Etibar Yolçiyevin Şirvanın həm memarı, həm bələdiyyəsi, həm də hər şeyidir....
Orxan Məmmədyarov  Kəmaləddin Heydərovun yerinə keçmək istəyir...

19  ildir  müxtəlif rayonlarda  icra başçısı işləyən İlqar Abbasov  barəsində  Gündəlik-Bakının və digər media qrumlarının illər uzunu  yazdıqlarını təkrar-təkrar yazıb  oxucunu  bezdirmək istəmirik.
Amma qısa məlumat üçün qeyd edək ki, “1979-2004-cü illərdə  sahibkarlıq fəaliyyəti ilə məşğul olmuşam”  deyən, bircə gün idarəetmə təcrübəsi olmayan bu adam  bir gecənin içində  paytaxt Bakının Nərimanov rayonuna  icra başçısı təyin edildi.
Təbii, PA-nın o zamankı rəhbəri Ramiz Mehdiyevin əli ilə.
Bəşər  tarixində  bunun analoqu olmayıb ki, daş karxanasından, hansısa şirkətdən  birisini gətirib paytaxtın əsas mərkəzi rayonlarından birinə rəhbər təyin edəsən.
Nə isə, bir müddət sonra İlqar Abbasov  Bakının ən bahalı rayonlarından biri olan Suraxanıya icra başçısı təyin olundu.
Bu adam Suraxanıda uzun illər torpaq alverçisi, küçə ticarətinin  başçısı kimi, bir də  qanunsuz fərdi tikintilərdən  yığılan pulların sahibi kimi ad çıxardı. (bunu biz demirik, bizdən qabaq bütün mətbuatda yazılıb)
Suraxanıda  bütün bu işlərin görülməsində icraçı olaraq İlqar Abbasovun müavini və bacanağı Etibar Yolçuyev əsas fiqur idi.
Təsəvvür edirsiniz, bacanaqlardan biri icra başçısıdır, o biri  isə onun müavini.
Sözün qısası, İlqar Abbasov və Etibar Yolçuyev cütlüyü  təkcə küçə ticarətindən milyonlar qazandılar.
İlqar Abbasov həm də bütün mediada 2 cümləsi ilə yadda qalıb:
Birincisi, İlqar Abbasov deyib ki, mən rayonları icarəyə götürürəm...
Bu Azərbaycan dövlətinə, millətinə və hakimiyyətinə böyük təhqirdir.
İkincisi, İlqar Abbasov məclislərin birində  siyasi səhv buraxaraq  deyib ki, media nə yazır yazsın, guya ölkə rəhbərliyi bilmir ki, biz nə alırıq, nə veririk..?
Bir sözlə,  Suraxanını xaraba qoyan  İlqar Abbasov  təxminən  3 il öncə Şirvan şəhərinə icra başçısı təyin olundu.
Və təyin olunan kimi Suraxanıda müavini olan, bacanağı Etibar Yolçiyevi özü ilə Şirvan icra hakimiyyətinə vəzifəyə apardı.
Daha konkret desək, İlqar Abbasov Şirvanda müavini olan Sabit Abıyevi çağırıb deyib ki, könüllü olaraq ərizəni yaz və işdən get.
Elə həmin gündən müavin yorğan-döşəyə düşüb. Və ona məxsus olan xidməti avtomobili ( 002 )  İlqar Ababsovun bacanağı  və köməkçisi  Etibar Yolçuyevə verilib.
Bu adam hansı rayona  icra başçısı gedirsə, qohum-əqrəbasını yığıb özünə müavin, köməkçi, şöbə müdiri aparır. Bir deyən yoxdur ki, ay yoldaş, bura dövlət qurumudur e, bu sənin üçün ailə arendası deyil, şirkət deyil.
Nə isə hazırda Şirvanda bu iki bacanağın qılıncının dalı da kəsir, qabağı da...
Şirvan camaatı deyir ki,  İlqar Abbasov 3 ildir icra başçı işləyir, hələ də özünə 1-ci müavin, müavin tapa bilmir.
Lap “Böyük dayaq” filmindəki bir epizod yada düşür.  
Deməli, Şirvan şəhərinin Baş memarı da, bələdiyyəsi də, icra başçısının müavini də, bir sözlə, hər şeyi Etibar Yolçuyevdir.
Şirvan şəhərində nə iş görmək istəsən mütləq Etibar Yolçuyevlə görüşüb...xeyir-dua almalısan.
Yəni Şirvan üçün Etibar Yolçuyev hər şey-hamı deməkdir.
Məsələn, kim potensial kadr olaraq  vəzifəyə getmək istəyirsə, mütləq Etibar Yolçuyevin qəbulunda olmalı, onun testindən keçməli və...təyinat olmalıdır.
Bir sözlə, Şirvanda yaxşı işə düzəlmək, bütün problemləri  həll etmək üçün  “vsemoquşiy”  Etibarı  görməlisən.  
Hətta  şirvanlılar deyir ki, İlqar Abbasovun heç nədən başı çıxmır, Etibar bütün alış-verişi edir, hər şeyi yerbəyer edir, kadrları təyin edir və...heç kimdən də çəkinmir.
Təsəvvür edirsiniz  son İllər Şirvan şəhərindəki binaların hamısının 1-ci mərtəbəsi rekonstuksiya edilib  və kommersiya obyekti kimi müxtəlif şəxslərə  satılıb.
Şirvanda hamı  düşünür ki, sabah  binalar uçarsa, insan tələfatı olarsa, görəsən kim cavab verəcək..?
Şirvan camaatı bütün bu baş verənləri görüb qan ağlayır. Və düşünürlər ki, görəsən FH  naziri cənab Kəmaləddin Heydərov hara baxır..?
FHN-nin Salyan Regional İdarəsinin müdiri Orxan Məmmədyarovdur.
Orxan Məmmədyarova neçə min dəfə  sağ ol demək lazımdır ki, gözləri görməsin.
Camaat  düşünür ki, yüngül bir  zəlzələ Şirvanın altını üstünə çevirə  bilər.
Orxan həmin Orxandır ki, Rahil Məlikova  pul təklif edib ki,  Şirvan şəhər “ELİT” bazarından, DƏNİZ marketdən, Əkbər inşaatdan  cızma-qara elə göndər mənə pul alım bölək. (bunu Şirvanda müəllim ləqəbi ilə tanınan dostunuz deyir).
Deyilənə görə, Orxan Məmmədyarov  yaxın zamanda  general rütbəsi alaraq  və FH naziri təyin olunacaq.
Gör Kəmaləddin Heydərovun yerinə kim hazırlaşır..?
Orxan Məmmədyarovun bütün işlərini isə Mansur  adlı şəxs  yerinə yetirir. Və Orxan deyir ki, mən  nazir olanda öz yerimə Mansuru təyin edəcəm.
Bir sözlə,  İlqar Abbasovun başçı olduğu Şirvanda kimin əli kimin cibindən çıxır...
Qoy bu barədə dövlət qurumları düşünsün. Yazıda müxtəlif saytların məlumatlarından istifadə edilmişdir. Qarşı tərəfin mövqeyini  dərc etməyə hazırıq./gundelik-baku.com/
 

GUNDEMXEBER.AZ