Komitə sədri bütün ölkə boyu balıqçı-sahibkarları əzmək qərarı verib

Dövlət Əmlak Məsələləri üzrə Komitənin sədri Kərəm Həsənov uzun illərdir ki, ölkənin əmlakının talan edilməsi ilə bağlı olaraq adı hallanır. Kərəm Həsənovun qardaşı millət vəkili Malik Həsənov bir neçə dəfə mediada çıxışldar edərək qardaşını müdaifə etməyə də çalışıb. Lakin çox maraqlıdır ki, komitə sədri hər dəfə hansısa iri oliqarx məmurun manapoliyasında olan biznes şəbəkəsinə müdaxilə etdiyinə görə cəzalandırılıb və geri çəkilib. 2005-ci ildə iqtisadi inkişaf naziri Fərhad Əliyevin tutduğu vəzifədən çıxarılmasından sonra Kərəm Həsənovla bağlı mediada çox ilginc məlumatlar yayılmağa başladı.
Bu məlumatların yayılmasından sonra isə məlum oldu ki, əslində Əliyev qardaşlarının həbs edilməsi ilə bağlı olaraq Kərəm Həsənovun da rolu olub. 2005-ci ildə məhz həmkəndlisi Fərhad Əliyevin himayəsində işləyən Həsənov cəmi bir neçə aydan sonra yüksəlməyə başladı. Bundan sonra isə mediada iddialar dolaşmağa başladı ki, komitə sədri əslində keçmiş məhbus-nazir Fərhad Əliyevin bütünəmlaklarının siyahısını müvafiq dövlət qurumlarına təqdim edib. Bundan sonra isə ortaya kifayət qədər ilginc bilgilər çıxmağa başladı. Və məlum oldu ki, əslində bütün bu baş verənlər komitə sədrinin mühim iddiaları ilə bağlı olub. Bu iddialarından sonra isə Həsənov iqtisadi sektorda oliqarxa çevrilmək sevdasına düşdü. İlk olaraq Həsənov tikinti sektoruna daxil oldu. Lakin qısa bir zamanda onun barəsində yayılan informasiyalar sözün bütün mənalarında ilginc idi. Məlum oldu ki, əslində K.Həsənov Azərbaycan daxilindəki biznesini hansısa xarici ölkəyə daşımaqla bağlı olaraq cəhdlər edib. Hətta ölkə boyu iri obyektlərin hərraca çıxarılması ilə bağlı ortaya müdhiş faktlar çıxdıqdan sonra isə bütün hallarda bununla bağlı olaraq kifayət qədər araşdırmalar aparıldı. Məlum oldu ki, əslində bununla bağlı olaraq ortada olan faktlar da kifayət qədər mühüm əhəmiyyət kəsb edirdi.
Kərəm Həsənov artıq 2012-ci ilin əvvəllərindən etibarən ölkədəki iri biznesini kənara çıxarmağa çalışmağa başladı. Məlum oldu ki, bu cəhdləri ilə bağlı olaraq komitə sədri ağır vəziyyətə düşdükdən sonra isə bununla bağlı olaraq ilkin olaraq ortaya kifayət qədər mühüm olan məlumatlar daxil olmağa başladı. Məlum oldu ki, Kərəm Həsənovla bağlı olaraq ən yüksək dairələrdən, tikinti sektorundan çıxmaqla bağlı olaraq göstəriş verilib. Bundan sonra isə Kərəm Həsənov fərqli bir istiqamətdə fəaliyyət göstərməyə başlayıb.
Bundan sonra isə iri metallurgiya obyektlərini hərrac vasitəsilə talan edən Kərəm Həsənov armatur istehsalına, xüsusilə də ağır metal sənayesinə baş vurmağa çalışdı. Lakin bu sektorda da çox ağır zərbə alaraq geri çəkilmək zorunda qaldı. Bundan sonra isə komitə sədrinin və qardaşının şirkətlərinin ofşor zonalardakı hesablarına dair mətbuatda informasiyalar yayılmağa başladı və məlum oldu ki, əslində bununla bağlı olaraq ortaya kifyaət qədər mühim faktlar çıxıb.
