Rüblükdə yumuşaq və bərk invertarların yenilənməsinə dair sənədlər yazılsa da heç bir yenilənmə olmur, pullar talan edilir

Bu günlərdə Ucar rayon sakinləri tərəfindən “Gündəm Xəbər” qəzetinin e-mail poçtuna Rayon Mərkəzi Xəstəxanasının baş mühasibi Rafael Rəsulovun barəsində şikayət məktubu daxil olub. Qeyd edək ki, bir neçə dəfə xəstəxana ilə bağlantı yaradıb Rafael müəllim və direktor Bayramlı Zeynallının özlərindən mövqe öyrənmək cəhdimiz baş tutmadı. Qəzetimiz çapa hazır oluğu vaxt axşam saatlarına təsadüf etdiyindən müraciəti olduğu kimi təqdim edirik:

“Ucar rayon Mərkəzi Xəstəxanasının baş mühasibi Rafael Rəsulovun ali təhsili yoxdur. Bu adamın ali təhsili və diplomu olmadığı halda Ucar rayon Mərkəzi Xəstəxanası Hüquqi Publik Şəxsin direktoru Bayramlı Zeynal onu qanunsuz olaraq baş mühasib vəzifəsinə işə qəbul edilməsinə köməklik göstərib. Bu azmış kimi Rafael Rəsulovun həyat yoldaşı İlahə Rəsulovanı baş mühasibin köməkçisi vəzifəsinə işə qəbul ediblər. Uzun müddətdir ki, İlahə Rəsulova Ucar rayon Mərkəzi Xəstəxanasında adı işdə getsə də özü bir gündə olsun işə gəlməyib. Bunu subut etmək üçün xəstəxanadakı müşahidə kameralarını açıb baxmaq kifayət edər.

Baş mühasib Rafael Rəsulov direktor Zeynal Bayramlı ilə əlbir oub talançılıqla məşğul olurlar. Baş mühasib Rafael Rəsulov talançılq yolu ilə Ucar rayonunda 3 mənzil, Bakı və Gəncə əhərərində isə bir mənzil və 4 bahalı avtomobil alıb. Hansı zərurət yaranıb ki, ali təhsili olmayan Rusiyadan qanunsuz alınmış saxta diplomlu Rafael Rəsulovu böyük bir xəstəxanaya baş mühasib vəzifəsinə işə qəbul ediblər ? Elektrik enerjisi kəsiləndə xəstəxanada olan generatorların işə salınması üçün bir rübə 50-60 ton yanacaq yazılaraq pulu bu cütlük tərəfindən mənimsənilir.

Rüblükdə yumuşaq və bərk invertarların yenilənməsinə dair sənədlər yazılsa da heç bir yenilənmə olmur, pullar talan edilir.

Adı Ucar rayon xəstəxanasında işdə olub özləri bir gündə olsun işə gəlməyən çoxlu sayda işçilər var ki, onların maaş kartları bu korrupsioner cütlükdədir. Obyektiv araşdırlma aparılarsa bu subut olunacaq. Çünki, həmin işçilərin maaş kartlarından pulları baş mühasib Rafael Rəsulov çıxararaq direktor Zeynal Bayramlıya çatdırır. Bankomatda həmin maaş kartların kim tərəfindən istifadə edilməsinə dair çəklişlər var. Bu fakt obyektiv yoxlanılmalıdır. Həmin adamların Ucar xəstəxanasına işə gəlib gəlməmələrinin yoxlanılamsı üçün müşahidə kameralarına baxmaq kifayətdir.

Həmçinin xəstəxanada doğum şöbəsində uzun müddət işləyən mamaçalar pul verərək Təcili Tibbi Yardım bölməsinə işə keçiblər. Buna görə doğum şöbəsində təcrübəli tibb bacıları (mamaça) yoxdur. Bunu isə ona görə ediblər ki, Təcili Tibbi Yardım şöbəsində həm əmək haqqı yüksəkdir həm də bir gün iş iki gün istirahətdir. Doğum və ya digər şöbədən Təcili Tibbi Yardım Şöbəsinə işə keçmək üçün direktor Zeynal Bayramlıya 10.000  (on min) manat rüşvət verilməlidir. Bu qanunsuzluğa görə doğum şöbəsinin həkimləri çox əziyyət çəkirlər. Çünki mamaçalıq üçün ən azından 5 il işləyib təcrübə yığmalısan. Təcrübəli mamaçalar isə direktora 10.000 manat rüşvət verib şöbələrini dəyişiblər. Bunun subut edilməsi çox asandır. Sadəcə TƏBİB və Səhiyyə Nazirliyi obyektiv araşdərma aparmalıdır.

Ucar rayon Mərkəzi Xəstəxanası Hüquqi Publik Şəxsin direktoru Zeynal Bayramlı  vəzifəsindən sui-istifadə edərək fərqlənməyə görə premiyaları öz adamlarına yazır, qalanını isə mənimsəyir.

Xəstəxanada quraşdırılmış istilik sisteminin işə salınması üçün hər bir işçidən pul yığılsa da indiyə qədər istilik sistemi işə salınmayıb.

Pandemiya dövründə ayrılan küllü miqdarda pullar direktor tərəfindən mənimsənilmişdir.

 2005-ci il tarixdə ali məktəbi bitirib həmin ildən Ucar rayonu Qazıqumlaq kənd xəstəxnasına baş həkim vəzifəsinə təyin olunmuş, bundan iki il sonra,  2007-ci il tarixdə 90.000 əhalisi olan Ucar rayon Mərkəzi Xəstəxanasına baş həkim vəzifəsinə gətirilmiş Zeynal Bayramlının iş fəaliyyəti ancaq belə olmalıdır. Korrupsiya, özbaşınalıq, talançılıq və saxtakarlıq. Bu adam hansı yüksək göstəricilərə görə ali məktəbi bitirən kimi mühüm vəzifələrə təyin edilib ? 

Zeynal Bayramlı bu illər ərzində dövlətə küllü miqdarda ziyanlar vurmuşdur. Onun bu korrupsiya əməllərindən dövlət  ziyan, əhali və işçilər əziyyət çəkirlər. Ucar rayon sakinlərinin əksəriyyəti tibbi  müaynə və müalicə üçün qonşu rayon xəstəxanalarına üz tuturlar. Bunu subut etmək üçün Göyçay rayon Mərkəzi Xəstəxanasının qeydiyyat şöbəsindəki qeydlərə baxmaq kifayətdir.

Prezident cənab İlham Əliyevdən, Mehriban xanım Əliyevadan, Baş Prokuror cənab Kamran Əliyevdən, Korrupsiyaya Qarşı Mübarizə Baş İdarəsinin rəisi cənab Nazim Rəcəbovdan, İcbari Tibbi Sığorta üzrə Dövlət Agentliyinin sədri cənab Zaur Əliyevdən və İcbari Tibbi Sığorta üzrə Dövlət Agentliyinin direktoru cənab Vüqar Qurbanovdan xahiş edirik ki, sadalanan cinayət əməllərini tam, hərtərəfli və obyektiv araşdırıb ciddi və təcili  tədbirlər görəsiniz. 

Bir daha qeyd edirik ki, yazıda adıçəkilən şəxslərin mövqeyini dinləyib dərc etməyə hazırıq.

İmza,    Ucar rayon sakinləri: Abdullayev Emin Əlağa oğlu, Xəlilov İlham Tahir oğlu, Şirinov Namiq Zaman oğlu, Cavadov Fazil Fərhad oğlu, Umarov Şəmsəddin İslam oğlu.

“Gündəm Xəbər Qəzeti Redaksiyası”