Vidadi İsayevin seçkiqabağı Administrasiyaya gedən dosyesi təftiş edilir; görmədiyi işlər və əməlləri araşdırılır
Məcburi köçkünlər, şəhid ailələri, Qarabağ əlilləri, aztəminatlı ailələr, iş adamları boğaza yığılıblar
Bərdənin icra başçısı Vidadi İsayev rayonu inkişafdan saxlayıb. Onun qanunsuz işləri media səhifələrini “bəzəməkdədir”. “Gündəm-Xəbər”in məlumatına görə, Bərdədə bir çox işlər həyata keçirilməyib və növbəsini gözləyir.
Bu işlər görülməyib - Siyahı
Bərdə şəhərinin ətraf 9 kəndlə birlikdə içməli su və kanalizasiya sisteminin tikilməsi hələ də xülyaya çevrilib.
Yeni məktəb, musiqi məktəblərinin, məktəbəqədər təhsil, səhiyyə və mədəniyyət müəssisələrinin tikintisi arzu olaraq qalır.
Şəhərdaxili bütün küçələrin asfaltlaşdırılması, rayonun küçələrinin yenidən qurulmasının davam etdirilməsi üçün tapşırıqlar yerinə yetirilməyib.
İcra başçısı bu işlərə ayrılan maliyyəni həzm-rabedən keçirib. RİH-dəki mənimsəmələr Bərdəni problemlər məngənəsində boğur.
Əhali gözləyir ki. suvarma suyu ilə təchizatın yaxşılaşdırılması istiqamətində işlər görüləcək.
Yeni subartezian quyularının vurulması, Yuxarı Qarabağ kanalının maşın qolunun tikintisinin başa çatdırılması V.İsayevin dövründə çətin ki ola.
Tərtər çayının Bərdə şəhəri ərazisndən keçən hissəsində sahilbərkitmə işlərinin Başa çatdırılması, rayon ərazisindəki tarixi abidələrin bərpa edilməsi yolunu gözləyir.
İctimai və inzibati binalar üçün nəzərdə tutlmuş qazanxanaların modernləşdirilməsi, yeni istilik-qazanxana sistemlərinin tikilməsi lazımdır.
Kəndlərin içməli su ilə təchizatının yaxşılaşdırılması üçün tədbirlərin həyata keçirilməsi, yeni subartezian və artezian quyularının vurulması mühümdür.
Kəndlərarası yolların yenidən qurulması və asfaltlaşdırılmasının davam etdirilməsi, Bərdə şəhəri ərazisində Tərtər çayı üzərində yeni asma körpünün tikilməsi arzulanır.
Bərdə şəhərində kommunal binaların təmirinin davam etdirilməsi, kommunal bina tikilməsi, sənaye parkının tikilməsi, iri fermer təsərrüfatlarının yaradılması icra başçısının planında deyil. Nə vaxtsa plana daxil olacağı da gözlənilmir. Nəticədə Bərdə V.İsayevdən cana doyub, narazıdır və istefasını gözləyir. Sakinlər ümid edirlər ki, yeni icra başçısı təyin olunarsa, bu işlər gerçəkləşə bilər.
