Milli Məclisin keçən həftə keçirilən iclasında Azərbaycan Respublikası Hesablama Palatasının illik hesabatı müzakirə olunub. Hesabat verən Hesablama Palatasının sədrinin bildirdiyinə görə “daha çox rast gəlinmiş pozuntular onu qeyd etməyə imkan verir ki, dövlət vəsaitlərinə nəzarət, ilk növbədə, dövlət satınalmalarının şəffaf keçirilməsinə və dövlət əmlakından səmərəli istifadəsinə nəzarətin təşkilindən keçir.”

Aktualinfo.org xatırlatmaq istəyir ki,bir çox qurumlarda dövlət satınalmalarının şəffaf keçirilməməsi və vəsaitlərin süni şəkildə şişirdilməsi barədə əldə etdikləri məlumatları daim geniş ictimaiyyətin diqqətinə çatdırmaqla yanaşı, qanun pozuntularına yol vermiş dövlət orqanlarının fəaliyyətinin araşdirilması və tədbir görülməsi üçün Hesablama Palatasına da dəfələrlə müraciətlər etmişdir.Qeyd edək ki, dövlət satınalmalarının şəffaf keçirilmədiyində şübhələr yaradan məqalələrdən biri də,aprelin 3-də Aktualinfo.org saytında yayılmış “Gülnarə Abdullayeva internat məktəbdə uşaqlara sudan başqa nə verir?” başlıqlı məqalə olmuşdur.

Aprelin 8 -də 11 saylı İnteqrasiya Təlimli İnternat Məktəbin direktoru Gülnarə Abdullayeva tərəfindən redaksiyamızın elektron poçtuna təkzib tələbi ilə münasibəti daxil olub.Sözügedən münasibətdə internat məktəbin direktoru daha çox bizi qeyri-peşəkarlıqda günahlandıraraq yazdıqlarımızın həqiqətə uygun olmadğını,məlumatların əvvəlcədən tərəfimizdən araşdırılmadığından təkzib olunmasını tələb edib,əks halda Cinayət Məcəlləsinin bir neçə maddəsi ilə cinayət işinin açılacağı ilə bizi qorxuzub.

Amma bizim məqalədə toxunduğumuz məsələlərə ,yəni internat məktəbin tender yolu ilə içməli suyun satınalmasına ayrılmış dövlət vəsaitindən heç söhbət açmayıb.Məqalədə ünvanladığımız suallara cavab vermək əvəzinə onu oxuculara mənfi obrazda təqdim edən böhtan xarakterli məlumatlar dərc etdiyimizi bildirib.

Biz Aktualinfi.org olaraq yazdıqlarımızın üstündə dayanırıq və burada heç bir böhtana yol verilmədiyini bir daha qeyd edirik.11.03.2020-ci ildə də 11 saylı İnteqrasiya Təlimli İnternat Məktəbi tərəfindən içməli suyun satınalması üzrə tenderin qalibinin ”Dostluq Servis” Məhdud Məsuliyyətli Cəmiyyətinin olması və ondan 20 gün sonra, yəni 30.03 2020-ci ildə”Dostluq Servis” Məhdud Məsuliyyətli Cəmiyyəti ilə içməli suyun satınalması üzrə 80000 manat dəyərində müqavilə bağlanılması barədə məlumatları biz dövlətin rəsmi orqanından əldə etmişik.Müqavilənin bağlanması barədə rəsmi bildiriş 16.03.2020-ci ildə elan olunub. Xanım direktor əgər bunları böhtan hesab edirsə, onda bu yalan məlumatları dövlət orqanlarına niyə təqdim ediblər?

