Quba rayonunun bir qrup müəllim heyyətinin Azərbaycan Respublikasının prezidenti Cənab İlham Əliyevə ünvanladıqları açıq məktubu olduğu kimi GundemXeber.Az saytının çoxsaylı oxucularının diqqətinə çatdırırıq:

“Hörmətli cənab prezident, biz Quba rayon müəllimləri sizə məlumat veririk ki,Quba Rayon Təhsil Şöbəsinin müdiri Rüfət Hacıyev o qədər harınlaşıb ki,sizin verdiyiniz tapşırıq və tövsiyyələrə əməl etmir.Belə ki,R.Hacıyev dəfələrlə müəllimlərdən “qəzet pulu”, “yer pulu”, “bölgü pulu” adı altında pul yığıb.Bütün bunlar azmış kimi yenidən məktəb direktorlarını yanına çağıraraq hər birindən müəllimlərin sayından asılı olaraq 2000-5000 manat arasında məbləğ tələb edib.Məktəb direktorları da qılıncını sıyıraraq biz müəllimlərin üstünə düşüb ki,pulu verməlisiniz yoxsa Rüfət müəllim başınıza oyun açacaq.Bu yığılan məbləğ 100 minlərlə manatları əhatə edir.R.Hacıyev bildirib ki,həmin pulu nazir C.Bayramova çatdırmalıyam.Hansı müəllim pulu verməsə onu işdən azad edəcəm.

Cənab prezident,sizə məlumat veririk ki, Təhsil Şöbəsinin müdiri R.Hacıyev hələ məktəb direktoru işləyərkən Təhsil Şöbəsinin müdiri Loğman müəllimin direktorlardan rüşvət istəməsi barədə səsyazma yazaraq,sosial şəbəkələrə ötürmüşdür.Bununla da onu vəzifədən kənarlaşdırıb,özü həmin vəzifəyə keçmişdir.

Cənab prezident,sizin rüşvət və korrupsiyaya qarşı amansız mübarizə apardığı bir vaxtda Quba Rayon Təhsil Şöbəsinin müdiri R.Hacıyev kimə güvənib ki,belə negativ əməllərlə məşğul olur?!

R.Hacıyevin bu əməlləri onu göstərir ki, o bugünki əməlləri ilə dövlətçiliyə xəyanət edir,rayonda müəllimlərin etiraz mitinqini hazırlayır.

Cənab Prezident,məlum səbəblərə görə məktuba imzamızı qoya bilmirik.Xahiş edirik ki,bu cinayət əməllərinin araşdırılıb tədbir görülməsi üçün aidiyyatı üzrə tapşırıqlar verəsiniz.