V.Tagıyev: ”Nəcməddin Sadıqov əmr etdi ki, maşındakı meyitləri (cəsədləri) dərəyə at"

“Gündəm Xəbər”in ötən sayında dərc olunan məlumat xarakterli “Toxunulmaz və əvəzolunmaz general” başlıqlı yazı ictimaiyyətdə dərin rezonans yaratmışdır. Belə ki, general Nəcməddin Sadıqov haqqında bilgili şəxslər məlumatları redaksiyamıza göndərirlər.
1. Şəmkir rayon sakini 1938 –ci il təvəllüdlü Məmmədov Müzəffər Daşdəmir oglu bildirir ki, ”Oglum Elçin 1992 – ci ildə Qarabag müharibəsində yaralanmışdı və o, Füzuli rayonundakı hospitalda müalicə olurdu. Mən onu ziyarətə getmişdim. Həmin hospitalda müalicə olunan yaralı bir Əfqan zabiti mənə dedi: Biz 10 (on) il (1979 - 1989) ruslarla döyüşdük. Onlar qələbə çala bilməyib vətənimizdən çıxıb getdilər. Bu Qarabag müharibəsi isə bir oyundur sizə qurublar. Nə qədər ki, sizin milli orduda rusiyaya meyilli Nəcməddin Sadıqov kimi komandirlər var, itkiləriniz çox olacaq. Orduda təxribatlar və digər xoşa gəlməyən hadislər baş verəcək. (Yeri gəlmişkən Tərtər rayonunda baş vermiş olaylar ölkəmizi rüsvay edici, xalqımıza utancgətirici hadisələrdən biridir.)”.
2.Digər Şəmkir sakini rayonun Dəllər qəsəbəsində yaşayan Tagıyev Vaqif Əşrəf oglu N.Sadıqov haqqında çox ilginc, və nifrət yaradan bir məlumatı (faktı) bizə (redaksiyamıza) bildirdi: “Mən 1993-cü ildə (onda mənim 54 yaşım var idi) könüllü olaraq hərbi xidmətə getdim. Xidmətimi Gədəbəy rayonundakı briqadada başladım. Hərbi xidmətə Dəllər qəsəbə sakinlərinin mənə hədiyyə verdikləri QAZ-66 markalı maşınla getmişdim.
1994 – cü il fevral ayının 10-da briqada komandiri polkovnik Cahangir Rüstəmovun əmri ilə 20 nəfər əsgər ərzaq və hərbi sursat maşına yükləyib Murovdaga getdim. Murovdaga biz gecə saat 3-də çatdıq. Güzgü adlanan ərazidə bizim post var idi. Keşikçilər maşını saxladılar və mənə dedilər ki, Nəcməddin Sadıqov palatkadadır,
get ondan icazə al səni buraxaq mövqelərə getməyə. Mən çadıra girib ondan icazə istədim. O, isə rus dilində mənə “net” (olmaz) dedi. Mən ona izah etdim ki, bizim briqadadan burada döyüşən bir batalyon şəxsi heyyətə əlavə qüvvə ərzaq və hərbi sursat gətirmişəm icazə versin aparım. Bir də ondan xahiş etdim ki, mənim maşınıma ermənilər atəş açsalar bizi qorumaq üçün düşmənlərə cavab atəşi açmaga tabeliyində olan şəxsi heyyətə əmr etsin. N.Sadıqov mənim nə izahatımı eşitmək, nə də xahişimə əməl etmək istəmədi və elə “net” (olmaz) “net” (olmaz) deyib durdu. Mən çadırdan çıxıb maşının arxa fanarlarının naqillərini kəsib yola düşdüm və bir kilometr getmişdim ki, ermənilər maşına atəş açmaga başladılar. Ancaq N.Sadıqovun durdugu istiqamətdən bizi qorumaq üçün ermənilərə cavab atəşi açılmadı. Düşmənlərin atdıgı mərminin qəlpələri maşının “portpres”ini sındırdı və başqa yerlərini zədələdi. Səhəri günü yəni 1994-cü il fevralın 11 – də geri qayıdanda maşında döyüşdə həlak olmuş 6 nəfər əsgərin meyidi var idi. Maşınımı yenə də genaral Nəcməddin Sadıqovun əmri ilə Güzgü postunda saxladılar. N.Sadıqov əli ilə yaxınlıqdakı dərəni mənə göstərib dedi: “meyitləri o dərəyə tök”. Mən bizim millətə qarşı belə qeyri – insani ögey münasibətini nümayiş etdirən bu generalın əmrini yerinə yetirmədim və maşına oturub böyük sürətlə Gəncə şəhərinə gəlib meyitləri hərbi hospitala təhvil verdim. Mən 1994-cü il 10-11 fevralda iki dəfə Güzgü postunda oldugum zaman Nəcməddin Sadıqovun postda duran əsgərləri rus dilində pis söyüşlərlə söydüyünün və əsgərləri qəddarcasına döydüyünün şahidi olmuşam. N.Sadıqovun əsgərlərlə belə davranışını polkovnik Cahangir Rüstəmova məruzə etdim və bir daha Murovdaga getmədim”.