Dünən isə redaksiyamıza Kərəm Həsənovla bağlı olaraq mühüm məlumatlar daxil oldu. Bu məlumatlarda Kərəm Həsənovun balıqçılıq biznesinə girdiyi və bu sahədə inhisar yaratmaq istəməsinə dair bilgilər yer alırdı. Xəbərlərdən belə aydın olurdu ki, əslində bununla bağlı olaraq ortada kifayət qədər mühüm məqamlar var. Daxil olan məlumatlara əsasən, Azərbaycanda balıqçılıq sahəsində sahibkarları şantaj etmək, onların əmlaklarını mənimsəmək adi hala çevrilib. Artıq Azərbaycanda balıqçılıqla məşğul olan əksər sahibkarlar məcburiyyət qarşısında qalıb səhmlərini təhvil verir, canını qurtarır.
Daxil olan bu məlumatlar kifayət qədər diqqəti çəkəndir. Müraciət müəllifləri yazır ki, bu sahə ilə məşğul olmaqda israrlanan bəzi sahibkarlara isə başqa yollarla təzyiqlər edilir. Artıq Mingəçevir Balıq Zavodu, Lənkəran Balıq zavodu, Astara Balıq Zavodu və Neftçala Balıq Zavodu bu cür maxinasiyalarla sahibkarların əlindən alınıb və artıq Kərəm Həsənovun «himayəsinə» verilib. Bu zavodlar ayrı-ayrı adamların adlarına rəsmiləşdirilərək mənimsənilib. Həmin şəxslər belə obyektlərin sahibkarlarını müəyyən yollarla sıxışdırır, onların səhmlərini saxta məhkəmə prosesləri ilə sıxışdırır. Nəticədə də məhkəmələr həmin məmurların tapşırığı ilə böyük səhm sahiblərinin səhmlərini əlindən alır.
Redaksiyamıza müraciət edən daha bir balıqçı-sahibkar, “Xudat Balıq”ASC-nin uzun müddət direktoru işləmiş və müəssisənin ən çox səhm sahibi olan Güləhməd Güləhmədov da bu cür özbaşınalıqlara məruz qalıb. Güləhməd Güləhmədov deyir ki, o 1998-ci ildə Xudatda Xaçmaz Rayon İcra Hakimiyyətinin 298 saylı sərəncamı ilə 100 hektar torpaq sahəsini icarəyə götürüb. Bundan əlavə, icra başçısının sərəncamı ilə 30 hektar ərazi Xudat Balıq zavodunun balansına qatılıb. 1999-cu ildə o Xudat Balıq zavodunun direktoru təyin edilən G. Güləhmədov həmin gündən zavodun balansındakı torpaq sahələri barədə araşdırma aparmağa başlayıb. Məlum olub ki, zavodun 1519 ha torpaq sahəsi olmalıdır. Lakin həmin vaxt Dövlət Torpaq və Xəritəçəkmə Komitəsinin Xaçmaz şöbəsinin müdiri Adıgözəl Tağıyev bu rəqəmi saxtakarlıqla 680 ha-a çatdırıb, qalan əraziləri isə müəyyən yollarla satıb. G.Güləhmədovun bu günə qədər zavodun torpaq balansını bərpa etmək istəyi reallaşmayıb. Yüksək çinli məmurların müdaxiləsi nəticəsində bu gün zavod da əldən çıxıb.
Şikayətçi deyir ki, 2001-ci ildə bütün balıq zavodları özəlləşməyə açıq elan olundu. Və bu işdə Əmlak Məsələləri üzrə Dövlət Komitəsinin sədri Kərəm Həsənov əsas rol oynadı. Belə ki, o balıq zavodlarının səhmdarlarının səhmlərini geri qaytararaq, həmin müəssisələri istədityi şəxslərin adına özəlləşdirib.Xudat Balıq Zavodunun səhmdarları hüquqlarından istifadə edib özəlləşməyə qatılsa da, Kərəm Həsənovun göstərişi ilə zavodun əmək kollektivinə şərait yaradılmayıb. Əmək kollektivi 15 faiz səhmin 13,2 faizinə sahib olaraq auksiyona qatılıb. G.Güləhmədov isə zavodun 55 fazi səhmini almaq üçün auksiona 11054 çek təqdim edib. Lakin auksionda zavodun 55 fazilik səhminin 52,6 faizi Kərəm Həsənov və onun yaxın adamı olan Məmmədşa Həsənovun vasitəsilə Elnur Verdiyev adlı zavoda aidiyyəti olmayan bir məcburi köçkünün adına rəsmiləşdirib və G.Güləhmədov kənarda qalıb. Məmmədşa Həsənov sahibkarla görüşüb və ona bu işdən əl çəkməyi tapşırıb. Bildirib ki, o hazırda Fövqladə Hallar naziri olan Kəmaləddin Heydərovun adamıdır və bu məsələ onun nəzarətindədir.
