Argentinanın İqtisadiyyat naziri Serxio Masa argentinalı jurnalistlərə deyib ki, Argentina-Braziliya birgə valyutasının yaradılması üzərində iş bu həftə başlayacaq.

"Ümumi valyuta yaratmaq üçün lazım olan parametrləri araşdırmağa başlamaq qərarı var, bu, vergi məsələlərindən tutmuş iqtisadiyyatların ölçüsünə və mərkəzi bankların roluna qədər hər şeyə aiddir" dedi Masa.

"Məqsəd regional ticarətin inkişafına təkan vermək və ABŞ dollarından asılılığı azaltmaqdır", - nazir əlavə edib
"Biz kommersiya inteqrasiyası mexanizmlərini öyrənməliyik. Mən yalan gözləntilər irəli sürmək fikrində deyiləm, çünki bu, Latın Amerikasının keçməli olduğu uzun səyahətin yalnız ilk addımıdır", - Masa vurğulayıb.

Lakin Argentina və Braziliyanın təşəbbüsü ilə həyata keçirilən layihə təkcə bu iki ölkə ilə məhdudlaşmır. Gələcəkdə regionun digər ölkələri də bu təşəbbüsə qoşula bilər.
Bu yaxınlarda Argentina və Braziliya prezidentləri Alberto Fernandes və Luis İnasio Lula da Silva arasında keçirilən görüşdə iki ölkə üçün ortaq valyuta yaradılması ideyası səsləndirilib.

Gundemxeber.az