Görüşlə bağlı Milli Məclis üzvülüyünə namizəd Şəhriyar Məcidzadə öz Facebook səhifəsində paylaşım edib. Məcidzadə qeyd edib ki, "Çoxları bilmir, amma Tərtərdə yəhudilər də yaşayır. Uzun illər hamımız birlikdə Azərbaycanın suverenliyi uğrunda fədakarlıqlaredib, çətinliklərin öhdəsindən birlikdə gəlmişik. Tərtər multietnik və multilinqvistik bir bölgədir. Burada kürdlər, tatlar, malakanlar, yəhudilər, türklər yaşayır. Azərbaycan bütün xalqlara vətən olan ölkədir. Bu, Azərbaycan xalqının ən böyük nailiyyətlərindən biridir. Elə buradan yola çıxaraq Azərbaycan hökuməti multikulturalizmi rəsmi siyasi xətti elan edib. Yəhudilər dünyanın bir çox ölkələrində təqibə, qətliamlara, insanlıq əleyhinə cinayətlərə məruz qalıblar. Qədim Misirdə köləliyə məcbur ediliblər, Afrikada qətlə yetiriliblər, Rusiyada təqib və qətllərə məruz qalıblar, dünyanın fərqli ölkələrində gettolara salınıblar, təkcə nasist rejimi dövründə altı milyondan çox yəhudi qətlə yetirilib. Amma xalqımız dinindən, milliyyətindən, irqindən asılı olmayaraq, insanla insan arasında heç bir fərq qoymayıb. Azərbaycan bu coğrafiyada mövcud olan bütün dilləri, bütün dinləri və bütün xalqları sənət əsəri kimi özündə birləşdirib. Azərbaycan dövləti də bu ənənəni qanunlara və siyasi xəttinə çevirib.

Hakim partiyanın namizədi olan şəxs bunu nəzərə almamalı idimi? Bu şəxs Azərbaycanınecə təmsil edəcək? Azərbaycan xalqının tolerantlığını, parlamentar mədəniyyəti necə göstərib və ya necə göstərəcək? Həvəskardır...

Dəfələrlə demişəm ki, Tərtərin, Ağdərənin, Goranboyun etnoqrafiyasını bilmədən buradan deputat seçilmək istəyi uğursuz addımdır. 

Bu ailənin qonağı olmaqdan çox şad oldum. Taleh həqiqi vətənpərvərdir, Azərbaycanıçox sevir. Övladlarını da bu ruhda böyüdür. Bu ailə həm də 2016-cı ildə tərcümə edib, nəşr etdiyimiz Teodor Hertslin “Yəhudi dövləti” kitabının oxucusudur.Bu da məni ayrıca sevindirdi.

Yolumuz maarifçilik yoludur! Yolumuz mədəniyyət yoludur!"

GundemXeber.Az