Şövqi İsmayılov: “İrşad Abbasov fərariliyə görə 3 il 6 ay müddətinə məhkumluq həyatı yaşayıb. Yəni, həqiqi hərbi xidmətə getmək üçün bu şəxsin yaşı çatsa da o, çağırış vaxtı qaçıb gizlənir. Belə bir səbəbdən də İrşad Abbasov axtarışa verilir və az sonra ələ keçirilərək həbs olunur”

Məlumdur ki, Göyçay Dövlət İdarəetmə və Texnologiya Kolleci Azərbaycan Respublikası Təhsil Nazirliyinin tabeliyində fəaliyyət göstərən orta ixtisas təhsili müəssisəsidir və bu kollec 26 avqust 2002-ci il tarixdə Nazirlər Kabinetinin müvafiq qərarına əsasən, Göyçay Kənd Təsərrüfatının Mexanikləşdirilməsi və Elektrikləşdirilməsi Texnikumunun bazasında yaradılmışdır. Hal-hazırda bu təhsil müəssisəsində direktor vəzifəsini ixtisasca ekoloq olan İrşad Abbasov daşıyır. Qeyd edək ki, bu şəxs kollecə rəhbər təyin olunduqdan az sonra, sanki ölkə gündəmində aləm birbirinə qarışır və buna müxtəlif amillərin varlığı səbəb olur. Faktdır ki, bu gün İrşad Abbasovun direktoru olduğu kollecdə baş alıb gedən hər cür qanunsuzluqlar, olmazın həngamələr və s. ölçüyəgəlməz həddə çatıb. Belə bir səbəbdəndir ki, son vaxtlar ölkəmizin bir çox nüfuzlu media qurumlarında bu kollecdə yaşanan qanunsuzluqlarla bağlı silsilə tənqidi məqalələr yayımlanır, baş verən hər cür həngamələrin varlığını geniş ictimaiyyətin diqqətinə çatdırılır. Bütün bunlara baxmayaraq, hələ də Təhsil Nazirliyinin rəsmiləri İrşad Abbasovla bağlı lazımi tədbirlərini görmürlər ki, görmürlər. 

GundemXeber.az xəbər portalının redaksiyasına Göyçay Dövlət İdarəetmə və Texnologiya Kollecində baş verən biabırçılıqlarla bağlı çatdırılan məlumatlarda qeyd olunur ki, bu kollecdə elə şəxslər çalışırlar ki, onlar orta ixtisas təhsilinə sahibdirlər və həmin şəxslər, məhz İrşad Abbasovun xeyr-duası əsasında müəyyən vəzifələrə təyin olunublar. Bu həm Təhsil haqqında Qanunun tələblərinə, həm də pedaqoji qaydalara zidd addımlardır. Bundan əlavə, media üzərindən apardığımız araşdırmalardan da bəlli olur ki, hal-hazırda bu təhsil müəssisəsi əməlli-başlıca rüşvətxorluq yuvasına çevrilib. Yəni, kollecdə semestr imtahanları yalnız rüşvət verildiyi halda öz həllini tapır və öz savadı ilə imtahan vermək istəyən tələbələrə isə, əsassız əngəllər yaradılır. Bütün bunların nəticəsidir ki, İrşad Abbasov ötən illər ərzində hədsiz dərəcədə varlanmış və bu gün o, Göyçayda ən imkanlı şəxslərdən biri hesab olunur. Göyçay Dövlət İdarəetmə və Texnologiya Kollecində təhsilin keyfiyyəti də, ən aşağı səviyyədədir. Söylənilənlərə görə, bu kollecdə saxta diplomlu şəxslər də çalışırlar ki, onlara məxsus diplomların saxta olması haqda, şəxsən direktor İrşad Abbasovun özü də məlumatlıdır. O, belə bir saxtakarlıqla bağlı məlumatlı olsa da, sanki özünü məlumatsız şəxs qismində aparır. Ona görə də düşünürük ki, əgər bu kollecdə hüquq-mühafizə orqanları, yaxud da Hesablama Palatası tərəfindən lazımi yoxlamalar apararlarsa, o halda ortaya çıxarılan nəticələr hər kəsi şoka salar. 

