İqbal Ağazadə Xankəndinə gedib girovlara vəkillik etməyə hazır olduğunu dedi və parlament rəhbərliyindən dəstək istədi

Milli Məclisin növbəti plenar iclası spiker Oqtay Əsədovun sədrliyi ilə başlayıb. Deputat Siyavuş Novruzov Ukraynada keçirilən parlament seçkilərdən danışıb. “Seçkinin mürəkkəbi qurumamş ABŞ tərəfindən bəyanat verilir ki, azad, ədalətli, demokratik seçki keçirlib. Bildirlıir ki, biz Krım məsələsini Ukraynanın xeyrinə həll etməyə çalışacağıq. 20 ildir Minsk Qrupu həmsədri olan ölkə bir dəfə deməyib ki, Dağlıq Qarabağın Azərbaycanın ərazi bütövlüyü çərçivəsində həll etməyə çalışacaq. Bu, onu göstərir kki, seçkini necə istəyirsən, keçir, müəyyən qüvvələrin rəyi dəyişməyəcək. Belə çıxır ki, Azərbaycanın ərazi bütövlüyü məsələsini həll etməkl istəmirlər. Həmsərdlərə bir müraciət edək, görək onlar bu barədə necə düşünürlər. 20 ildir torpaqlarımız işğaldadır, bunlar turist səfərlərinə gəlirlər. Həmsədrlərə müraciət edək ki, hər bir ölkəyə bərabər şəkildə baxmaq lazımdır”.
Növbəti çıxışlar əsasən Kəlbəcərdən olan iki girovun, Dilqəm Əsgərov və Şahbaz Quliyevin Xankəndidə keçirilən məhkəməsinə həsr olundu.
Aydın Mirzəzadə girov kəlbəcərlilərdən danışaraq dedi ki, bu, çox pis təşkil edilmiş teatr tamaşasını xatrırladır. Öz dədə-baba yurdunu ziyarət edənlər üzərində saxta tamaşa hazırlanır. İndidən erməni KİV-ləri guya onların öz günahlarını etiraf etdiyi barədə saxta məlumat yayılıb. Ermənistan iki Azərbaycan vətəndaşını öz ərazisində girov götürüb saxta məhkəmə qurur, amma həmsədrlər buna biganədir. İstərdim ABŞ, Rusiya, Fransa bu saxta tamaşanın dərhal dayandırılmasını tələb etsin.
Fərəc Quliyev A.Mirzəzadənin çıxışına dəstək verərək dedi ki, ermənilər Dağlıq Qarabağı tanıtdırmaq üçün məhkəmə şousundan istifadə etməyə çalışır.
Deputat Ermənistan-Azərbaycan-Dağlıq Qaarabağ münaqişəsi ifadəsini doğru saymadı və bildirdi ki, bunu Ermənistan-Azərbaycan münaqişəsi kimi səsləndirmək lazımdır. Belə bəhanələrlə Dağlıq Qarabağ nümayəndəsinin də tərəf kimi təqdim etməyə çalışır. Bu ifadə birmənalı şəkildə götürülməlidir ki, bizə zərər gəlməsin.

