Neft Fondunun SOCAR-ın layihələrini maliyyələşdirməyə vəsaiti çatmaya bilər

Fitch gözləyir ki, 2013-2015-ci illərdə ARDNŞ-nin kapital qoyuluşu $5,8 mlrd ola bilər. Bu barədə Fitch agentliyi məlumat verir. "Şirkət kapital qoyuluşunun azalması üzrə yüksək olmayan çevikliyə malikdir, çünki vəsaitlərin çoxu hasilatın azalmasının qarşısını azaltmağa, PSA sazişlər üzrə öhdəliklərin icrasına və investisiya layihələrinin başa çatdırılmasına yönəldilib. Buraya gücü ildə 10 mln ton olan STAR neft emalı zavodu da daxildir", - deyə məlumatda bildirilir.
Ekspertlər hesab edir ki, aqressiv investisiya siyasəti və kredit qabiliyyətini azalda biləcək işlər ARDNŞ reytinqi üçün mənfi ola bilər. 31 dekabr 2012-ci il üçün ARDNŞ-nin 1 263 mln manat pul vəsaiti olub. Bu isə 1 895 mln manat həcmində borcu ödəmək üçün yetərli olmayıb. ARDNŞ-nin vəsaitlərinin çoxu, qısamüddətli depozitlər daxil, ABB-dədir ("BB"/proqnoz "sabit").
Fitch qeyd edir ki, qısamüddətli borclar 2012-ci il üçün bütün borcun 40%-i qədər olub. 2013-cü ilin martında ARDNŞ 1 mlrd dolları 4,75% gəlirliliklə 2023-cü ilə ödənilməklə yerləşdirib. Şirkətin borcunun 78%-i 31 dekabr 2012-ci il üçün ABŞ dolları ilə nominasiya olunub. O cümlədən $500 mln 2017-ci ildə ödənilməlidir. ARDNŞ-nin borcunun 60%-nin dəyişən dərəcəsi olub.
Neft Fondunun ARDNŞ-nin layihələrini maliyyələşdirməyə vəsaiti çatmaya bilər, deyə Fitch ekspertləri düşünür. Onların fikrincə, ARDNŞ-nin bu cür inkişafı üçün əlavə borclar lazım gələ bilər. Qeyd edək ki, 2013-cü ildən ARDNF ARDNŞ-nin 4 layihəsini maliyyələşdirir: TANAP qaz kəməri; Türkiyədə NEZ tikintisi; Bakıda neft emalı və neft-kimya kompleksi; Bakıda 4 üzən qazma qurğusunun tikintisi. Fitch gözləyir ki, ARDNF-nin aktivləri 2012-ci ildə pikə çatıb - 34,1 mlrd dollar və 2014-cü ildə büdcəyə transfertlərin böyük həcmi qalsa, azalacaq.

“Turan”