Biz kimik? Və hara gedirik?

26 ildir ki, səlahiyyət sahibləri bizlərə əməlli başlıca cəhənnəm əzabını yaşadırlar. Gəlirlər azalır, cəzalar sərtləşdirilir, cərimələr isə artırılır. Qara camaatın istismar yolu ilə səfalətə sürükləyən bu ölkə qul və quldarlıq dövründən heçnə ilə fərqlənmir. Vətəndaşların əksəriyyəti evində bir günlük ehtiyacı olmadığı halda “karona virus” adı altında insanlar iflic vəziyyətinə salınır. Qarınları ac, cibləri boş. Rüşvət və korrupsiya yuvasına çevrilən xəstəxanalarda özbaşınalıq baş alıb gedir. Özlərinin bizneslərindən başqa heçnə düşünməyən kəslər insanları bax beləcə istismar etməklə qorxu və xof içində saxlayırlar. Milyonlarla maliyyə vəsaitlərinin mənimsənilməsi üçün inzibati idarəçilik həftəbecərə döndərilir. Sual yaranır Səhiyyə Nazirliyi olduğu halda TƏBİB nəyə lazımdı? Dövlət tibb müəssisələrində nəzarəti həyata keçirən TƏBİB-in sayəsində əyalət xəstəxanalarında vəziyyət daha da dözülməz həddə çatıb. Sadə insanların indi bir sual düşündürür. Dərdlərini kimə və hara desinlər? Təyinatla mandat alıb parlamentin yumşaq kreslolarında oturan təmsil etdikləri səlahiyyət sahiblərinin maraqlarını və özlərinin gəlirlərini düşünən dırnaqarası o deputatlara “Fatı qalıx, Fatı otur”, ölkə parlamenti bu gün bax beləcə biabırçı vəziyyətdədir. Yoxsa konstitusiyanı və ədalət prinsiplərini ayaqlar altına atan prokurorlara, məhkəmə sədrlərinə təhsili olmayan xalqın gələcəyi də olmaz. Səlahiyyət sahibləri bunu da etdilər. Çünki, onlar üçün savadsız, lal, kar və kor bir cəmiyyət lazımdır. Əgər ölkədə azda olsa qanunlar işləsəydi, rüşvət və korrupsiyaya görə heç şübhəsiz ki, prokurorluqda, polisdə və məhkəmələrdə çalışan yuxarıdan aşağı işçilərin hamısı həbs olunardı. Rüşvət və korrupsiya məmurların həyat tərzi və gündəlik iş prinsipidir. Vampir qanla qidalandığı kimi həmin bu bolşevik təfəkkürlü rusiyaya qul sədaqəti göstərən antimilli məmurlar da rüşvət və korrupsiyayla qidalanırlar. Deyin görüm Şəhidi, şəhid ailəsini, qazisini, veteranını alçaldan icra başçısında naziri və komitə rəhbərlərində vətənə, torpağa sevgi hissi ola bilər? Əsla yox. Buraya polis rəisləri, prokuror və məhkəmə sədrləri də daxil olmaqla hansı birisinin uşağı 44 günlük müharibədə iştirak etdi? 44 günlük müharibə bir an başladı və gecənin bir aləmində rus qoşunlarının Dağlıq Qarabağ ərazisinə gəlişi ilə bitdi. Hansı ki, 20 yanvar qətliamını törədən, Xocalı soyqırımını həyata keçirən şovinist, işğalçı rus ordusu. Lavrov prinsipinə uyğun olaraq Rusiya Azərbaycanla bağlı özünün məkirli niyyətini həyata keçirdi.

Şuşa, Laçın, Kəlbəcər, rus və ermənilərin mühasirəsində. Xankəndi, Xocalı, Xocavənd, Əsgəran ermənilərin nəzarətində. Hazırda həmin bu rayonlarda kütləvi şəkildə ermənilər məskunlaşdırılır. Belə olduğu halda bizlər hansı qalibiyyətdən danışa bilərik. Hara kimi gediləcəyini və hansı rayonların azad ediləcəyini Rusiya qabaqcadan müəyyənləşdirmişdir. Onu da xatırladım ki, yeddi rayon AXC

hakimiyyəti devrildikdən sonra Dağlıq Qarabağın təhlükəsizliyi kimi ermənilərə verilmişdir. Məhz ona görə də danışıqlarda heç vaxt bu mübahisəli ərazilər olmayıb.

İlham Süleymanov