Diqqət yetiriləsi hal odur ki, Göyçay Dövlət İdarəetmə və Texnologiya Kollecində büdcə vəsaitlərindən istifadə zamanı bir çox “sapmalar”a, həmçinin müqavilə sənədlərinin saxtalaşdırılmasına və digər ciddi qanun pozuntularına yol verilir. Yəni, bu Kollecdə müxtəlif əsas vəsaitlərin qiymətləndirilməsi, cari təmir işlərinin həyata keçirilməsi, həmçinin lazımi avadanlıqların, ləvazimatların alınması və digər məqsədlər üçün ayrılan vəsaitlər süni şəkildə şişirdilir. Bütün bunlar onu söyləməyə əsas verir ki, İrşad Abbasovun rəhbərlik etdiyi Göyçay Dövlət İdarəetmə və Texnologiya Kollecində təhsil haqqında Qanunun tələblərinə “gözucu münasibət” mövcuddur. Bu təhsil müəssisəsində baş verən hoqqalardan biri də, Kollecin Tender Komissiyasına ünvanlanan sorğulara heç bir halda cavabın verilməməsi olur. Tam əksəriyyət bu Kollecin direktorunu sabiq təhsil naziri Mikayıl Cabbarovun ən etibarlı kadrı kimi tanıyırlar. Yəni, söylənilənlərə görə İrşad Abbasov, sabiq Nazirin zamanında Kollecdəki özbaşınalıqların qarşısını almağa çalışırdısa, bu gün o, fərqli idarəçiliyini həyata keçirməklə məşğul olur. Belə bir səbəbdəndir ki, hal-hazırda Göyçay Dövlət İdarəetmə və Texnologiya Kollecində baş alıb gedən özbaşınalıqların və korrupsiya hallarının miqyası hədsiz dərəcədə artıb. Redaksiyamıza çatdırılan məlumatlarda o da bildirilir ki, kollecdə dərs yükü bölünərkən ən azı “oklad” yarım dərs saatı almaq istəyən şəxs 300 manat, iki “oklad” dərs saatı almaq istəyən şəxs isə, 500 manat “rüsum” ödəməli olur. Bundan əlavə, rəhbərlik davamiyyəti yerində olmayan və müəyyən olunmuş limiti ötən tələbələrdən də, məhz buraxdıqları dərs saatına uyğun “rüsum” əldə edir. Əslində bu təhsil müəsisəsi kollecə deyil, daha çox “kolxoz bazarı”na oxşayır desək, heç də yanılmarıq. Çünki, burada hər işin öz qiyməti var. Söylənilənlərə görə, İrşad Abbasov direktor vəzifəsinə sahib olmazdan öncə, ETSN-nin tabeliyindəki qoruqların birində sıravi işci olur və bir müddətdən o, hansısa “sehrli əl”in köməkliyi sayəsində Göyçay Dövlət İdarəetmə və Texnologiya Kollecinə dirktor təyinatı almağı bacarır. Faktdır ki, tələbələr üçün bu kolleç “açıq bazar” hesab olunur və kimin pulu varsa, həmin tələbə dərsə gəlməyə də bilər. Yəni, istənilən tələbə dərsə gəlmədən hər ay 350 manat pul ödəmək şərtilə, məhz limitdən yuxarı qaiblərini sildirə bilər. Keçirilən imtahanlar isə, sadəcə olaraq imitasiya məqsədi daşıyır. Bütün bu kimi korrupsiya əməllərinin başında İrşad Abbasovun durduğu bildirilir. Söylənilənlərə görə, bu şəxs Təhsil Nazirliyində vəzifə sahibi olan oğlu Orxan Abbasova arxalanır və belə bir səbəbdən də, onun əl atmadığı fırıldaqlar, çıxarmadığı oyunbazlıqlar və s. qalmayıb. Hətta o, orda-burda “Oğlum cənab Nazirin yaxın dostudur. Ona görə də, mənə heç kim heç nə deyə bilməz” deməkdən də ehtiyat etmir. Redaksiyamıza Ucar rayonu, Qulabənd kənd sakini İsmayılov Şövqi İsmayıl oğlu adlı şəxs tərəfindən çatdırılan məlumatlarda isə bildirilir ki, İrşad Abbasov fərariliyə görə 3 il 6 ay müddətinə məhkumluq həyatı yaşayıb. Yəni, həqiqi hərbi xidmətə getmək üçün bu şəxsin yaşı çatsa da o, çağırış vaxtı qaçıb gizlənir. Belə bir səbəbdən də İrşad Abbasov axtarışa verilir və az sonra ələ keçirilərək həbs olunur. Başqa bir məlumatda o da bildirilir ki, İrşad Abbasov o qədər savadsız şəxs olur ki, o, Azərbaycanda heç cür ali təhsil almağı bacarmır. Belə bir səbəbdən də, bu şəxs uzun illər ərzində RF-nin və Belarusiyanın bazarlarında pomidor-xiyar alveri ilə məşğul olur. İllər keçdikdən sonra o, Özbəkstandakı ali təhsil müəssisələrinin birindən hansısa yolla diplom alır. Hazırda bu şəxsə məxsus diplomun saxta olması haqda, məhz bəzi çevrələrdə müəyyən söz-söhbətlər də dolaşmaqda davam edir. Təəssüf və təəccüb doğuran hal odur ki, Göyçay Dövlət İdarəetmə və Texnologiya Kollecinin direktoru İrşad Abbasovun qanunsuzluğa söykənən əməlləri ilə bağlı yazılan şikayətlər heç bir nəticə vermir. Bəlkə də buna əsas səbəb, bu şəxsin oğlu Orxan Abbasovun Təhsil Nazirliyində məsul vəzifədə çalışmasıdır. Söylənilənlərə görə, Orxan Abbasov bu gün də var gücü ilə atasının korrupsiya əməllərini ört-basdır etməklə məşğul olur.