Dotasiya kəsilib - korrupsiya
“Gündəm-Xəbər”in məlumatına görə, dövlət tərəfindən dotasiyası kəsilən 33 rayondan biri də Bərdədir. Artıq RİH öz daxili resursları hesabına fəaliyyət göstərməlidir. Bu günə kimi büdcədən ayrılan vəsaitlər təyinatı üzrə xərclənməyib. V.İsayev və komandasının maxinasiyaları büdcə pullarını talan edib. Ona görə də dotasiyasız qalan rayon rəhbərliyinin yuxarıda sadalanan işləri görəcəyi mümkün deyil. Bərdə rayonunda baş verən qanunsuzluqlar, rayondakı məmur özbaşınalığı ilə bağlı ölkə mətbuatında mütəmadi olaraq məqalələr dərc olunur. Elə bir gün olmaz ki, qəzetlərdə və internet resurslarında icra başçısı Vidadi İsayevin müəllifliyi ilə reallaşan hansısa maliyyə maxinasiyası faş olunmasın. Bu günə qədər mediada işıqlandırılan faktlarla bağlı Bərdə RİH nə tutarlı təkzib verə bilib, nə də yazılanların həqiqəti əks etdirmədiyini isbatlaya bilib. Bütün bunlar isə Bərdədə sözün həqiqi mənasında qanunsuzluğun tüğyan etdiyini düşünmək üçün əsaslar yaradır. Vidadi İsayev azsaylı icra başçılarındandır ki, adı ən müxtəlif maliyyə maxinasiyalarından tutmuş, iri korrupsiya əməllərinə qədər çeşidli iddialarda hallanıb. Eyni zamanda Bərdə rayonu yuxarı instansiyalara edilən şikayətlərə görə də "öncül” cərgələrdə qərarlaşıb. Hələ unutmayaq ki, bu şikayət və müraciətlərin böyük əksəriyyətinin qarşısı rayon rəhbərliyinin adminstrativ üsullarıyla alınır, əks halda mənzərə daha utancverici ola bilərdi. Bütün bunlar isə Vidadi İsayevin ölkə prezidentinin yüksək etimadına layiq olmayan kadr olduğunu bir daha təsdiqləyir. Bərdədən Prezident Administrasiyasına gedən şikayət qovluqları və özbaşınalıqlarla dolu faktlar dosyesi təftiş edilir. Bu haqda verilən məlumatda iddia olunur. Seçki ilinə 1 ay qalmış bu narahatlığın və həssaslığın səbəbi 200 mindən çox əhalisi olan Bərdədə gedişatın ürəkaçan olmamasıdır. 100 minə yaxın Ağdamdan və başqa qaçqın rayonlardan məcburi köçkünün yaşadığı bölgədə idarəçilik həyəcan təbili çalmağa əsas yaradıb. Gəncə, Yevlax, Daşkəsəndən fərqli olaraq Bərdədə proseslər və idarəçilik sistemi ciddi şəkildə gərginliyə səbəb olub.
Bütün zümrələr narazı
“Gündəm-Xəbər”in məlumatına görə, Bərdə Rayon İcra Hakimiyyəti başçısı Vidadi İsayev Tərtər, Yevlax, Gəncə və s. qonşu bölgələrin rəhbərlərindən daha çox diqqət mərkəzindədir. Rayonun bütün zümrələri - məcburi köçkünlər, şəhid ailələri, Qarabağ əlilləri, aztəminatlı ailələr, sosial yardımla dolananlar, təqaüdçülər, müxtəlif dərəcəli əlillər, eləcə də iş adamları, müəssisə rəhbərləri, bələdiyyə sədrləri, icra nümayəndələri, büdcə təşkilatlarının müdirləri, təhsil və səhiyyə sektorunda fəaliyyət göstərənlər Bərdənin icra başçısından boğaza yığılıblar. V.İsayevin komandası, xüsusən də başda Zaur Bəylərov olmaqla, RİH rəhbərliyi mətbuatda populyar simalara çevriliblər. Media üzrə monitorinqlər aparılmağa başlanıb. Nəticələr ondan ibarətdir ki, Azərbaycanın heç bir bölgəsinin icra başçısı və məmur kontingenti haqda hər həftə saysız-hesabsız şikayətlər, yazılar, müxtəlif səpkili materiallar dərc olunmur.
PA-da əvvəlcə bunun qərəzli olduğunu düşünüblər. Lakin araşdırmalardan aydın olub ki, V.İsayevin əməlləri davam edir və qanunsuzluqlar, özbaşınalıqlar getdikcə böyüyür. Odur ki, Bərdəyə diqqət göstərilməsi üçün tapşırıqlar verilib. Ehtimal edilir ki, hansısa xoşagəlməz qığılcım alov yarada bilər, yaxud sosial partlayışa səbəb olar. Nəzərə almaq lazımdır ki, Bərdə müxtəlif regionlardan olan insanların yaşadığı strateji şəhərdir. O nöqteyi-nəzərdən V.İsayev faktoru diqqət mərkəzindədir. Məcburi köçkünlərdən tutmuş icra nümayəndələrinə qədər bütün təbəqələr onun əlindən cana doyub. Çünki problemi olan insanları dinləmir, qəbul eləmir, icra nümayəndələrindən isə pul yığılır. İcra başçısı Heydər Əliyev Parkı inşa etdirib. Parkın salınmasına milyonlarla vəsait ayrılıb. Lakin özü haqda şayiə yayıb ki guya, bu işləri öz şəxsi imkanları hesabına həyata keçirir. Ancaq parka görə məmurlardan xərac yığmış icra başçısının bu əməli haqda Prezident Administrasiyasına məruzə olunub.
