Nazir özəl qurumlara pulla direktor təyin edir

Ötən sayda qeyd etdiyimiz kimi, Dünya Bankının Respublikamızda yoxsulluq səviyyəsinin aşağı salmaq məqsədilə kənd təsəsrrüfatı sahəsinin kreditləşməsi üçün ayırdığı pul vəsaitinin (18 mln ABŞ dolları) paylanılması özəl qurum olan "İcraçı Kredit Agentliyi" Bank Olmayan Kredit Təşkilatına (İKA) həvalə olunmuşdur. Kənd təsərrüfatı sahəsini əhatə etdiyinə görə İsmət Abbasov bu özəl qurumun fəaliyyətinə müdaxilə edərək Arif Əliyevi İKA-nın baş direktoru vəzifəsinə təyin edərkən ondan 40 000 manat pul vəsaiti almışdır. Qeyd etmək istərdim ki, bu məlumatı Arif Əliyev öz dili ilə bəzi kredit ittifaqlarının sədrlərinə söyləmişdir.
Nəzərinizə çatdıraq ki, Arif Əliyev Kənd Təsərrüfatı Nazirliyində mühasib vəzifəsində çalışırdı və onun bacısı oğlu Məmməd Hüseynov isə İKA-da kredit mütəxəssisi vəzifəsində çalışırdı. Məmməd Hüseynovun əmisinə təşkilatdan hansı yollarla pul çıxarılması haqqında verdiyi göstəriş əsasında Arif Əliyev Nazirə 40 000 manatdan savayı aylıq müəyyən miqdarda pul vəsaitini verə biləcəyini söz verərək direktor vəzifəsinə təyin olunmuşdur və hal-hazırda da təşkilatdan külli miqdarda pul vəsaitlərini müxtəlif adlarla silib Nazir və Kənd Təsərrüfatının Kreditləşməsi üzrə Dövlət Agentliyinin(KTKDA) işçiləri arasında bölüşdürür. Hətta KTKDA-nın rəhbəri vəzifəsində bir müddət bundan əvvəl çalışan Razim Vəliyev də bu pullardan bəhrələnmişdir. Nəzərinizə çatdırmaq istərdim ki, İKA-nın baş direktoru Arif Əliyev işində yol verdiyi korrupsiya hallarına görə İKA-nın təsisçisi olan “Azərbaycan Kredit İttifaqları Assosiasiyası” İctimai Birliyinin (AKİA) keçmiş rəhbəri tərəfindən 2010-cu ildə işdən azad edilmişdir. Lakin Arif Əliyev Nazirə güvənərək işdən uzaqlaşmamışdır.
Razim Vəliyev qeyri-hökumət təşkilatının daxili fəaliyyətinə müdaxilə edərək kredit ittifaqlarının Ümumi Yığıncağını təşkil etmiş və AKİA-nın sədrinin işdən azad olunmasına nail olmuşdur. Razim Vəliyev vəzifəsindən sui-istifadə edərək Nazirin göstərişi ilə Ümumi Yığıncağa kredit ittifaqlarının rəhbərlərini çağırarkən onlara Arif Əliyev vasitəsilə çoxlu miqdarda kredit vəsaiti ayrılacağını vəd etmişdir. Lakin onların dediklərini etmədikləri təqdirdə isə Kİ rəhbərlərinin kreditləri təyinatı üzrə istifadə etmədikləri üçün onları tutdura biləcəyi ilə hədələmişdir. Bütün bunlar vasitəsilə onlar istədiklərinə nail olmuş və bu cinayətlərdə onlarla əlbir olan “Aşıxlı” Kredit İttifaqının sədri Ayaz Quliyev “AKİA”nın sədri təyin olunmuş və Arif Əliyev yenidən İKA-ya direktor təyin olunmuşdur. Nazir öz adamları vasitəsilə özəl qurumun büdcəsində olan vəsaiti rahatlıqla təşkilatdan çıxara bilir. Hətta İKA-nın işçisi olan Fəqanın Kİ-lərə verdiyi məlumat əsasında İsmət Abbasov İKA-nın gəlirləri hesabına otağına mebel və Jeep avtomobili də almışdır. Təşkilatdan eyni zamanda avtomobil təmiri adıyla külli miqdarda pullar İKA-da vaxtıyla İnzibati işlər üzrə menecer vəzifəsində çalışan Vəkil Əliyevin vasiləsilə silinmişdir. İKA-da çalışan sürücülərin dediklərinə əsasən hər ay köhnə avtomobilin bərpasına külli miqdarda pul xərclənir. Eyni zamanda İKA-ya monitorinq menecerləri vəzifəsində çalışan işçilər tərəfindən də pullar gətirilir. Bildiyiniz kimi, Arif Əliyev kredit ittifaqlarına veriləsi kreditlərin müəyyən qismini “şapka” şəkilində onlardan tələb edərək İsmət Abbasova çatdırdığı üçün Kİ-lərin fəaliyyəti bərbad vəziyyətə düşmüşdür və İKA-ya kreditləri ödəyə bilmirlər. Onu da qeyd etmək istərdim ki, Kİ rəhbərləri şapka şəkilində verdiyi pulları örtmək üçün pul vəsaitlərini öz üzvlərinə paylamamış, təyinatı üzrə xərcləməmişlər və daha çox gəlir əldə etmək üçün öz şəxsi bizneslərinə yatırım etmişlər. Bütün bunlardan Arif Əliyevin xəbəri vardır.
İKA-nın monitorinq və risk üzrə mütəxəssisləri Rüfət, İlham, Samir tərəfindən İKA-dan verilən kreditlərin monitorinqini aparan zaman Kİ-ləri qane edən məlumatların yazılması üçün onlardan müəyyən miqdarda pullar mənimsənilir və Arif Əliyevə çatdırılır. Təşkilatda müxtəlif yollarla əldə olunan pullar haqqında məlumatlar isə İKA-da insan resursları üzrə menecer vəzifəsində çalışan Fatma Abbasova vasitəsilə detallıqla Nazirliyə xəbər çatdırılır. Fatma Abbasovanın soyadının Nazirimizlə eyni olmasının təsadüfi olmadığını deyənlərdə vardır. Mən İKA-da çalışdığım müddətdə şahid olmuşdum ki, Fatma Abbasova özünü İKA-nın işçilərinin “Mamıçkası” adlandırırdı, hətta onun sözündə çıxan işçilərin, mənim də işdən uzaqlaşmağıma səbəb olmuşdur. Hətta bəzi işçilərin əmək kitabçalırını da korlamışdır. Yalnız Zaur Qurbanlı öz hüquqlarını məhkəmə yoluyla qoruya bilmiş, özünü işə yenidən bərpa edə bilmişdir. Digərləri isə öz hüquqlarını qoruya bilmədikləri üçün Fatma Abbasovanın qurbanına çevrilmişlər. Arif Əliyev müxtəlif cinayət yolları ilə pullar əldə edir və dediyi kimi 7-ci mərtəbəyə- Nazirə çatdırır. İKA-nın keçmiş işçisi kimi bütün bunların həqiqət olduğunu deyirəm. Qeyd etmək istərdim ki, İKA-nın digər işçiləri öz işlərini itirməkdən qorxduqları üçün müəyyən təzyiqlərlə Arif Əliyevin cinayət tərkibli işlərinə yardım göstərirlər!!!

Elçin Əmirov