Dəyərli oxucular Tagıyev Vaqif Əşrəf oglunun xatırladıgı bu tükürpədici olaydan sonra Qarabag Müharibəsindən geri qayıtmayıb itkin düşmüş hesab olunan vətən ogullarının cəsədlərini N.Sadıqov kimi generallar və komandirlərin dərələrə atdırmagı normal insani dəhşətə gətirir. Bu məqamda bir atalar misalını nəzərinizə çatdırmaq yerinə düşərdi. Atalar deyib: “xain xoflu, qəddar, zalım və qorxaq olur”. Allah sizi belələrindən qorusun.
3. Bakı şəhəri Pirallahı rayon sakini II qrup əlil Qarabag Müharibəsi veteranı 1956-cı il təvəllüdlü Nəcəfov Rafiq Əsgər oglu müharibə xatirələrindən Nəcməddin Sadıqovla əlaqəli bir neçə epizodu danışaraq dedi: “1992-ci ilin avqust ayında bir batalyon (tabor) şəxsi heyyət Daxili Qoşunlardan Agdərə bölgəsinə briqada komandiri Nəcməddin Sadıqovun sərəncamına göndərildik. Agdərəyə çatdıqda bir batalyon (tabor) komandiri kimi N.Sadıqovun briqadasına göndərildiyimizi məruzə etdim. O, göstəriş verdi ki, sizin şəxsi heyyət Agdərənin Mehmanə kəndini düşməndən azad etməlidir. 1992 – ci il avqust ayının 31-də Mehmanə kəndinin 1462-ci yüksəkliyi ugrunda gedən döyüşdə bölük komandiri baş leytenant Quliyev Mətləb Kamran oglu həlak oldu. (Ona azərbaycanın Milli Qəhrəmanı adı verilib) Şəxsi heyyətdən bir neçə nəfər də yaralanmışdır.
Ancaq Nəcməddin Sadıqov əmr etdi ki, Çıldıran kəndini də azad etmək lazımdır. Siz hücuma (döyüşə) başlayın vəziyyət gərginləşsə əlavə qüvvə göndərəcəm. Sentyabr ayının əvvəli idi. (3 və ya 4). Çıldıran kəndi ugrunda döyüş şiddətlənmişdi. Vəziyyətimiz gərginləşirdi. Mən N.Sadıqovdan bizə kömək göndərməsini xahiş etdim. O, isə rus dilində “eşo ni izdoxnulu bilədi” (siz hələ qırılmamısınız, fahişələr) deyib əlaqəni kəsdi. (ratsiyanı söndürdü). Düşmən bizi mühasirəyə salmaq istəyirdi. Mən özüm də yaralanmışdım. Şəxsi heyyətə mühasirəyə düşməmək üçün döyüşə - döyüşə geri çəkilmək əmri verdim. Çıldıran kəndi ugrunda döyüşdə bölük komandiri baş leytenant Nəcəfov Fəxrəddin Vəlyəddin oglu şəhid oldu və ona Azərbaycanın Milli Qəhrəmanı adı verildi. Canyataq - Gülyataq kəndi ugrunda gedən döyüşlərdə də kömək gəlmədiyi üçün itkilərimiz olmuşdu.
