Füzuli rayon icra hakimiyyəti rayonda görülən işlərlə bağlı elektron poçtumuza məlumat göndərib. Məlumatda rayonda aparılan abadlıq quruculuq işlərindən bəhs olunur.

Bildirilir ki, 2012-ci il dekabrın 15-də dördüncü dəfə Füzuli rayonunda olan dövlət başçısı son bir il yarım ərzində Horadiz şəhərində və ərazidə tikilmiş 10 yeni obyektin - Heydər Əliyev parkının, Heydər Əliyev Mərkəzinin, Yeni Azərbaycan Partiyası rayon təşkilatı üçün inzibati binanın, Gənclər Mərkəzinin, rayon Mədəniyyət Sarayının, Şahmat Məktəbinin, 240 şagird yerlik Horadiz şəhər 3 saylı tam orta məktəbin, Əhmədbəyli kəndi ərazisində tikilmiş 5 min tonluq soyuducu anbarın, 25 meqvatt gücü olan Füzuli Su Elektrik Stansiyasının açılışında iştirak etdi və görülmüş işləri yüksək qiymətləndirdi.
Respublika Prezidentinin 17 dekabr 2012 - ci il tarixli sərəncamı ilə Füzuli rayonunun sosial iqtisadi inkişafının sürətləndirilməsi məqsədilə 2 milyon manat vəsait ayrılmışdır. Həmin vəsaitlə Horadiz şəhərində, rayonun kənd və qəsəbələrində abadlıq, quruculuq işləri davam etdirilir. Dövlət Bayrağı Meydanı, Milli Qəhrəmanların Xatirə-Abidə Kompleksi, Tarix-Diyarşünaslıq Muzeyi, Mərkəzi Kitabxana üçün bina şübhəsiz ki, HOradiz şəhərinin gözəlliyini daha da artıracaq. Yaxın günlərdə isə 140 çarpayılıq Mərkəzi Xəstəxananın binası, 320 şagird yerlik gimnaziyanın, Qazaxlar, Mollaməhərrəmli, Araz-Zərgar kəndlərində orta məktəb binalarının tikintisinə başlanılacaqdır. Dövlət proqramına uyğun olaraq Horadizdə yeni Aqroservis filialı tikilmiş və 70 nəfər burada işlə təmin olumuşdur. Rayonu 39 yaşayış məntəqəsindən 19-na qaz çəkilişi başa çatıb. Hazırda Horadız şəhəri, Arayatılı, Babı, Mollaməhərrəmli, Şükürbəyli, Kərimbəyli, Böyük Bəhmənli, Bala Bəhmənli, Əhmədbəyli, Mahmudlu 2, Qarabağ, Alıxanlı, Əhmədalılar, Qazaxlar, Yuxarı və Aşağı Kürdmahmudlu kəndlərinin sakinləri təbii qazdan istifadə edirlər. Zobucuq və Qayıdış qəsəbələrinə isə qaz çəkilişi davam edir. Bu ilin soninadək bütün rayon ərazisi mavi yanacaqla təmin olunması planlaşdırılıb. Füzulidə suvarma suyu və içməli su uzun müddət narahatlıq doğururdu. Bu sahədə də əsaslı işlər həyata keçirilib. Azərsu ASC tərəfindən Horadiz şəhərində, Araz-Dilağarda, Aşağı Yağlıvənd kəndlərində içməli su məqsədilə 10 artezian quyusu lardavurulub, 8 yaşayış məntəqəsində isə suvarma üçün 20 artezian quyusu istifadəyə verilib. Yaxın vaxtlarda dövlət investisiya qoyuluşu hesabına daha 26 yerdə içməli və suvarma suyu məqsədilə artezian quyuları qazılacaqdır. Füzulidən olan məcburi köçkünlərə dövlətin qayğısı sayəsində hər il 40 milyon manata qədər təmənnasız yardım göstərilir və butün bu vəsaitlər gecikdirilmədən məcburi köçkünlərə paylanılr. Məcburi köçkünlər dövlətin qayğısı sayəsində bütün imtiyazlardan istifadə edir. Pensiyaçılar və sosial müavinət alan şəxslər vaxtı vaxtında pensiya və müavinətlərini əldə edir.