Maşın və ev müqabilində Sevinc
Babayevanın oğluna susmaq təklif təklif edilib

Sabiq millət vəkili Gülər Əhmədova ilə Sevinc Babayevanın oğlu Ayxan Məmmədovun arasında sövdələşmə barədə məlumat vermişdik. Mənbənin bildirdiyinə görə, Gülər Əhmədova Sevinc Babayevanın yas mərasiminin təşkili üçün ən yaxın adamı vasitəsilə 20 min manat göndərəndən sonra Ayxan Məmmədovla danışıqlar aparıb. Danışıqlarda məqsəd A.Məmmədovu açıqlamalar verməkdən çəkindirmək olub.
Bu barədə qəzetimizə daxil olan məlumatyda bildirilir ki, Gülər Əhmədovanın vəkili hazırda sabiq millət vəkilinin istifadəsində olan yeni “Honda akord” markalı avtomobili və Türkiyə səfirliyinin yanındakı mənzilini təklif edib. A.Məmmədov isə hər şeyini itirdiyini, videonun yayılması ilə anasının bütün imkanları əldən qaçırdığını və külli miqdarda borca düşdüyünü bildirərək, 200 min manat pul tələb edib.
Vəkil məsləhətləşmələrdən sonra Gülər Əhmədovanın bu qədər verməyə imkanının olmadığını söyləyib. Ayxan Məmmədov mətbuata açıqlamalarını davam etdirib və qarşı tərəfdən heç bir reaksiya olmadığını görəndə, əvvəlki təklifi dəyərləndirməyə çalışıb.
Bildirilir ki, Ayxan Məmmədov əvvəldən təklif olunan maşını və evi götürməyə razı olduğunu vəkilə söyləyib. Ancaq son anda anlaşma pozulub. Ayxan Məmmədovun yaxınları Sevinc Babayevanın başına gələnləri əsas götürərək, israr ediblər ki, qarşı tərəfə heç bir halda etibar etmək olmaz, ona görə də ev və maşının təhvil-təslimi alqı-satqı yoluyla, notarial qaydada həyata keçirilməlidir. Bu təklifin aktuallaşmasına səbəb isə Gülər Əhmədovanın ev və maşını etibarnamə ilə vermək istəməsi imiş.
Alqı-satqı məsələsi ortaya gələndən sonra anlaşma pozulub və tərəflər arasında danışıqlara son verilib. Dəfn mərasimində və proseslərdə iştirak etdiyinə şübhə etmədiyimiz mənbənin xəbərini dəqiqləşdirmək məqsədilə Ayxan Məmmədovla əlaqə saxladıq. A.Məmmədov sövdələşmə barədə Gülər Əhmədovanın vəkilinin təşəbbüs göstərdiyini təsdiqləsə də, hansısa görüş və razılaşma olduğunu təkzib etdi: “Gülər Əhmədovanın vəkili dəfələrlə zəng eləyib, müəyyən razılaşma ola biləcəyini desə və görüş təklif etsə də, bunu qəbul etməmişəm və aramızda bununla bağlı heç bir görüş olmayıb”.
Azər Əli