26 sentyabr 2020-ci ilin axşam saattları idi.

 Goranboy rayonunun cəbhə bölgəsində yerləşən Qaraçinar kəndinə səfər etmişdik. Səfər etməyimizə səbəb o olmuşdur ki, 25-27 sentyabr tarixlərində yaxın qohumun yas mərasimində iştirak edək. Biz artıq 25 sentyabr tarixindən kənddə idik. Çünki, mərhumun dəfn  mərasimində də orada olmuşduq. Bütün hallarda rəhmətə gedənimiz olmasaydı belə, biz cəbhə bölgəsinə əsgərlərimizə dəstək olmaq üçün getməliyidik. Bu həm də bizim vətəndaş borcumuz idi. Orada olduğumuz həmin üç gün ərzində gizli, sirli və şübhəli xəbərlər gəlirdi. Artıq hiss olunurdu ki, nəsə olacaq.

26-sı günü ABŞ səfirliyinin öz vətəndaşlarına Abşeron rayon ərazisindən kənara çıxmamaq xəbərdarlığını oxuyub tam əmin olduq ki, səhər müharibə olacaq. Müharibə təcrübəmiz olduğundan üç mərasiminə təsadüf edən günün səhər saat 7 tamam olmasını gözləyirdik. Qismət elə gətirdi ki, həm şanlı ordumuzun professional atəşlərinin şahidi olduq, həm də atışma altında 3 mərasimini yola verə bildik.

 26-sından 27-sinə keçən gecədən səhər saat 06:00-a qədər Müdafiə Nazirliyinin şəxsi heyətində olan rus və erməni  agentlərinin vasitəçiliyi ilə quraşdırılan GPS-li hərbi texnikaları ön cəbhədən çıxarılması və yeni texnikalarla əvəz edilməsi prosesi davam edirdi. Nəhayət 27 sentyabr səhər saat 07:08 radələrində əks-hücum əməliyyatı başladı. İlk cavab atəşlərimiz toplardan və "qrad" reaktiv yayılış atəş sistemlərindən edildi. Qısa zaman kəsiyində Müzəffər ordumuzun aypara hücumu nəticəsində Yerevan-Qarabağ, Qarabağ İran yolu bağlandı. Bəlli olan odur ki, 27 sentyabr 10 noyabrdan daha möhtəşəm tarix oldu. Bu gün qələbə savaşının bir ilinin tamam olması və anım günüdür.

 Allah şəhidlərimizə rəhmət, qazilərimizə də sağlam həyat qismət etsin!

Ş.Cəfəri

GundemXeber.Az