Milli Mətbuat günü ərəfəsində tanınmış ictimai-siyasi xadim Zəlimxan Məmmədlinin yeni çapdan çıxmış "Qaranlıqdan aydınlığa" adlı kitabının təqdimat ilə bağlı geniş tədbir keçirildi. 

Tədbirdə ayrı-ayrı ali təhsil müəssisələrinin əməkdaşları, tanınmış simalar, elm xadimləri, jurnalistlər və s. iştirak edirdilər. 

Zəlimxan Məmmədlinin müəllifi olduğu bu kitab 220 səhifədən ibarət olmaqdan əlavə, həm də nəfis formada ərsəyə gətirilmişdir. Qeyd edək ki, "Qaranlıqdan aydınlığa" kitabında yaxın tariximizdə baş verən bir çox ictimai-siyasi proseslərdən, eyni zamanda “Borçalı” Cəmiyyətinin borçalıların problemləri ilə bağlı yaranmış bir təşkilat olmasından, illər keçdikcə bu cəmiyyətdə baş verən intriqalardan, “Borçalı” İctimai Birliyinin ətrafında baş verənlərdən, “Elat” bayramının keçirilməsindən və əhəmiyyətindən, tanınmış hüquqşünas İlqar Altayın Gürcüstanın sabiq prezidenti Georgi Marqvelaşviliyə ünvanladığı müraciətdən, “Elat” şəhidi Mikayıl Orucovla bağlı xatirələrdən və digər aktual məsələlərdən, problemlərdən bəhs olunur. 

Bir sözlə, "Qaranlıqdan aydınlığa" kitabı olduqca əhəmiyyətli və oxunaqlı olduğundan, bu kitabı oxumaqla istər Gürcüstanda yaşayan azərbaycanlılarla, istərsə də ölkəmizin müəyyən sahələrində baş verən bir çox olaylarla bağlı lazımi məlumatları əldə etmək mümkün olar. 

Ona görə də ümid edirik ki, geniş ictimai nüfuza malik olan Zəlimxan Məmmədlinin müəllifi olduğu "Qaranlıqdan aydınlığa" kitabı, hər zaman oxucular tərəfindən sevilə-sevilə oxunacaq və lazımi qiymətini də alacaq.

  Onu da qeyd etmək yerinə düşər ki, təqdimat tədbirinin "Xudafərin" şadlıq sarayında keçirilməsi, sanki tədbir iştirakçılarına yeni bir ruh bəxş etdi. 

Söz yox ki, həmin tədbirin təşkil olunmasında şadlıq sarayının sahibi Səyavuş müəllimin xüsusi rolu olduğundan, ilk növbədə bu şəxsə və bu işdə zəhməti olan hər kəsə minnətdar olduğumuzu bildiririk. gundemxeber.az-ın redaksiyası olaraq kitabın müəllifi Zəlimxan Məmmədliyə isə, yeni-yeni  yaradıcılıq uğurları arzu edirik.

Zəlimxan bəy, uğurlar!

GUNDEMXEBER.AZ