Xaçmazın Bostançı və Uzunoba kənd sakinləri yaşadığı şəraitdən şikayətçidir.

Gundemxeber.Az konkret.az-a istinadən xəbər verir ki, saymaqla bitməyən problemlərdən biri yol təsərrüfatı ilə bağlıdır.

“Yollarımız bərbad gündədir, asfaltlanmayıb. Heç kim dərdmizə çarə etmir”.

Həmçinin sakinlər kəndə suyun çəkilməli olduğunu deyir. Onlar pul yığıb öz hesablarına borular alıblar. Lakin su xəttinin çəkilməsinə maddi imkanları yol vermir.

Acınacaqlı problemlərdən biri isə kənddə tibb bacısının öz vəzifəsini yerinə yetirməməsidir. Kəndin tibb məntəqəsinin qapısı daim bağlı olur. Hər hansı kiçik tibbi xidmət üçün sakinlər mərkəzə üz tutmaq məcburiyyətində olurlar. Maşını, eləcə də istənilən vaxt şəhərə getmək imkanı olmayan sakinlər əlacsız qalıb. Əgər kəndlilərə hansısa tibbi sənəd lazımdırsa, o zaman zəhmət çəkib feldşerin qapsına getməlidir.

Sakinləri mərkəzə üz tutmağa vadar edən digər məsələ xeyir-şər məclislərini qeyd etmək üçün onlar uzaq məsafə qət etmələridir. Halbuki kənddə istifadəsiz qalan böyük bina var. Kənd sakini Həsrət Novruzov fəaliyyətini dayandıran klubun yararsız bina kimi qaldığını deyir: “Klubumuz var, qapıları bağlıdır. 90-cı illərdən bəri işləmir. Onu mərasim evi kimi istifadə etmək olar. Biz də xeyir-şər məclislərini qeyd etmək üçün əlavə vəsait sərf edib uzağa getmərik”.

Bir sözlə Uzunoba kəndinin sakinlərinin problemlərindən əlavə tükənməyən ümidi də var. Onlar hələ də inanır ki, aidiyyatı qurumlar sadalanan problemləri həll edəcəklər. Ya da ən azından həll etmək üçün səy göstərəcəklər.

Gundemxeber.Az şikayətçilərin videosunu təqdim edir:



Gundemxeber.Az