Gundemxeber.az » İqtisadiyyat » Nağdlaşdırmaya limit qoyuldu - Plastik kartlarla xaricə gedənlərin nəzərinə
Nağdlaşdırmaya limit qoyuldu - Plastik kartlarla xaricə gedənlərin nəzərinə
"Plastik kartlarla xaricə gedənlərin artıq yeni dəyişikliklərə diqqət etməsi lazımdır”.
Bunu Milli Məclisin deputatı Vüqar Bayramov bildirib.
Millət vəkilinin sözlərinə görə, buna səbəb Mərkəzi Bankın "Azərbaycan Respublikasının rezidentlərinin xarici valyutada, habelə qeyri-rezidentlərin milli və xarici valyutada əməliyyatlarının aparılması Qaydaları”na dəyişiklik etməsidir:
"Dünəndən qüvvəyə minmiş yeni qaydalara əsasən, Azərbaycanda emissiya olunmuş ödəniş kartları vasitəsilə rezident fiziki şəxslər tərəfindən ölkə hüdudlarından kənarda təqvim ayı ərzində 10 min dollar ekvivalentinədək məbləğdə pul vəsaitinin nağdlaşdırılması mümkün olacaq.
Yəni, Azərbaycan bankından alınmış kart sahibi xaricdə olan zaman ay ərzində 10 min dollardan artıq məbləği nağdlaşdırdıra bilməz. Bu ölkə hüdudlardan kənarda kartlardan vəsaitin nağdlaşdırması ilə bağlı aylıq limitlərin tətbiqi anlamına gəlir. O baxımdan, xarici səfərlər zamanı nağd pula ehtiyacı olan vətəndaşlarımızın bu limiti öncədən nəzərə alması vacibdir”.
"Digər dəyişikliyə əsasən, fiziki şəxslərin şəxsi məqsədlər üçün ölkə xaricinə köçürdükləri məbləğlər üzrə gündəlik limitlər ləğv edilərək aylıq hədlər ilə əvəzlənib. Bu hallarda 20 min dollaradək ödəniş həyata keçirmək mümkün olacaq. Eyni zamanda, bu xərc vətəndaşların təkcə özünün deyil, digər şəxslərin də xaricə səfərləri ilə bağlı nəqliyyat və otel (gecələmə) xərclərini ödəmək imkanı kimi də nəzərdə tutulub”, - deyə iqtisadçı-ekspert əlavə edib.
Gundemxeber.az
Oxşar yazılar :
-
-
Rezident və qeyri-rezident şəxslər 20 min ...
15-10-2018, 16:48
-
Azərbaycandan 50 min dollardan artıq valyuta ...
17-03-2016, 21:02
-
Dollar kreditlərinə görə kompensasiya belə ...
3-04-2019, 13:39
-
Azərbaycana milli valyutada xarici borc təklif ...
13-06-2017, 12:47
-
Rusiya Federasiyası Mərkəzi Bankı xaricə valyuta ...
31-03-2023, 21:21
Sorğu
Hansı Antivirusdan istiafdə edirsiniz?