Qarabağ əlilinin redaksiyamıza göndərdiyi şikayət əzizəsinə heç bir dəyişiklik etmədən onu olduğu kimi çoxsaylı oxucularımızın diqqətinə çatdırırıq. O, yazır ki, “cənab Zakir Həsənov! Mənim 03.02.2015-ci il tarixdən etibarən müraciətimə baxılmır, bildirmək istəyirəm ki, 17.12.1990-cı ildən 19.11.1992-ci ilədək 68429 saylı hərbi hissədə (Belarusiya Respublikası, Vtevski şəhərində) müddətli həqiqi hərbi xidmətdə Sovet Ordusunda xidmət etmişəm. Ağdam rayon hərbi komissarlığı tərəfindən Səfərbərliyə cəlb olunaraq 24.11.1992-ci ildən 04.09.1993-cü ilədək 708 saylı hərbi hissədə, 04.09.1993-cü ildən 31.10.1995-ci ilədək Hərbi Polisin Ağdam Qarnizonunda xidmət etmişəm, 02.12.1992-ci ildə Ağdam şəhəri ərazisində Azərbaycan Respublikasının ərazi bütövlüyü uğrunda gedən döyüşlərdə ağır yaralanmışam. 2-ci qrup Qarabağ müharibəsi əlilliyəm.
Mənə hərbi qulluqçu kimi pensiya təyin olunması üçün 2015-ci ildə şəxsi işim Səfərbərlik və Hərbi Xidmətə Çağırış üzrə Dövlət Xidmətinin Ağdam rayon şöbəsi tərəfindən Müdafiə Nazirliyinin Maliyyə və Büdcə İdarəsinə göndərilmişdir, lakin bu günə qədər biganə yanaşılaraq baxılmamışdır və “Məlumat vərəqi”nin Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun hərbi qulluqçular və xüsusi rütbəli şəxslərlə iş idarəsinə göndərilməsinə etiraz edilmişdir.
Əsas göstərilmişdir ki, mən Sovet Ordusunda iki il tam xidmət etməmişəm, hesab edirəm ki, bu mənə qarşı bir əsassız bir mövqedir, belə ki, mən Sovet Ordusundan hərbi xidmətdə olunmağım haqqında AĞDAM RAYON MƏHKƏMƏSİNİN 2015-ci ildə çıxardığı qətnamə vardır, həmin qətnamə qanuni qüvvəsini almağına baxmayaraq Müdafiə Nazirliyinin Maliyyə və Büdcə İdarəsi AZƏRBAYCAN RESPUBLİKASI ADINDAN ÇIXARILAN QƏTNAMƏSİNİ İCRA ETMƏMƏKLƏ mənə qarşı süründürməçiliyi 2015-ci ildən etibarən davam etdirməkdədir. BU ƏDALƏTSİZLİKDƏN SONRA MƏN MƏCBUR QALIB 1 SAYLI BAKI İNZİBATİ İQDİSADİ MƏHKƏMƏYƏ MÜRACİƏT ETDİM, 2-ci dəfə məhkəmə xeyrimə məhkəmə qərar qəbul etdi və bütün bunlara baxmayaraq, Müdafiə Nazirliyinin Maliyyə və Büdcə İdarəsi BİZ MÜHARİBƏ ƏLİLLƏRİNƏ QARŞI MÜBARİZƏ APARIRLAR, BİR ARAŞDIRSAQ ONLARIN ÇOX BİR QİSMİ DÜŞMƏNƏ BELƏ BİR GÜLLƏ ATMAYIBLAR.
Hərbi xidmətə səfərbərliklə əlaqədar olaraq Vətənin Azərbaycan Respublikasının dar günündə müdafiəsinə qatılmışam və güllə yarası almışam.
SƏFƏRBƏRLİKLƏ 2 DƏFƏ HƏRBİ XİDMƏTƏ ÇAĞRILMAĞIMI AĞDAM RAYON MƏHKƏMƏSİ AZƏRBAYCAN RESPUBLİKASI ADINDAN ÇIXARILAN QƏTNAMƏSİ, SHXÇDX-nin AĞDAM RAYON ŞÖBƏSİNİN ARAYIŞI VƏ MÜDAFİƏ NAZİRLİYİNİN MƏRKƏZİ arxiv arayışı təsdiq edib, təsdiqedici sənət vermələrinə baxmayaraq Müdafiə Nazirliyinin Maliyyə və Büdcə İdarəsi bu 3 dövlət orqanının sənətlərini sənət saymaq istəmir.
Hal-hazırda mənim silahdaşlarımdan bir neçəsi o cümlədən Azər Rəşidov barədə də Müdafiə Nazirliyinin Maliyyə və Büdcə İdarəsi süründürməçilik edirdi, lakin Ali Məhkəmənin 20.09.2017-ci il tarixli 2-1(102)-1340/17 nömrəli Qərarına əsasən biz Qarabağ Müharibə əlillərinin iddia tələbi əsaslı olduğunu şərh etmişdir. Müdafiə Nazirliyinin Maliyyə və Büdcə İdarəsinin nəzərinə çatdırmaq istəyirik ki, bu ədalətsizliyə, haqsızlığa və süründürməçiliyə son qoyun, axı biz Müdafiə Nazirliyinin Maliyyə və Büdcə İdarəsindən fərqli olaraq səhətimizi Azərbaycan Respublikasının suverenliyi zamanı itirmişik.

