Məlum olduğu kimi Rusiya Qafqazda mövqelərini bərkitmək üçün işğalçı erməniləri əsrlər boyu silahlandırıb və Azərbaycana qarşı Ermənistan faktorundan istifadə edib. Səbəb də odur ki, bir millət, iki dövlət olan böyük Türk xalqını zəiflədib öz məkirli niyyətini həyata keçirsin. Rusiya bilir ki, Azərbaycan xalqı seçim qarşısında qalanda Türkiyəni seçəcək. Rusiyanı yox. Ordumuz 44 gün müddətində azad etdiyi Qarabağdan ələ keçirilən hərbi silah-sursatın Rusiyaya məxsus olduğu hərkəsə tam aydın oldu. Əlbətdə ki, iyirmi faiz torpaqlarımızı otuz il işğal altında saxlanmasında Rusiyanın müstəsna rolu olub. Beləliklə, GundemXeber.Az-ın əməkdaşı sosial şəbəkələr üzərindən aprdığı araşdırmalardan məlum olub ki, AXCP sədri Əli Kərimli maraqlı bir məlumat paylaşıb. Həmin məlumatı çoxsaylı oxucularımızın diqqətinə çatdırırıq: "Rusiyanın bugünlərdə Ermənistana verdiyi Smerç yaylım atəşi sistemidir.

Rusiya yenidən Ermənistanı silahlandırmağa başlayıb. Ermənistana veriləcək 400 milyon dollarlıq silahın müəyyən hissəsi artıq bu ölkəyə çatdırılıb. Smerç yaylım atəşi sistemləri Rusiyanın istehsal etdiyi ən təhlükəli silahlardandır. Bu yaylım atəşi sistemlərinin  maksimum atış məsafəsi adi mərmilərlə 70, xüsusi mərmilərlə 120 km-ə qədərdir. 

Aydındır ki, Rusiyanın özünün hazırda belə silaha çox böyük ehtiyacı var. Ancaq görün  Ermənistanı silahlandırmaq marağı nə qədər güclü olub ki, bu silahları Ukrayna cəbhəsinə göndərməyib, Ermənistana satıblar. 

Hakimiyyət Rusiyanın bu anti-Azərbaycan addımına da susub. İndi isə təsəvvür edin ki, belə təhlükəli silahı hansısa Avropa dövləti, məsələn Almaniya  Ermənistana satsaydı, nələr olardı. Trol ordusu yəqin ki, artıq Berlini mühasirəyə almışdı.

Ancaq Rusiya belə addımları atdıqda qurbağa gölünə daş düşür, Azərbaycanın maraqlarını müdafiə etmək heç bir dövlət rəsmisinin "ağlına gəlmir".

GundemXeber.Az