Davudov Pərviz Rəhim oğlu 2021-ci ildə Azərbaycan Texniki Universitetinin (AzTU) Nəqliyyat və Logistika fakültəsini bitirsə də, bu günə kimi sözügedən universitetdən diplomunu ala bilmir. 

Gundemxeber.Az faktinfo.az-a istinadla xəbər verir ki, yaranmış problemlə bağlı Pərviz Davudov dəfələrlə AzTU rəhbərliyini məlumatlandırıb. Ona bildirilib ki, Təhsil Nazirliyinə müraciət etməlidir, diplomunu oradan almalıdır. Nazirlik isə AzTU-nun məzununa universitetə müraciət etməyi məsləhət bilib. Ötür-ötür oyunu Pərviz Davudovu təngə gətirib.
Xatırladaq ki, Pərviz Davudov yekun və müdafiə imtahanını verib. Bu səbəbdən də digər məzunlar kimi o, da diplomunu AzTU-dan almalıdır, Təhsil Nazirliyindən yox.
Onu da xatırladaq ki, AzTU-ya Ədalət Vəliyevin rektor təyin edilməsindən sonra orada son iki ildə narazılıqlar yaranıb.Görünür,Pərviz Davudovun Azərbaycan Texniki Universitetindən diplomunu ala bilməməsi Universitet rəhbərliyinin idarəçilikdə növbəti "performansıdır."
Mövzuya qayıdacağıq.

GundemXeber.Az