Həmin döyüşdə Mingəçevir şəhərindən hərbi xidmətə çagırılmış baş çavuş da göstərdiyi igidliyə görə Azərbaycanın Milli Qəhrəmanı adına layiq görülmüşdür. Mən Din (daxili İşlər Nazirliyinin) hospitalında müalicə olanda DQ- ın (daxili Qoşunlar) baş İdarəsindən baş leytenant Bayramov A. Məndən
izahat almışdır. N.Sadıqov haqqında baş leytenant Bayramova məlumatımı yazılı olaraq bildirdim.
Ancaq nə faydası vətən ugrunda canını qoyan, qanını tökən ogullarını “biləd” adlandıran rusbaşlı bu sabiq briqada komandirinə imtiyazlar verildi, vəzifəsi böyüdü. Nəcəfov Rafik Əsgər oglunun başına gələn oyunlar Qarabag müharibəsi iştirakçılarının (Döyüşçülərinin) çoxlarının başına N.Sadıqov kimi rusbaşlı generallar və komandirlər tərəfindən gətirilmişdir. Bu ruspərəst general Azərbaycan xalqına yuxarıdan aşagı baxır, bu dildə yazıb oxumagı bir yana, O. Bu dildə danışmagı öyrənməyi də özünə rəva bilmir. Ancaq mənə elə gəlir ki, Ulu Öndər H.Əliyev sag olsaydı yapışardı bu özündən razı və müştəbeh generalın yaxasından tutub deyərdi: “Mən fəxr edirəm ki, azərbaycanlıyam”. “Ay ogul 25 ildir Azərbaycan ordusunda xidmət edirsən, qısa müddətdə səni Müdafiə Nazirinin 1-ci müavini təyin etdik. (2 noyabr 1993-cü ildə) səni geneal – polkovnik etdik və sənə hər bir şərait yaratdıq bəs azərbaycan dilində niyə danışmaq istəmirsən? Sənin qarnının agrısı nədir? Sənə filan qədər (qısa müddət) vaxt verirəm, get bu dili öyrən və mənə bu dildə məruzə et, başa düşdün!?” Al gəldi bir ata şilləsi (şapalagı). Dəyərli oxucular bu 25 ildə 4 dəfə Müdafiə Naziri dəyşib. Ancaq N.Sadıqov yerində qalıb. Onu hansısa gözəgörünməz bir qüvvə, hansısa sehirli əl müdafiə edir. Keçirdiyi yarıtmaz hərbi əməliyyatlar zamanı qanı tökülmüş şəhid olmuş vətən ogullarını aşagılayan, rus dilində təhqir edən general N.Sadıqov, imkanlarından yararlanaraq özünə çox güvənir, hətta özünü çox ədalı da aparır. Mənə elə gəlir ki, 2-ci Qarabag müharibəsi başlasa o, daha ambisiyalı, daha da aqressiv olacaq, düşmənə qarşı yox yenə də torpaq üçün vuruşan vətən ogullarına qarşı, onlarla sərt və kobud davranacaq. Yenə də şəhid olmuş nə qədər insanlarımızın meyitlərini (cəsədlərini) dərələrə atılması əmrini verib əsil həqiqəti real vəziyyəti düzəltməyə çalışacaq. Nəcməddin Sadıqov tək deyil. Onun öz ətrafı, öz kruqu var. Onlar xalqa xıdmət etmir, öz sahiblərinə xidmət edir. Onlar dövlətçiliyi qorumur, öz maraqlarını qoruyur. Onlar bizim milli mənafeyimizi müdafiə etməzlər. Ancaq onlar öz sahiblərinin mənafeyi və maraqları üçün ən agır cinayət törətməyə hər an hazır olarlar.

Bəhlul Orucoğlu.
Qarabag müharibəsi veteranı,ehtiyatda olan ədliyyə mayoru.