ƏMDK-nin özəlləşdirmə haqda məlumatları həqiqətə uyğun deyil

gundemxeber.az Əmlak Məsələləri Dövlət Komitəsi 1996-cı ildən başlayan özəlləşmənin nəticələrini elan edib. Hesabata əsasən, 1,2 mln vətəndaş özəlləşmənin bəhrəsini görüb. Müstəqil ekspertlərin fikrincə, ƏMDK 16 illik özəlləşmənin nəticələrini bir neçə dəfə şişirdib.
ƏMDK dövlət əmlakının özəlləşdirilməsinin təşkili şöbəsinin rəisi Sadiq Məmmədov «Daşınmaz əmlak» jurnalına müsahibəsində bildirib ki, özəlləşdirilən müəssisələrin səhmlərini 250 mindən çox vətəndaş alıb. Daha 520 min nəfər kiçik müəssisələrdə pay əldə edib. 300 min nəfər bu müəssisələrdə işə düzəlib. İqtisadi Tədqiqatlar Mərkəzinin sədri Qubad İbadoğlu Turan-a bildirib ki, bu statistika həqiqətə uyğun deyil. “1997-1998-ci illərdə “böyük özəlləşmənin” aktiv fazasında 70 min nəfər səhmdar olub. Sonradan bu proses zəifləyib». Bütün özəlləşdirilən SC-lərin reyestrini aparan Milli Depozit Mərkəsinin məlumatına görə, mərkəzdə 100 min səhmdarın depo-hesabı var. Hərraclar göstərir ki, kiçik müəssisələr əsasən bir nəfərə satılır. 2012-ci ilin əvvəli üçün Azərbaycanda 1600 SC-nin, 42 min kiçik müəssisə və obyektin səhm paketi satılıb.
“İqtisadiyyat şöbəsi”