Gundemxeber.az » İqtisadiyyat » SOCAR: “Dənizdə çalışan 82 əməkdaşımız təxliyyə olunub”
SOCAR: “Dənizdə çalışan 82 əməkdaşımız təxliyyə olunub”
Hava şəraitinin kəskin dəyişməsi ilə bağlı bütün açıq istehsalat sahələrində, xüsusən də dəniz özüllərində aparılan işlər məhdudlaşdırılıb və təhlükəsizlik tədbirləri gücləndirilib.
Bunu Azərbaycan Dövlət Neft Şirkətinin (SOCAR) İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov bildirib.
Onun sözlərinə görə, dənizdə çalışan 82 əməkdaşımız təxliyyə olunub: "Hava şəraiti normallaşandan sonra normal əmək fəaliyyətinə qayıdacaqlar”.
Xatırladaq ki, bu gün Bakıda və Abşeron yarımadasında havanın arabir yağıntılı olacağı, sulu qar, qar yağacağı gözlənilir. Güclü şimal-qərb küləyi günün ikinci yarısında mülayimləşəcək, axşam cənub-qərb küləyi ilə əvəz olunacaq.
Havanın temperaturu gecə və gündüz 1-3° isti, Bakıda gecə və gündüz 1-3° isti olacaq. Atmosfer təzyiqi 758 mm civə sütunundan 761 mm civə sütununa yüksələcək. Nisbi rütubət 80-90 % olacaq.
Azərbaycanın rayonlarında havanın arabir yağıntılı olacağı, sulu qar, qar yağacağı gözlənilir. Ayrı-ayrı yerlərdə intensiv və güclü olacağı ehtimalı var. Axşama doğru tədricən kəsiləcək. Gecə və səhər saatlarında duman olacaq. Güclü qərb küləyi əsəcək.
Havanın temperaturu gecə 3° şaxtadan 2°-dək isti, gündüz 3-8° isti, dağlarda gecə 4-9° şaxta, gündüz 0-4° şaxta, yüksək dağlıq ərazilərdə gecə 9-14° şaxta, gündüz 0-5° şaxta olacaq.
Gundemxeber.Az
Oxşar yazılar :
-
-
Sabaha olan HAVA PROQNOZU ...
23-12-2014, 00:17
-
Bakıda sulu qar yağacaq, temperatur 0 dərəcəyə ...
23-01-2020, 16:37
-
Hava şəraiti dəyişəcək - XƏBƏRDARLIQ ...
17-02-2016, 14:54
-
Hava şəraiti kəskin dəyişir - Diqqət! ...
5-02-2016, 15:41
-
Hava praqnozu - 8 fevral 2015 ...
8-02-2015, 01:35
Sorğu
Yay istirahətini harada keçirmək niyyətindəsiniz?