Bu günlərdə Bakı şəhəri, Nəsimi rayonu, Liteyni, Dön. ev-5 ünvanda yaşayan rayon sakini, 1-ci qrup gözdən əlil, eyni zamanda ağır dərəcəli şəkər xəstəsi olan Bəşirova Nişanə Faiq qızı, onlara məxsus yaşayış evinin qəzalı vəziyyətə salınması ilə bağlı “Gündəm Xəbər”ə müraciət etmişdi. O, ünvanladığı müraciətində qeyd etmişdi ki, “bizim yaşadığımız evin dam örtüyünü, divarlarını və zirzəmisini “ARÇİKO” tikinti şirkəti sökərək yarasız hala salıb”.

Adı çəkilən xanımın ünvanladığı müraciət əsasında həmin ünvanda olduq və o zaman xoşagəlməz belə bir mənzərənin də şahidi olduq ki, həqiqətən “ARÇİKO” tikinti şirkəti Nəsimi rayon sakini Bəşirova Nişanə Faiq qızıgilin yaşadıqları ikiotaqlı evi olduqca yararsız hala saldığından, bu gün həmin evdə yaşamaq qeyri mükündür.

Belə bir səbəb üzündən də, hələ bir müddət bundan öncə “ARÇİKO” tikinti şirkəti ilə Bəşirova Nişanə Faiq qızı arasında belə bir razılaşma da əldə olunur ki, şirkət tərəfi ev sahibinə 50 000 (əlli) min manat məbləğində pul və hər biri iki otaqdan ibarət iki ədəd yaşayış yaşayış evinin verilməsi yöndə üzərinə öhdəlik götürür. Elə ki, bir müddət vaxt keçir və qarşı tərəfdən heç bir səs-səmir çıxmır, o halda Nişanə xanım əldə olunmuş razılaşma əsasında “ARÇİKO” tikinti şirkətinin rəhbərliyinə müraciət edir.



Həmin vaxt bəlli olur ki, qarşı tərəf üzərinə götürdüyü öhdəliyi heç də yerinə yetirmək fikirində deyil. Tərəflər arasında əmələ gələn problemlərdə elə həmin andan sonra başlayır. Hal-hazırda gözdən əlil və ağır şəkər xəstəsi olan Nişanə xanım həyat yoldaşı ilə birlikdə, “ARÇİKO” tikinti şirkətinin qəzalı vəziyyətə salmış olduğu evdə yaşamaqdadırlar. Hadisə yerində həyata keçirdiyimiz çəkiliş zamanı o da məlum oldu ki, adı çəkilən şirkətin prezidenti Məhəmməd Mustafayev, xoşagəlməz problemlə üz-üzə qalan sakinin problemləri ilə maraqlanmaq niyyətidə deyil.



Biz o halın da şahidi olduq ki, bu gün “ARÇİKO” tikinti şirkəti qəzalı vəziyyətə saldığı evin lap yaxınlığında yaşayış binasının tikintisi ilə məşğuldur. Əldə olunan çəkilişlərdən vəziyyətin hansı durumda olduğunu müəyyən etmək heç də çətin deyil. Yaşananları təhlil edib belə bir qənaətə də gəlmək mümkündür ki, bu gün şirkət rəhbərinin atdığı addım əslində tək vətəndaşa qarşı deyil, eyni zamanda Azərbaycan qanunlarına da qarşı çıxmaq deməkdir.



Ən pis hal isə o olub ki, dözülməz vəziyyətdə yaşayan Bəşirova Nişanə Faiq qızı, üz-üzə qaldıqları problemlərlə bağlı Nəsimi RİH Aparatına müraciət edərkən, icra başçısının müavini onu qəbul edəcəyi və problemlərinin aradan qaldırılması yöndə köməklik göstərəcəyi vədini versə də, son anda vədinə xələf çıxır. Əldə etdiyimiz bəzi məlumatlara görə, icra başçısının müavini şirkətin prezidenti Məhəmməd Mustafayevlə əlaqə saxlayır və hansısa maraqlar çərçivəsində gözdən əlil, həmçinin ağır şəkər xəstəsi olan Nişanə Bəşirovanı heç bir halda qəbul etmir. Yəni, şirkətin rəhbərliyi Nəsimi RİH-i ilə “ortaq məxrəc”ə gəlməyi bacarır.



Təəccüb və təəssüf doğuran hal odur ki, ölkə rəhbəri cənab İlham Əliyev keçirilən müşavirələrdə, ayrı-ayrı tədbirlərdə daim vurğulayır və hər bir vəzifə sahibinə tapşırır ki, “hər bir vəzifə sahibi sakinlərin problemləri ilə məşğul olmalı, eyni zamanda onların həllinə də çalışmalıdır”.



Bu belə olduğu halda istər Nəsimi RİH Aparatında məsul vəzifə sahibi olanların, istərsə də “ARÇİKO” tikinti şirkətinin prezidenti Məhəmməd Mustafayevin addımlarına nə ad vermək olar? Digər tərəfdən, belə bir məlumatlar da əldə etmişik ki, adı çəkilən tikinti şirkəti heç də sıradan bir şirkət deyil və bu şirkət Bakı və Sumqayıt şəhərində iri lahiyələr həyata keçirməkdədir. O halda sual oluna bilər ki, geniş maliyyə imkanlarına malik olan “ARÇİKO” tikinti şirkəti, Nişanə Bəşirovagilin ailə üzvlərini niyə belə bir dərdə salır? Deməli....
Qarşı tərəfin də mövqeyini dinləməyə hazırıq.
Araşdırmamız davam edəcək.