Diqqətinizə xüsusi olaraq çatdırmaq istəyirəm ki, məndə olan dəqiq məlumata görə Müdafiə Nazirliyinin Maliyyə və Büdcə İdarəsi süründürməçiliyə yol verilən mənim kimi Qarabag müharibə əlillərinin bir çoxlarının məlumat vərəqələrini Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun hərbi qulluqçular və xüsusi rütbəli şəxslərlə iş idarəsinə göndərimişdir, bunlardan misal üçün bir neçəsini adlarını qeyd edirəm, Qurbanov Xanağa Qurban oğlu, Balayev Akif Şahrza oğlu, Rəşidov Azər Nəriman oğlu (Ali Məhkəmə Qərarı), Sadıqov Teymur Zifi oğlu və gələcəkdə lazım gələrsə bir çoxlarınında adlarını qeyd edə bilərəm.

Hörmətli Ali Baş Komandanımıza mən əlil olsam da, daima sadiqəm, hər an torpaqlarımızın azadlığı uğrunda Ali Baş Komandanımızın əmri ilə döyüşlərə hazıram. Biz Qarabağ əlillərinə diqqət və qayğınıza görə Sizə təşəkkür edirəm.
Ali Baş Komandan cənab İlham Əliyev tərəfindən biz əlillərə vətən uğrunda xidmətlərini qiymətləndirərək, dəyərləndirərək Prezident təqaüdü təsis edir, ancaq Müdafiə Nazirliyinin Maliyyə və Büdcə İdarəsi Ali Baş Komandan cənab İlham Əliyevin bizə Qarabağ döyüşçüsü kimi inamına, diqqətinə, qayğısına və Prezident təqaüdü təsis etməsinə tərədüdlə yanaşır, belə ki, şəxsi işim Müdafiə Nazirliyinin Maliyyə və Büdcə İdarəsində olmasına baxmayaraq, hərbi qulluqçu kimi pensiya təyin olunmasına maneçilik törədir.

Sizdən xahiş edirəm ki, Müdafiə Nazirliyinin Maliyyə və Büdcə İdarəsi tərəfindən məlumat vərəqəmin problem yaradılmadan tərtib edilib Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun hərbi qulluqçular və xüsusi rütbəli şəxslərlə iş idarəsinə göndərilməsinə və Qarabağ müharibə əlili olmağıma inkarla yanaşmamalarına ciddi göstəriş verəsiniz”.

“Gündəm Xəbər”