Prezidentin keçmiş köməkçisinin ardınca hazırkı köməkçisi də Avropa Məhkəməsinə verilir

Sərbəst toplaşmaq azadlığı hüququ Konstitusiyanın 49-cu maddəsi ilə doğrulanan əsas insan hüquq və azadlıqlarındandır və bu azadlıq hüququna heç kim qadağa qoya bilməz. Nə yazıq, BŞİH-in nəinki başçısı, adi şöbə müdiri, hətta şöbə müdirinin müavini Konstitusiyaya qadağa qoyub. Qarabağ qazilərinin Xətai məhkəməsinin 26.05.2009 tarixli və 21.06.2011 tarixli 2 qətnaməsi ilə 13 il və 11 il qabaq verilən Nizami rayonu, Bəhruz Nuriyev -10-dakı əvvəllər 25 saylı Dairə Seçki Komissiyasının yerləşdiyi qeyri-yaşayış sahəsinə məhkəmənin icra sənədi ilə girmələrinə də BŞİH qadağa qoyub. Son 40 gündə baş prokurorluğun 161 qaynar xətti qazilərin şikayətlərini 3 dəfə qeydə alsa da, heç bir tədbir görülməyib. Tələbkarın on qazinin iştirakı ilə məhkəmə qərarını icra edərək otaqlara girməsi barədə xəbərdarlığına 4 yol qadağa qoyan BŞİH-in ictimai -siyasi, humanitar məsələlər və dini qurumlarla iş şöbəsinin müdiri Elmin İmanov 07.01.2022 tarixli məktubla ŞİKAYƏTƏ SƏBƏB OLAN MƏSƏLƏ İLƏ ƏLAQƏDAR HƏR HANSI BİR AKSİYA KEÇİRMƏK DEYİL, YUXARI İNSTANSİYA MƏHKƏMƏLƏRİNƏ MÜRACİƏT EDİB, MƏSƏLƏYƏ HÜQUQİ MÜSTƏVİDƏ BAXILARAQ NƏTİCƏ ƏLDƏ ETMƏYİ TÖVSİYƏ EDİB.

 Özbaşınalığa baxın, vətəndaşın, Qarabağ qazisinin əlində 13 və 11 ildir qanuni qüvvəyə minmiş dövlətin adından çıxarılan 2 (!) məhkəmə qərarı, icranın Bəhruz Nuriyev -10-dakı otaqlarda davam etdirilməsi barədə 22.07.2011 tarixli icra vərəqəsi var, BŞİH-in şöbə müdiri isə yuxarı instansiya məhkəmələrinə müraciət edərək nəticə əldə etməyi tövsiyə edir ! (?) Bunlar anlamır ki, NƏTİCƏ 13 İL QABAQ ƏLDƏ EDİLİB! Sadəcə borclu icra hakimiyyəti orqanları dələduzluqla icraya qadağa qoyub, məhkəmə qərarından 2 il sonra məhkəmənin qaziyə verdiyi otaqları saxta şəhadətnamə ilə ələ keçirib satıblar. Özü də baş satıcı hazırda Prezident köməkçisi görəvindədir. Keçmiş prezident köməkçisi Əli Həsənovun vəzifə səlahiyyətlərindən sui-istifadə etməsinə Avropa Məhkəməsində baxılmasına yerli məhkəmənin bu sui-istifadəni qanuni sayması barədə qərarı haqq verir. Avropa İnsan Hüquqları Məhkəməsinin hüquq presedenti məhkəmə qərarlarının icra olunmaması ilə bağlı şikayətlərin qəbul edilənliyi barədə (6 aylıq) şikayətvermə müddətinin gözlənilməsi şərtini istisna edir. Yəni Qarabağ qazisinin məhkəmə qərarının icra olunmaması nəticəsində əmlakından on ildən çoxdur məhrum edilməsinə Avropa Məhkəməsi on ildən çox keçsə də , qiymət verə biləcək . Bu yol ƏMDK -nın, Nizami RİH-in keçmiş rəhbərliyi, hazırda Prezident köməkçisi Kərəm Həsənov, Dövlət Statistika Komitəsinin sədri Tahir Budaqov, Arif Qasımov və digərlərinin tamah alveri ölkənin cəzalandırılmasına nədən olacaq . Bunu nəzərə alan Qarabağ qazilərinin Prezident Administrasiyasının qarşısında sərbəst toplaşmasını bu yol BŞİH-in sözügedən şöbəsinin müdir müavini (?-M.B. ) İsrafil Kərimov 10.11.2022 tarixli məktubla məsləhət görməyib.

Konstitusiyanın icra hakimiyyətinin hansısa şöbə müdiri, müdir müavini tərəfindən yasaq olunduğu ölkədə hansısa hüquq və azadlıqdan danışmağın yeridirmi ? Yəqin, beynəlxalq məhkəmə suala aydınlıq gətirəcək.

Məğrur Bədəlsoy