.

Məhəmməd İmanovun ən yaxın adamı hansısa bir obyekti özəlləşdirmək üçün külli miqdarda rüşvət aldığı zaman MTN-nin işçiləri tərəfindən həbs olunub.

Zöhrab Təmrazov
gundemxeber.az