Ucar şəhəri, 20 Yanvar küçəsi, döngə 6, ev 5 sakini Hacıyev Çodar Hafiz oğlu tərəfindən gundemxeber.az-ın redaksiyasına müraciət daxil olmuşdur. Çodar Hacıyev yazmış olduğu müraciətində qeyd edir ki, "mənim oğlum Hacıyev Samir Çodar oğlu 2022-ci ilin may ayında Ucar şəhəri, H.Əliyev küçəsində yerləşən “Medalyon” mağazasını işlətmişdir. Mağazanın əsas ərzaq məhsulları “Veysəloğlu” MMC tərəfindən təhvil verilmişdir.

    Lakin 2024-cü ilin noyabr ayında mağazanın fəaliyyəti dayandırıldıqdan sonra, satılmayan ərzaq məhsullarının geri qaytarılması üçün “Veysəloğlu” şirkətinə dəfələrlə müraciət etmişik. Şirkət nümayəndələri dəfələrlə “sayılıb götürüləcək” demələrinə baxmayaraq, indiyə qədər məhsullar geri alınmamışdır. Hazırda təqribən 4000 (dörd min) manat dəyərində ərzaq məhsulları evimizdə saxlanılır.

    Halbuki, oğlumla “Veysəloğlu” şirkəti arasında olan razılaşmaya əsasən, satılmayan məhsulların şirkət tərəfindən geri qaytarılması öhdəliyi mövcuddur. Oğlum həmin məhsulları almaq üçün bankdan kredit götürmüşdür. Məhsulların geri alınmaması ailəmizi ağır maliyyə vəziyyətinə salmışdır.

    Mən ata olaraq dəfələrlə müxtəlif qurumlara, o cümlədən Azərbaycan Respublikasının Kiçik və Orta Biznesin İnkişafı Agentliyinə müraciət etmişəm. Agentlik şikayətimizi “Veysəloğlu” şirkətinə göndərmişdir, lakin heç bir tədbir görülməmişdir.

  “Veysəloğlu” şirkətinin rəhbəri Aydın Talıbova mətbuat vasitəsi ilə müraciət etmək istəyirəm ki, bir ailənin acınacaqlı vəziyyətə düşməsinin qarşısını alıb bu işə köməklik göstərsin. Belə laqeyidlik və hərc-mərçliklə pul qazanmaq olmaz."

GundemXeber.Az