13 ildir məhkəmə qərarını icra etməyənlərin yeni “icra metodu”

Xətai məhkəməsinin 26.05.2009 tarixli və 21.06.2011 tarixli iki qətnaməsi ilə 1-ci dərəcəli Qarabağ qazisinə verilən Nizami rayonu, Bəhruz Nuriyev -10a ünvanındakı otaqların borclular ƏMDK, Nizami RİH və Ədliyyə Nazirliyinin Xətai və Nizami icra şöbələrinin mütəşəkkil cinayəti nəticəsində saxta şəhadətnamə ilə ələ keçirilib satılmasına hələ də hüquq qiyməti verilməyib. 11 il qabaq baş prokurorluğun 161 qaynar xəttinə şikayət edən tələbkarı Ədliyyə Nazirliyinin Aqil adlı  icra məmurunun şantaj etməsindən mətbuat yazıb. 

29 mart 2022-ci il  saat 17 radələrində hüquq mühafizə orqanlarına aid 0120070000 nömrəsindən zəng edən Ədliyyə Nazirliyinin Elçin adlı əməkdaşı Xətai məhkəməsinin  21.06.2011 tarixli qətnaməsinin və onun əsasında verilmiş 22.07.2011 tarixli icra vərəqəsinin göndərilməsini bildirib. Bundan sonra icra vərəqəsi ilə qətnamənin nəticə hissəsinin uyuşmadığını (?)  vurğulayan icra məmuru tələbkar Qarabağ qazisinə “xox” gəlməyə başlayıb ki, hüquq – mühafizə orqanlarına saxtalıqla bağlı müraciət ediləcək. Burada deyiblər, oğru elə bağırdı ki, doğrunun bağrı yarıldı. 13 ildir məhkəmə qərarını borcluların rüşvəti ilə icra etməkdən imtina edən, məhkəmə qətnaməsini gizlədən  Ədliyyə Nazirliyinin icra baş idarəsi baş prokuror yanında korrupsiyaya qarşı mübarizə baş idarəsinə şikayət edən tələbkar Qarabağ qazisini saxta qətnamə və icra vərəqəsi qəbul etməkdə (?) ŞANTAJ EDİR! Ay gidi dünya! Ədliyyə Nazirliyinin “ədalətinə” baxın, icranı tələb edən tələbkara 161-ə şikayət etdiyinə görə hədə - qorxu gəlinir. Ortalıq on ilin söhbətidir, Ədliyyə Nazirliyindən  (baş prokurorluğa şikayət əsasında) Anar Cəfərov zəng edib, uyğun sənədləri gətirməyi bildirib və sənədlərlə tanış olandan sonra onların surətini çıxarmaq adı ilə götürüb , görüş otağından çıxıb.. Evə gələndə sənədlərin içindən Xətai məhkəməsinin  bir qərarının yoxa çıxdığı bəlli olub . (?) Görün, ədliyyə -ədalət məmurları şikayətləri  necə araşdırır? ! Düzdür, icra məmurunun saxtalığı elə həddə idi ki , məhkəmə qərarının əslini oğurlamaqla düzəltmək mümkünsüz idi. Amma onda ədliyyə məmuru , Qarabağ qazisini  icra məmurunun adından şantaj etməkdən çəkinməmişdi. (?) İndi isə yenə də Ədliyyə Nazirliyinin (əməkdaşının) şantajı “eyni dalğa, eyni koordinatdan” açıqlanır. Yəqin ki, hüquq mühafizə orqanları şantaja hüquq qiyməti verilməsində çətinlik çəkməz. 

Məğrur Bədəlsoy