Böhtan xarakterli məlumat dedikdə xanım direktor nəyi nəzərdə tutur? Keçirilmiş tender böhtandır? Tenderin keçirilməsi üçün verilmiş elanın böhtan olduğu məsələsini bir kənara qoyub bizi qeyri peşəkarlıqda günahlandıran Gülnarə Abdullayevadan bir daha soruşmaq istərdik. 11 saylı İnteqrasiya Təlimli İnternat Məktəbdə şagirdlərə gün ərzində nə qədər su verilir və yaxud da internatda bir nəfərin yeyib-içmək rasionunda nə qədər su daxil edilir? Siz bu bu suallara cavab verin.

Sizin 11.03.2020-ci ildə qalibini elan etdiyiniz tenderin şərtlərinə görə “Dostluq Servis”MMC 11 saylı İnteqrasiya Təlimli İnternat Məktəb ilə 20000 kubmetr içməli suyun satınalması üzrə 80 ooo manat dəyərində müqavilə bağlanmışdır.Ötən yazıda da qeyd etmişdik,bir daha da yadınıza salmaq istərdik ki, Tarif Şurasının 13.05.2016-cı il tarixli qərarı ilə bir kub metr su təchizatının tarifi ƏDV daxil olmaqla əhali üzrə Bakı, Sumqayıt, Xırdalan şəhərləri və Abşeron rayonu üçün 35 qəpik, digər inzibati ərazi vahidləri üzrə 30 qəpikdir.Təmiz,içməli suya gəlincə. Bu gün bir çox şirkətlər var ki, çatdırılma və xidmət haqqı almadan 19-20 litrlik polikarbonat qablarda qablaşdırılmış keyfiyyətli içməli suyu 3-3,50 manata satırlar.

Burada oxucuların diqqətinə bir məqamı xüsusilə çatdırmaq istərdik.Aktualinfo.org saytı olaraq 11 saylı İnteqrasiya Təlimli İnternat Məktəb tərəfindən içməli suyun satınalması üzrə elan olunmuş tender prosedurunun “keçirilmiş müsabiqələr” və “bağlanmış müqavilələr” bölümündə tərəfimizdən kiçik bir anlaşılmazlığa yol verilmişdir. Bəs gəlin görək buna görə bizi qeyri-peşəkarlıqda ittiham edən Gülnarə Abdullayevanın özü rəhbəri olduğu internat məktəb haqqında nə nə qədər peşəkarcasına məlumatlar verib?

Sabunçu rayon icra Hakimiyyətinin saytında yerləşdirilmiş məlumatlara görə internat məktəbində 1254 şagird var.Bu məlumatın hansı tarixə olduğu bəlli deyil.Qeyd edilib ki, onlardan 981 nəfəri ümumi təhsil siniflərində, 173 nəfəri xüsusi təhsil siniflərində, 100 nəfəri isə Günərzi Qayğı Mərkəzində təlim-tərbiyə olunan 3-6 yaşlı uşaqlardır.

“Azərtac” informasiya Agentliyinin 2017-ci ilin mart ayının 1-də Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın 11 saylı inteqrasiya təlimli internat məktəbinin yenidənqurmadan sonra açılışında iştirak etməsi barədə yaydığı məlumatlara görə internat məktəbində 945 şagird təhsil alır və onlardan 158 nəfəri xüsusi təhsilə cəlb olunub. 2016-2017-ci tədris ilində məktəbdə təhsil alan şagirdlər 59 sinif üzrə qruplaşdırılıb. Onlardan 38-i ümumtəhsil sinifləri, 21-i isə xüsusi siniflərdir. Ümumtəhsil siniflərində təlim Azərbaycan və rus dillərində aparılır. Müəssisənin yataq korpusunda 133 şagird yaşayır. Məktəbdə uşaqların təlim-tərbiyəsi ilə 139 müəllim və tərbiyəçidən ibarət işçi heyət məşğul olur.

