Ölkəmizdə sahibkarlara yaradılan şərait göz önündədir. İstənilən sahibkar, iş adamı istənilən sahəyə investisiya qoya, öz işini genişləndirə bilər.

Ölkə başçısı bütün çıxışlarında sahibkarların, iş adamlarının yanında olduğunu deyir. Məhz bu birliyin nəticəsidir ki, bu gün iqtisadiyyatımız çoxşaxəli istiqamət üzrə inkişaf edir.

Özəl sektor dövlətin yaratdığı bu yüksək imkan və şəraitdən geniş şəkildə bəhrələnir. Məhz bunun nəticəsidir ki, bu gün iqtisadiyyatda özəl sektorun payı 55-60 faiz təşkil edir. Amma təəssüflər olsun ki, bəzən özəl sektorun sahibləri yaradılan bu şəraiti lazımınca dəyərləndirə bilmirlər. Yəni yalnız şəxsi mənafelərini düşünürlər. Bu yolda vergidən yayınma hallarına yol verilir, insanlar aldadılır, bəzən isə, ölkəyə saxta məhsullar ixrac etməklə qanunvericiliyin tələblərini pozurlar.

Bu gün sosial şəbəkələrdə ən çox şikayət edilən şirkətlər biri "Kontakt Home" şirkətidir. Reklamlar vasitəsilə insanları aldadan bu şirkət, satdığı məhsulun kefiyyətinə fikir vermir. Şirkətin satdığı məhsulları böyük hissəsi köhnə model avadanlıqlardır. Lakin şirkətin reklam bazarındakı payı olduqca böyükdür. Məhz reklam vasitəsilə insanları tələyə salan şirkət uzun illərdir ki, öz əməlini davam etdirir. İki il öncə məhz mənim bu şirkət tərəfindən tələyə salınmağım bu gün də yaddaşımdan silinməyib. Aldığım telefonun işləməməsindən şikayətçi olduqda şirkət məni günahlandırdı. Sonradan məlum oldu ki, şirkət bazar qiyməti 211 AZN olan telefonu kreditlə mənə 1389 manata satıb.

Bu şirkətin kredit şərtləri fırıldaq və dələduzluq üzərində qurulub. Faizsiz kreditlər, ilkin ödənişsiz, onlayn satış, arayışsız və zaminsiz reklam çağırışları yalnız istehlakçıları aldatmağa hesablanır. Əslində elə mən də bu reklamın tələsinə düşənlərdənəm. Telefon aldığı zaman bildirdim ki, axı reklamda ilkin ödənişsiz, arayışsız və zaminsiz olduğu deyilirdi. Etiraf etdilər ki, bu reklamdır. Mənim kimi minlərlə adam "Kontakt Home" şirkətinin tələsinə düşüb. Bu gün bu tələyə düşənlərdən biri İlkin Məcidov adlı sosial şəbəkə istifadəçisi "Kontakt Home" şirkətinin onu başına açdığı oyundan yazıb. Aldığı bahalı televizorun işləməməsindən şikayətçi olan İlkin Məcidov alıcıları bu şirkətdən mal almamağa cağırıb. İlkin Məcidovun yazdığı statusu təqdim edirik:

İlkin Məcidov kimi "Kontakt Home"nin toruna düşənlər çoxdur. Şirkət "köhnə televizorlarınızı gətirin, yenisini 50 faiz güzəşlə aparın” şuarı ilə kompaniya aparır. Şirkət burada da dələduzluq edir. Redaksiyamıza müraciət edən Namiq Məmmədov öz köhnə "Samsung” markalı televizorunu verib, əvəzində dəyəri 1470 manat olan "Samsung” televizorunu 735 manata alıb. Cəmi 5 gün sonra aldadıldığını bilən Namiq Məmmədov şirkətə etirazını bildirsədə, onun cəhdləru uğursuz olub. İndi həm öz televizorundan, həm də "Kontakt Home" təriflədiyi televizordan mərhum olan Namiq Məmmədov bu şirkətə qızıl zəmanətlə bir yerdə 935 manat ödədiyinə peşmandır. Ancaq etiraf edir ki, sonrakı peşmançılıq fayda vermir. Yəqin ki, dələduzluq edən bu şirkətə "kimsə dur” deyəcək.
"Kontakt Home" bu problemin ictimailləşdirilməsindən və müştərinin Antiinhisar İdarəsinə şikayətindən sonra problem həll olunub!/teref.az