İrşad Abbasovun fəaliyyətində korrupsiya və saxtakarlıq halları müşahidə olunduğundan, əslində o, Göyçay Dövlət İdarəetmə və Texnologiya Kollecinin direktoru vəzifəsindən uzaqlaşdırılmalı və onunla bağlı lazımi cəza tədbirləri də görülməlidir. Çünki, bu şəxsin fəaliyyəti Azərbaycan təhsili üçün, sanki bir “qara ləkə” hesab olunur.  Diqqət yetirək ki, İrşad Abbasov hər cür çirkin əməllərə qol qoyur, nüfuzlu media qurumlarında kollec direktorunun minbir fırıldaq əməllərindən bəhs olunur, bəzi “yarımcan” xəbər saytlarında isə, adı çəkilən bu şəxsin şəninə bol-bol təriflər yağdırılır. Bu cür addımlar da onu sübut edir ki, belə xəbər saytları yaşadığımız cəmiyyətin törtöküntüsü olmaqla bərabər, həm də geniş ictimaiyyətin heç cür həzm etmədiyi media qurumlarıdır. Yəqin ki, İrşad Abbasov şəninə tərif yağdıranlar ağ rəngi qara, qara rəngi ağ görürlər ki, belə bir yanaşma tərzinə sahibidirlər.Ona görə də, bu cür xəbər saytlarının (əgər bunlara xəbər saytları demək mümkündürsə) fəaliyyətləri geniş ictimaiyyət tərəfindən nifrətlə, qəzəblə qarşılanır.

Deməli, Azərbaycan Respublikasının Təhsil Naziri cənab Emin Əmrullayev, bu təhsil ocağında ciddi yoxlamaların aparılması üçün, tabeliyində olan şəxslərə lazımi tapşırıqlarını verməlidir. Yəqin ki, o halda İrşad Abbasovun idarəçiliyinə hüquqi müstəvidə hüquqi qiymət vermək mümkün olacaq. Yoxsa, ... Qarşı tərəfi də dinləyə bilərik.

Bizi izləyin. Mövzuya qayıdacağıq.

GundemXeber.Az