Bu günlərdə gundemxeber.az xəbər portalının redaksiyasına, 11 ay bundan əvvəl həbs olunmuş araşdırmaçı-jurnalist Sənan Həsənoğlunun həyat yoldaşı Nəzakət Seyidova tərəfindən, Azərbaycan Respublikasının Prezidenti İlham Əliyev cənablarının, Azərbaycan Respublikasının Birinci vitse-prezidenti Mehriban xanım Əliyevanın və KİV nümayəndələrinin ünvanına yazmış olduğu müraciətin bir surəti daxil olub. Nəzakət Seyidova yazır: “Həyat yoldaşım Sənan Həsənoğlu  (Abdullayev) 30 ilə yaxın müddət ərzində jurnalist fəailiyyəti ilə məşğul olub. O, bunun  20 ilini ölkəmizdə fəaliyyət göstərən  “SPACE”, “AZTV” və  “ATV” televiziyalarında, həmçinin Qarabağ bölgəsində bölgə muxbiri vəzifəsində də çalışıb. 2016-cı ilin “Aprel döyüşləri” zamanı Sənan Həsənoğlunun fəaliyyəti  hərbi komandanlıq tərəfindən fədakar jurnalist kimi qiymətləndirilib. O, ölkə rəhbəri Prezident İlham Əliyev cənablarının  cağırışı ilə, 2021-ci ilin əvvəllərində respublikamızda baş verən ictimai-siyasi  hadisələri  işiqlandırmaq məqsədilə “Xəbər kanalı” adlı internet televiziyası yaratdı və bu media qurumu geniş ictimaiyyət tərəfindən  tənqidi media resrusu olaraq da tanındı.  Həmin ilin avqust ayında isə o, Goranboy Rayon İcra Hakimiyyəti Aparatında çalışan bəzi vəzifə sahiblərinin sifarişi əsasında qeyri-qanuni olaraq həbs olundu. Artıq 11 ayadır ki, Sənan Həsənoğlu qanun pozuntuları ilə müşaiyət olunan formada üç  təcridxanada (1 saylı Kürdəxanı, 2 saylı Gəncə, 3 saylı Şüvəlan) saxlanılır. O, ağır ürək və şəkər xəstəsi  olsa da, məhz belə bir zülmə məhkum edilib. Bütün bunlar azmış kimi, indi də Gəncə Ağır Cinayətlər Məhkəməsində onun işinə ədalətli baxmırlar və süründürməçilik etməklə məhkəməni uzadırlar. 

 Azərbaycan Respublikasının Konstitusiyasında qeyd olunub ki, azadlıq hüququ hər kəsin dünyaya gəldiyi andan təbii  və ayrılmaz hüququdur. Sənan Həsənoğlu  da ölkəmizin qoşulduğu  beynəlxalq hüquqi aktlara əsasən, insan  hüquq və azadlıqlarına sahibdir. Ümumdünya insan hüquqları Bəyannaməsində 4-cü maddəsində göstərilir ki, heç kəs zorla həbs və ya dustaq edilə bilməz. Bütün bunlara baxmayaraq, həyat yoldaşım Sənan Həsənoğlu qanunsuz yolla həbs olunub və bununla da Azərbyacan Respublikası CPM-nin 146.1-ci, 145.2-ci və 145.3-cü maddələrinin tələbləri pozulub. Bundan əlavə, CPM-nin 74.4-cü maddəsinin  (cinayətin törədildiyi yerin müəyyən edilməsi mümkün olmadıqda) müddəlarına da riayət olunmayıb.

Bütün bunlar azmış kimi, həyat yoldaşıma dair başlanmış qondarma cinayyət işində istintaqı aparanlar nədənsə “zərərçəkən şikayətçilər”in Sənan Həsənoğlu ilə ədavətli şəxslər olmasına heç də diqqət yetirməyiblər. Bu isə birbaşa Azərbaycan Respublikasının CPM-nin 125.1 maddəsinin kobud şəkildə pozulması deməkdir. Çünki, həmin maddədə açıq-aydın şəkildə qeyd olunub ki, subuta  şübhə əmələ gəldikdə, həmin subutlardan  heç zaman istifadə oluna bilməz. Çünki, Sənan Həsənoğlundan və İlqar Ataybəydən  şikayyət edənlər, məhz  “Xəbər kanalı” da 27 dəfə tənqid olunublar. Onların qərəzli və ədavətli olmaları səbəbindən, ifadələri heç zaman əsaslı sübutlar siyahısında yer ala bilməz. Qeyd edim ki, dəfələrlə “Xəbər kanalı”nda tənqid olunan həmin şəxslər öz əməllərindən nəticə cıxarıb, daşıdıqları vəzifələrinə vicdanlı və məsuliyyətli yanaşmaq əvəzinə, nədənsə Sənan Həsənoğluna və İlqar Atabəyə qarşı düşmənçilik edib, hər iki jurnalisti həbs etdirdilər. Əfsuslar olsun ki, Prezident İlham Əliyev dəfələrlə məmurları vicdanlı olmağa dəvət edib. Ölkə rəhbərinin çağırışına baxmayaraq, bu gün də ölkəmizdə vicdansızlıq edən məmurlar var.

 Son olaraq Azərbaycan Respublikasının Prezidenti İlham Əliyev cənablarından və Azərbaycan Respublikasının Birinci vitse-prezidenti Mehriban xanım Əliyevadan yazıb onu xahiş edirəm ki, yuxarıda qeyd etdiyim halların varlığını, ələlxüsus Sənan Həsənoğlunun ağır ürək və şəkər xəstəsi olmasını, İlqar Atabəylinin isə himayəsində azyaşlı övladlarının olmasını nəzər alıb, hər iki jurnalistə qarşı baş verən qanun pozuntularına  son qoyulması üçün, aidiyyatı üzrə lazımi göstərişlərinizi verəsiniz və eyni zamanda onların işini şəxsi nəzarətinizə götürəsiniz”.

GundemXeber.Az