2016-cı ildə Azərbaycanda 3% resessiya gözləyirik, deyə Dünya Bankının Avropa və Mərkəzi Asiya üzrə baş iqtisadçısı Hans Timmer Buxarestdən videokonfransda bildirib.
“Gündəm Xəbər” Turan-a istinadən bildirir ki, DB sonrakı iki ildə 3% iqtisadi artım gözləyir.
«Buna görə 3 ildə Azərbaycan iqtisadiyyatında artım sıfır olacaq”, deyə o bildirib.
Hans Timmer bəyan edib ki, bu il Azərbaycanda 2 rəqəmli inflyasiya olacaq, sonrakı iki ildə stabilləşmə baş verəcək.
«İndi qiymətlərin balanslaşması gedir və inflyasiya idxal qiymətinin kəskin artımı ilə bağlıdır», deyə o bildirib.
Timmer deyib ki, Azərbaycanda maliyyə sektorunda sabitlik yaradılmalıdır.
«Neftin ucuzlaşması bank sektoruna da mənfi təsir etdi. Banklar yenidən strukturlaşdırılmalıdır. Problemli kreditlər artıb. Orta və uzun müddət üçün tədbirlər görülməlidir», deyə o bildirib.