Şəhərdə blokada və başçıya mesaj
“Gündəm-Xəbər” xatırladır ki, icra başçısı həmin parkda oğlu üçün "Ana və Uşaq" kafesi inşa etdirib. Bu kafenin tikilib başa gəlməsi üçün bütün məmurları sıxışdıran Vidadi İsayev qarşı çıxanları sərt şəkildə cəzalandıracağı ilə hədələyib. Qaçqın şəhərciyində kürəkəni üçün ümumi sahəsi 100 kv.metr olan dükan tikdirən icra başçısı yalnız ailə biznesinə xidmət edir. Halbuki qanunla qaçqın şəhərciyində belə obyektlərin inşa edilməsi qismən qadağan hesab edilir. Bərdədə təkcə Vidadi İsayev problemi deyil, həmçinin onun köməkçisi Zaur Bəylərovun yaratdığı dəhşətli vəziyyət də hakimdir. Belə ki, icra başçısının köməkçisi məmurların, hətta vətəndaşların da gününü qara edib. O, həftənin bütün günü başçının xidməti telefonundan məmurlara zəng edərək, özü üçün pul tələb edir. Bərdəlilərin və Bərdədə məskunlaşmış məcburi köçkünlərin problemlərini nəinki həll etməyə, heç onları dinləməyə belə həvəs göstərmir. Heç kəsi saymır, heç kəsi sevmir. Ali təhsilli bərdəlilər evində diplomları toz basdığı halda, Tərtərdən və Yevlaxdan Bərdəyə yüksək vəzifəyə adamlar gətirir. 2018-ci ildə də vəzifəsini qorumaq arzusunda olan rayon rəhbəri ciddi xəbərdarlıqlar alıb. Ona çatan ismarışların leytmotivi bundan ibarətdir ki, V.İsayev fəaliyyətini nizama salmalıdır. Hazırda mediaya və PA-ya gedən şikayət məktublarında Bərdənin icra başçısı qədər heç bir rayon rəhbərinin adı hallanmır.İsayev isə yalnız şəhərdə blokada şəraiti yaratmaqla müdafiə olunacağını hesablayıb. Onun Bərdədəki istehkamları və barrikadaları ciddi şübhələrə yol açıb. Belə ki, Bərdə RİH-nə yaxın yollar bağlanıb. Sakinlər danışırlar ki, “Xəzər” telekanalında icra hakimiyyətinə yaxın yolların bağlanması süjetdə təqdim olunub. Efirdə görüntüləri eşidən V.İsayev acığa düşüb, yolu lap küçənin başından bağladıb. Yerli mənbələrdən biri: “Çəkdiklərinin nə xeyri oldu ki? Çəkdilər buranı da bağladılar. Danışan yalan ya düz deyir, Xəzər TV-də göstərilib ya yox, onu da bilmirik. Amma həqiqət budur ki, başçı bildiyin edir. İş o yerə çatıb ki, Bərdə ziyalıları da yolların bağlanmasına etiraz bildirməli olublar. Bir neçə yerdən şlaqbaum qoyaraq yolları kəsiblər. İcra hakimiyyətinin qarşısından keçən yolun bağlanmasını müəyyən qədər anlamaq olar. Çünki xalqdan yuxarılarda, göylərdə özünü hiss edən başçı rahat olsun deyə bu addımı atıb. Bərdə RİH-nin başçısı Ağ sarayın qarşısından başqa yolları da bağlatdırıb. Amma başqa yolları niyə bağlayıblar, maraqlıdır.
Diş poliklinikası və uşaq baxçası araları da yol o baş, bu başından dəmir maneələrlə kəsilib. Şəhərin mərkəzinin böyük bir hissəsində giriş -çıxışa qadağa qoyulub. Görünən odur ki, Bərdə RİH-nin başçısı özünü oturduğu sarayda rahat hiss eləmir. Daim müdafiə olunmaq barədə düşünmək insanın psixoloji durumunda xəstəliyə də çevrilə bilər. Ən azından hakimiyyət V. İsayevin durumunu nəzərə alıb, çarəsinə baxsa cənab başçının özünə qarşı discomfort, təhlükə xofu aradan qalxardı. Anlayışlı olub, bu adama düşdüyü vəziyyətdən çıxmaq üçün yol açmaq lazımdır. Bərdəlilərin üzünə bağlanan mərkəzi küçələrdəki yollar da bəlkə, açılardı.
Sorğu
Hansı bölmədə daha çox xəbər görmək istərdiniz?