Rusiyanın Azərbaycan ilə sərhədində iki aya yaxındır ölkəyə qayıtlmaq üçün gözləyən bir neçə yüz Azərbaycan vətəndaşlı iyunun 15-də axşam saatlarında Dağıstanın Qullar qəsəbəsində sərhəddən buraxılmaları tələbilə etiraz aksiyası keçirib.

Gundemxeber.Az bildirir ki, bu barədə Rusiya mediası məlumat yayıb.

Sosial şəbəkələrdə yayılan videolardan məlum olur ki, vəziyyət iyunun 16-da Azərbaycana cəmi 240 nəfərin buraxılacağı məlum olduqdan sonra gərginləşib.

“Bizi burada öldürmək istəyirlər. Biz hamımız vətənə qayıtmaq istəyirirk. İstəyirik ki, Azərbaycan dövləti vətəndaşlarına sahib çıxsın. Biz burada çox ağır durumda yaşayırıq,” etirazçılardan biri deyib.

Azərbaycan vətəndaşları sərhədə doğru yürüş etmək istəyiblər. Bu zaman əraziyə polis qüvvələri yeridilib. Polsi qüvvələri havaya atəş sçıb, gözyaşardıcı qaz və dəyənəklərdən istifadə edib.

Etirazçıların dediyinə görə, xəsarət alanlar və saxlanılanlar var.



Rusiyanın Dağıstan Respublikasının Dərbənd rayonu administrasiyasının başçısı Fuad Şahıyev bildirib ki, “Azərbaycana qayıtmağı tələb edən insanlar dörd polis əməkdaşlarına hücum edib, avtomobillərini dağıdıb. Bu zaman əraziyə əlavə qüvvələr yeridilib. Hazırda sakitlikdir.”

Şahıyevin sözlərinə görə, problemin həlli üçün iyunun 16-da Azərbaycan nümayəndələri ilə danışıqlar aparılacaq.

Azərbaycan tərəfi baş verənlərə hələ münasibət bildirməyib.

Videoları izləmək üçün linkə daxil olun;

https://m.facebook.com/azadliqqazeti/videos/2791687074398081/?locale2=en_US

https://m.facebook.com/azadliqqazeti/videos/2821571921460012/?locale2=en_US

GundemXeber.Az