Meliorasiya və Su Təsərrüfatı ASC-nin məsuliyyətsizliyi
üzündən ərazi bütövlüyümüz uğrunda döyüşənlərə ziyan dəyib

Salyan rayonunda Kür çayı ətrafında bənd atma işləri aparılan zamanı Qarabağ qazilərinə məxsus "Kür" restoranı yararsız hala salınıb. Ucuz işçi qüvvəsindən və iş metodundan istifadə edən (yəni torpaqları yaxın ərazilərdən maşınlara dolurub və ya böyük traktorların qabağına verib bəndə vurmaq kimi və s.) Meliorasiya və Su Təsərrüfatı ASC hazırda Kür restoranına ziyan vurmaqla bir çox qaziləri işçsiz, həmin restoranı isə toysuz - büsatsız qoyub.
Yarasız hala salınmış müəssisəsnin müqabilində qazilərə heç bir köməklik edilməyib, kompensasiya ödənilməyib. 2004- 2010- cu ildə Azərbaycanda su təsərrüfatı sisteminin idarə olunması üçün ayrılan 1, 1 milyard manat vəsaiti səmərəsiz xərcləyərək etibrasız qurduğu bəndlərin ucbatından Əhməd Əhmədzadə və onun rəhbərlik etdiyi qurum təkcə Kür- Araz daşqınlarından ziyan çəkən insanlara deyil. canlarını Qarabağ savaşlarında qurban vermiş qazilərimizi belə bir tikə çörəkdən də məhrum edib. İnsanları çörəklə sınağa çəkməyin nə olduğunu yəqin ki, Əhmədzadəyə anlatmağa ehtiyac var. Xatırladaq ki, məsələ ilə bağlı qazilər "Kür" Vətəndaş Vətəndaş Cəmiyyəti Qərargahına müraciət ediblər. Hazırda həmin problemin araşdırılması və həlli istiqamətində çalışan "Kür" Cəmiyyəti çalışmalar nəticə verməsə məhkəməyə müraciət olunacağını bildirir.
Onu da bildirək ki, bir hissəsi bəndin altında qalaraq yararsız hala salınan obyektin bütün sənədləri qaydasındadır, sovet dönəmində tikilib və resataran kimi fəaliyyət göstərib. Sonradan buranı Qarabağ qaziləri istifadə edib və burda burda veteranlara aid tədbirlər, toy şənlikləri keçirilib.
“Xəbər xidməti”