“OBA” marketlər şəbəkəsində özbaşınalıq hökm sürdüyü iddia olunur. Belə ki, marketlər şəbəkəsinin “İnşaatçılar” metrostansiyası yaxınlığında yerləşən filialında bir həftədən çoxdur ki, müştərilərə alış-veriş zamanı qəbz verilmir. Alıcılar qəbzi tələb edəndə isə market işçiləri min cür bəhanələr gətirir. Sözügedən marketdə qəbzin verilməməsi ƏDV-nin mənimsədilməsi kimi dəyərləndirilib.

Gundemxeber.az bildirir ki, bizim.media-ya müraciət edən müştərilər belə deyir.

Onların sözlərinə görə bu azmış kimi “OBA” marketlər şəbəkəsinin özünə məxsus paketləri ya "aptek"lərdən, ya da "Al market"dən alınır.

Məsələ ilə bağlı Bizim.Media-ya danışan "OBA”marketlər şəbəkəsinin rəsmisi Təranə Cəlilzadə qeyd edilən problemin artıq həll olunduğunu bildirib:

“Yasamal 20” marketimizdə logistika gecikməsi səbəbi ilə çek problemi yaranıb. Məsələyə müdaxilə edilərək qeydə alınmış problem artıq aradan qaldırılıb”, - deyə market rəsmisi əlavə edib.

Qeyd edək ki, "OBA" marketlər şəbəkəsi müştərilərə xidmətdə ən çox tənqid edilən ticarət mərkəzidir.

GUNDEMXEBER.AZ