Ondan cəmi iki ay sonra,yəni 18.05 2017-ci ildə Təhsi Nazirliyinin saytına yerləşdirilmiş məlumatlara görə hazırda internat məktəbində 1108 nəfər şagirdin təlim-tərbiyə alması barədə məlumatlar var. Ümumtəhsil siniflərində 796, xüsusi siniflərdə isə 163 nəfər şagird təhsil aldığı bildirilib.Qeyd edilib ki,onların təlim-tərbiyəsi ilə 142 nəfər pedaqoji işçi məşğul olur. Məqama diqqət yetirin martın 1-dən may ayının 18-nə şagirdlərin sayı 945-dən 1108-ə yüksəlib.

Bunları qeyd etməkdə məqsədimiz nədir? Çox istərdik ki,özlərinin də buraxdıqları səhvlərə bir nəzər salsınlar. Digər tərəfdən də biz Gülnarə xanım Abdullayevaya şagirdlərin sayını xatırlatmaqla gün ərzində onların payına düşən, yaxud da onların içdiyi suyun həcmini hesablamlarını istəyirik. Gülnarə xanım, birinci 80 000 manata alınmış 20000 kubmetr suyu litrə çevirin.Sonra şagirdlərin sayına bölüb,onu da ilə,yəni şənbə,bazar və istirahət günlərini çıxmadan 365 günə vurun.Hər nəfərə gün ərzində neçə litr içməli su düşür,Gülnarə xanım? Biz burada sadəcə şagirdləri nəzərdə tutduq,siz istəyirsiniz 11 saylı internat məktəbin bütün kollektivini,müəllimlərindən, xadimələrdən, aşbazlardan tutmuş bagbanlara qədər,hamısını hesablaya bilərsiniz.

Şagirdlərin sayı da ayrı-ayrı vaxtlara bir cür göstərilən, bu cür təzadlı məlumatlara bol olan,lakin bütün bunları göz ardına almaq istəyən İnternat məktəbin direktoruna bir daha sual vermək istərdik. Siz bizə 20000 kubmetr suyun hara axıdılmasından danışın.Yaxud da ona ayrılmış dövlət vəsaitlərinin hara uçurulmasından xəbər verin.

Bu kimi təzadlı suallara bir daha aydınlıq gətirmək üçün telefonla əlaqə saxladığımız Gülnarə Abdullayevanın hər şeydən bixəbər olması,ancaq şəxsi məsələlərinə toxunmaqla özünü təmizə çıxarmaq istəyi bizim marağımıza səbəb oldu.Belə ki,xanım direktora içməli suyun alınması barədə verdiyimiz suala, siz nə danışırsınız,hardandı sizdə bu məlumat-deyə cavab verdi.Biz Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin elektron portalında elan olunmuş tenderlərin nəticələri barədə məlumatlardan əldə etdiyimizi bildirdikdə, Gülnarə Abdullayeva ,bilmirəm mənim o işlərdən xəbərim yoxdur,mənim mühasibim var o bilir bu işləri,ümumiyyətlə bizim baş idarəmiz var,bu işləri onlar görür bizim heç nədən xəbərimiz yoxdu-deyə cavab verdi və əlavə etdi ki, mənim vəkilim var,bundan sonra sizinlə mənim vəkilim danışacaq-dedi.

Artıq xeyli vaxt keçməsinə baxmayaraq nə vəkil,nə də heç kim bu məsələyə aydınlıq gətirmək üçün bizimlə əlaqə saxlamadı.Burada əlavə,maraqlı suallar ortaya çıxdı. Xanım direktorun xəbəri olmadığı tenderləri kimlər keçirib? Baş idarə dedikdə Gülnarə Abdullayeva kimləri nəzərdə tutur? Olmaya içməli su adı altında dövlət vəsaitini Təhsil Nazirliyinin rəsmiləri mənimsəyir? Başda nazir Ceyhun Bayramov olmaqla.Bu və digər suallara cavab ala bilməsək, bir mətbuat orqanı olaraq biz də araşdırılması üçün hüquq mühafizə orqanlarına müraciət edəcəyik.

GundemXeber.Az