Elçibəyə qarşı qərəz və haqsızlıq edən hər kəs cavabını almalıdır. Bir müddətdir Bakıdan kənardayam deyə bir zamanlar eyni komandada təmsil olunduğum keçmiş Bakı şəhər prokuroru və dairəsində nəticələr ləgv olunduğu üçün yenidən deputat olmaq istəyən Çingiz Qənizadənin son yarım ildir Elçibəyə qarşı aparılan kompaniyanın əsas ruporu olan Space Tv-dəki müsahibəsini az əvvəl izləmək imkanı oldu.

Çingiz bəyin müsahibəsinin Elçibəylə bağlı yalnışla dolu hissəsi dərin təəssüf doğurdu və cavabı haqq etdi. Elçibəyi dövlət idarəçiliyinə yararsız hesab edən cənab Qənizadə "Elçibəyin nazirlərlə görüşmədən vəzifəyə təyin etdiyi və sonu olmayan hakimiyyətdən istefa vermək istədiyini " iki dəfə ailəsinə deyib. Maraqlıdır Çingiz bəy niyə belə bir " ciddi " məsələsini 1989-2004 cü illərdə bir yerdə olduğu əsas komanda üzvləri İsa Qəmbər, Arif Hacılı və Pənah Hüseynlə məsləhətləşməyib. Səbəb sadədir. Çünki belə bir şey olmayıb. Əksinə Çingiz bəy Baş prokuror olmaq üçün mübarizə aparıb. Bu və digər məsələləri çoxları yaxşı xatırlayır. Bu məsələlərin dərininə getmək fayda verməz . Adlarını çəkdiyim şəxslərin münasibət bildirməsini istərdim. Pənah bəy yəqin münasibət bildirər. Məncə bütün ölkə dairəsindəki seçicilərin Çingiz Qənizadəyə neqativ münasibətinə şahidlik etdiyi zamanda Elçibəyə "ilişmək" onun zərərinə oldu. Çingiz bəyə 3 sualım olacaq: 1.Nə üçün zəif və qəbul etmədiyiniz Elçibəylə vəfatına qədər münasibəti yüksək səviyyədə saxladınız? Evinizə dəbət etdiniz? Axı belə hallarda siyasi etika fərqlı davranış tələb edir. 2. Elçibəyin şəxsən Bakı şəhər prokuroru kimi sizə tapşırdığı və nəzarətdə saxladığı 1990- cı ilin sentyabrında evində qətlə yetirilmiş AXC təşkilat şöbəsinin müdiri Arif Abdullayevin qətlinin iştirakçıları niyə aşkarlanmadı? 3. Deputat olmaq üçün hökmən keçmişin üzərindən xətt çəkib Elçibəyə qarşı qərəzli olmaqmı lazımdır? Elçibəyə bəzən deyəndə " filankəs Sizin əleyhinizə danışır, yazır və s." cavabı sadə olurdu: çörəyi məni söyməkdən çıxırsa, qoyun çörəyini qazansın". Mən Çingiz Qənizadəni bu rolda görmək istəməzdim.

Oqtay Qasımov