“Faktor Lizinq” şirkətinin kredit şöbəsinin müdiri Fuad Mahmudov Bakının Şağan -2 yaşayış massivində tikdirdiyi villada çalışan fəhlələrin pulunu verməkdən imtina edib.

GundemXeber.Az -ın əldə etdiyi məlumata görə, şikayətçilər villanın Binə qəsəbəsi yaxınlığındakı Daxili Qoşunların hərbi hissəsi ətrafında tikildiyini bildiriblər.

Şikayətçilər deyirlər ki, “Faktor Lizinq” şirkətinin kredit şöbəsinin müdiri Fuad Mahmudovun villasında işləyiblər. Onlar bildiriblər ki, ay yarım F.Mahmudovun villasında çalışsalar da, gördüklərin işin zəhmət haqqını ala bilmirlər.
Usta və fəhlələrin dediyinə görə, onlar F. Mahmudovun evində əsasən tamamlama işləri görüblər.

Onlar evin elektrik işlərini görüb, divar kağızını çəkib, rəngləmə işləri, həyətyanı sahədə döşəmə pilitə döşəyiblər. Fəhlələr qeyd edir ki, görüdklərin işi isə 8 678 manat edib.

Fuad Mahmudov onlara pulu işi gördükdən sonra verəcəyini bildirib və işçilər də buna razı olublar. Fəhlələr deyir ki, lakin 45 gündən sonra iş bitsə də, Fuad Mahmudov müxtəlif bəhanələrlə işçilərin pulu verməkdən yayınıb: “Əvvəl pulu vrəcəyinə söz versə də, sonrada açıqca boyun qaçırmağa başlayıb”.

Vəziyyət o həddə çatıb ki, ustalar Fuad Mahmudovdan israrla gördükləri işin zəhməthaqqını tələb ediblər. Bundan sonra Fuad onlara ümumiyyətələ pul verməyəcəyini bildirib. Deyib ki, gedin kimə istəyirsiniz şikayət edin, bir qəpik də sizə pul verəsi deyiləm.

Avropa.info-ya müraciət edən işçilər onu da bildiriblər ki, əgər əvvəllər Fuad Mahmudovla hansısa formada əlaə saxlamaq mümkün idisə, artıq son günlərdə onunla hər hansı formada təmas qurmaq belə mümkün deyil: “Onun şirkətinin yerləşdiyi “Dəmirçi plaza” da olsaq da, onu yerində tapa bilməmişik”.

İşçilər onu da bildiriblər ki, Fuad Mahmudov yaxın günlərdə onların zəhmət haqqını ödəməzsə, probelmin hüquqi müstəvidə həllinə çalışacaqlar, aidiyyatı dövlət qurumlarına və ölkə başçısına müraciət edəcəklərini bildiriblər.

Mövzu ilə bağlı Fuad Mahmudovun da mövqeyini dərc etməyə hazırıq./avropa.info