Bu gün (16.07.2014) “Yayım” Assosiasiyasının ofisində mətbuat yayıcılarının aylıq toplantısı keçirilmişdir. Capi məsələlərin müzakirəsindən “Yayım” Assosiasiyasının prezidenti Yaşar Zeynalov çıxış edərək bildirdi ki, toplantımıza “Gündəm xəbər” qəzetinin təsisçisi Şirin Cəfərli də qatılmışdır. Bilirsiniz ki, bu gün mətbuat yayıcılarının kifayyət qədər problemləri vardır. Səyyar mətbuat yayımında olan mövcud problemlərin bir qismi həllini tapsa da digər bir qismi hələ də həllini tapmamış qalmaqdadır. Bu problemlərin həll edilməsində “Gündəm xəbər” qəzeti də daxil olmaqla mətbuat həmişə yanımızda olub. Bu gün iki mətbu orqanı arasında yaşanan bu problem bizdə təssüf hissi oyadır. Yaxşı olardı ki, iki qəzetin ikisi də çıxırsa eyni ada yaxın, eyni dizaynda və görnüşdə olmasın. Çünki bu yayıcılarla bərabər oxucuları da çaş-baş salır, narazılıqlara səbəb olur.

Yayıcı-2 Məsələyə aydınlıq gətirən “Gündəm xəbər” qəzetinin təsisçisi və baş redaktoru Çirin Cəfərli bildirdi ki, redaktoru olduğu qəzet sonuncu sayı 30 may 2014-cü il tarixində işıq üzü görəndən sonra redaksiyanın mətbəəyə borcu yarandığına görə sentyabr ayına qədər tətilə çıxmağı qərara aldıq. Bu barədə qəzetimizin sonuncu sayında da məlumat verdik. Tətildə olduğumuz müddətdə mənə xəbər verildi ki, qəzetimizin əməkdaşları – redaktor Nicat Mahmudov və dizayner heç də tətilə getməyiblər, qəzeti çıxararaq yayım firmalarına paylamışlar. Mən Nicat Mahmudovla əlaqə saxladım və bunun nə olduğuna aydın gətirilməsini istədim. O mənə bildirdi ki, “Gündəm şox xəbər ” qəzeti “Gündəm xəbər” qəzeti deyil, ayrıca müstəqil qəzetdir. Lakin mən onunla razılaşmadım. Çünki yeni qəzet fərqli dizaynda, fərqli adda çıxmalıdır. Mənim rəhbərlik edtiyim qəzetin adı və görüntüsü Müəllif Müquqları Agentliyində qeydiyyatdan keçmişdir. Bir də Nicat Mahmudovun buraxdığı qəzet yeni-layihə, yeni qəzetdirsə niyə sayı 01 deyil, mənim buraxdığım qəzetin davamı kimi N 119 (986) göstərilir. Bu qanun pozuntusudur. Mən qəzetimin hüquqlarının qorunması üçün bütün qanuni vasitələrdən istifadə edəcəyəm.

Yayıcı-1 “Yayım” Assosiasiyası mətbuat yayıcıları üzrə koordinatoru Fazil Kərimov bildirdi ki, buna bənzər hallara çox rast gəlinib, lakin qanuni yolla qısa zamanda həllini tapıb. Məncə Şirin müəllim Müəllif Müquqları Agentliyinə müraciət etməlidir ki, bu məsələ həllini tapsın.

Yayımçılardan İntiqam Aslanov, Nadir Əmirov, Rasim Qurbanov, Malik Maxsudov, Cavanşir Vahidov, Hüseyn Məstiyev, Şəhriyar Aslanov çıxış edərək problemin qısa zamanda həll edilməsini istədilər. Bildirildi ki, sabah “Gündəm xəbər” qəzeti də çıxacaqsa biz iki oxşar qəzetin qəbulunda, satışında və hesabatında çətinliklərlə üzləşəcəyik. Bu zaman biz məcburuq ki, bi qəzetlərdən yalnız birini – həmişə götürdüyümüz “Gündəm xəbər” qəzetini götürək. Bizdən heç kim inciməsin, bundansa fərqli dizaynda çıxsınlar.

Toplantının sonunda mətbuat yayıcıları birgə müraciət imzaladılar.



YAYIM ASSOSIASIYASI MƏTBUAT YAYICILARININ BƏYANATI

Biz aşağıda imza edən mətbuat yayıcıları bildiririk ki, qəzet bazarına “Gündəm şok xəbər” kimi daxil olan mətbuat vasitəsi sonuncu sayı 20 iyun 2014 –ci il tarixində çıxan, lakin maliyyə problemi səbəbindən sentyabr ayına qədər fəaliyyətini müvəqqəti dayandıran “Gündəm Xəbər” qəzetinə tam bənzədilərək satışa çıxarması bizi və “Gündəm xəbər” qəzetinin oxucularını çaşdırır. Hesab edirik ki, iki qəzetin görünüş baxımından bənzərli şəkildə çıxması qəzetçilik və yayım etikasına ziddir. Bu kimi hallar nəticə etibarı ilə bizimlə alıcılarımız arasında çaşqınlıq və etibarsızlıq yaradır.

Biz aşağıda imza edənlər “Gündəm şok xəbər” qəzetinin rəhbərliyinə tövsiyyə edirik ki, qəzetin adında və təsviri görünüşündə dəyişilik etsinlər - yəni “Gündəm xəbər” qəzerinə bənzərliyinə son qoysunlar. Fərqli dizaynda çıxaracağı təqdirdə biz mətbuat yayıcıları hər iki qəzetin yüksək səviyyədə yayılması üçün əlimizdən gələni edəcəyik.

Hesab edirik ki, təklif və tövsiyyələrimiz nəzərə alınarsa oxucu-mətbuat arasında etibarlılıq artacaqdır.

1. İntiqam Aslanov

2. Nadir Əmirov,

3. Rasim Qurbanov

4. Cavanşir Vahidov

5. Malik Maxsudov,

6. Hüseyn Məstiyev

7. Şəhriyar Aslanov

8. İmanov Teymur

9. Abbasov Daşqın

10. Yaşar Zeynalov

11. Fazil Kərimov

Yayım Assosiasiyası