Məmmədşa Həsənov Güləhməd Güləhmədova bildirib ki, o auksiondakı çeklərdən əl çəkməli, əvəzində zavodun 30 faiz səhminin pulunu almalıdır. Səhm sahibi isə bundan imtina edib və qanuni səhmlərinə sahib çıxmaq iddiasından əl çəkməyib. Nəticədə müəssisə saxta sənədlərlə auksiona çıxarılaraq Məmmədşa Həsənovun köməkliyi ilə Elnur Verdiyevin adına rəsmiləşdirilib.
Güləhməd Güləhmədov deyir ki, həmin vaxtdan etibarən bu günə qədər məhkəmələrdə sürünsə də, onun qanuni hüquqlarının bərpası üçün məhkəmələr heç bir addım atmır. Hələ də zavod Məmmədşa Həsənov və Kərəm Həsənov tərəfindən zəbt edilib. Bu şəxslər məhkəmələrə də Kəmaləddin Heydərov və Prezidentin Mühafizə Xidmətinin rəhbəri Bəylər Əyyubovun adından istifadə etməklə təzyiqlər edir, sahibkarın hüquqlarının müdafiəsinə mane olurlar. Həmin şəxslər qruplaşma yaradaraq digər balıq zavodları kimi Xudat Balıq Zavodunun da əmlakını və torpaq sahəsini zəbt edib mənimsəyib. Aidiyyəti dövlət qurumları isə bu barədə nə araşdırma aparır, nə də bir tədbir görür. Hazırda sahibkar Əmlak Məsələləri Dövlət Komitəsinin sədri Kərəm Həsənovun başçılıq etdiyi qruplaşmanın qurbanına çevrilib: “ İllərdir ki, mübarizə aparmağıma baxmayaraq, bu qruplaşmaya qalib gələ bilmirəm. Ölkədə korrupsiyaya qarşı ciddi mübarizə aparıldığı halda Kərəm Həsənov qruplaşması barədə niyə tədbir görülmür? Adi hallarda bir hektar torpaq sahəsi satan bələdiyyə sədri və hansısa kiçik məmur həbs edilir, amma bu boyda korrupsiya faktının üstü açılmır. Səbəb nədir? Korrupsiyaya qarşı mübarizə aparan qurumlar Kərəm Həsənovdan niyə qorxur? Bu gün Kərəm Həsənovla əlbir olub balıqçılıqla məşğul olan sahibkarlara qarşı tələ quran Məmmədşa Həsənov Azərbaycanın ən böyük düşmənidir. O, vaxtilə Azərbaycanı parçalamaq istəyən, özünü qondarma “Talış-Muğan Respublikası”nın prezidenti elan edən və hazırda Azərbaycanın bir nömrəli düşməni olan ermənilərlə işbirliyi qurub ölkəmizə qarşı təxribat hazırlayan Əlikram Hümmətovun müavini olub. Belə bir şəxsin indi Azərbaycanda balıqçılıq sahəsini manapoliyaya götürməsi çox maraqlıdır”.
Çox maraqlıdır ki, hələlik sahibkarın dedikəri bununla yekunlaşmır. İş adamı iddia edir ki, onun payının əlindən alınması prossesində birbaşa olaraq Kərəm Həsənov başçılıq edib. Neftçala rayonundan da analoji şikayətlər daxil olmaqdadır. Redaksiyamıza şikayət edəniş adamları artıq dövlət mülkiyyətində olan böyük ərazilərin demək olar ki, K.Həsənovun adamları tərəfindən balıq vətəgələri yaratmaq üçün ayrılır. Şikayət edən sahibkarlar deyirlər ki, Neftçala rayonundakı bütün balıq vətəgələrinə qarşı sərt inzibati tədbirlər görülməyə başlayıb. Məlumatlara əsasən, Kərəm Həsənov hətta onun «himayəsi»nə girmək istəməyən başıqçıların suyunu belə kəsdirməyə nail olub. Maraqlıdır ki, bütün bunlarla bağlı olaraq hələlik rəsmi qurumlar heç bir reaksiya vermirlər. Onu da əlavə edək ki, balıqçı-sahibkarlar Azərbaycana Gürcüstandan gətirilən balıqların da daxili bazara ciddi təsir etdiyini və qiymətlərin aşağı olması səbəbindən vəziyyət drammatikləşib. Məsələ burasındadır ki, bütün bunlarla bağlı olaraq ölkə daxilində yaşanan problemlər də demək olar ki, dərinləşməkdədir.
Rüfət ƏLİCANLI