Zahid Oruc İdarəçilik Akademiyasında PA rəhbəri Zahid Orucun çıxışının müdafiəsi ilə bağlı danışdı: “Biz Milli Məclis olaraq təhlil etməliyik ki, niyə cənub bölgəsində qızların 80 faizi təhsil almır, yaxud şimal bölgəsindəki problemlərimizin kökündə nə dayanır? Təhlil etməliyik ki, niyə 20-ci əsrin əvvəllərində Sevilin timsalında Azərbaycan qadını çadranı atdı, amma bu gün Azərbaycan qadını müxtəlif libaslara bürünmək istəyir?” Z.Oruc Təhsil Nazirliyi, TQDK və digər təsisatları dəvət etməyə və parlamentdə müzakirələr aparmağa çağırdı.
Fazil Mustafa da girovlarla bağlı müdafiə təşəbbüsünü dəstəklədi. Deputat vəkil Bəhruz Bayramovun Xankəndinə gedib girovları müdafiə etməyə hazır olduğunu vurğuladı və vəkilə dəstək verdi. Onu da dedi ki, Rusiyada, Avropada olan bir sıra hüquq müdafiəçilərini dövlət səviyyəsində dəstəkləyib ora göndərə bilərik.
F.Mustafa “yetimin, şəhidin, itkin düşənin” 11 min manat pulunu sahibinə verməyə çağırış etdi.
Leyla Abdullayeva oğru dünyasının nümayəndələrinin geniş şəkildə təbliğ olunduğunu, onlarla bağlı mahnılar, kitablar yazıldığını, kliplərin, filmlərin çəkildiyini dedi. Bu mənada spirtli içkilər və siqaretlə bağlı tətbiq olunan yaş senzinin bu məsələyə də tətbiqini zəruri saydı.
Musa Quliyev ezamiyyətə gedənlərin tibbi sığortası barədə danışdı. Xaricə rəsmi ezamiyyətə gedən şəxslərin tibbi sığortasını təmin etməklə bağl təklif verdi.
Qənirə Paşayeva da azərbaycanlı girovlarla bağlı danışdı. Çox təəssüf ki, nə ATƏT-in Minsk Qrupu, nə beynəlxalq təşkilatlar bu məsələyə ciddi diqqət yetirmirlər. Biz görürük ki, bizim girovlarla bağlı necə rəftar edilir. Bu məsələni mütləq Avropa İnsan Haqları Məhkəməsinə və Avropa İşgəncələr Əleyhinə Komitəyə aparmaq lazımdır. Ona görə də bu şəxslərin ailələrinə ciddi dəstək olmaq gərəkdir.
Xanım deputat “Reproduktiv sağlamlıq haqqında” qanun layihəsini də parlament müzakirəsinə çıxarmağı təklif etdi.

İqbal Ağazadə dedi ki, kəlbəcərli girovların durumu onu da ciddi şəkildə narahat edir: “Onların vəkillə təmin olunmasını düşünməliyik. Başqa ölkələrdə olanda Azərbaycanın sıravi vəkilləri proseslərdə iştirak edirlər. Mən böyük məmnuniyyətlə onların hüquqlarını müdafiə etməyə hazıram. Bir millət vəkili, partiya sədri kimi prosesdə iştiraka böyük məmnuniyyətlə hazıram. Məhz Dağlıq Qarabağda keçirlən qeyri-qanuni məhkəmə prosesində bu, çox ciddi addım oalrdı. Xahiş edirəm Milli Məclis mənə nə kömək mümkünsə, etsin”.
Bahar Muradova da girov vətəndaşlarımızla bağlı narahatlığını bölüşdü: “Mən qondarma bir qurumun qondarma hüquq sisteminin təmsilçilərinin Azərbaycan vətəndaşlarının öz evlərinə getməsini ərazi bütövlüyün pozması, onlar üzərində məhkəmə prosesi qurması faktına etiraz etməyi düşünürəm. Bizim ümumi mövqeyimizə xələl gətirə biləcək fikirlər səsləndirməkdən uzaq olmalıyıq. Hər hansı hüquqşünas və deputat həmkarımızın belə o prosesdə iştirakını qeyri-məqbul sayıram. Bu, hüquqi mexanizm deyil, bu, Dağlıq Qarabağ rejimini tanımaq deməkdir. Qətiyyən orda iştirak etmək olmaz. Amma bizim hüquqşünaslarımız beynəlxalq hüquq müdafiə təşkilatlarını bu prosesə cəlb etməlidir. Amma bizim Milli Məclis üzvlərinin qondarma rejimin qondarma rejimini tanımaq istiqamətində səsləndirdiyi fikirləri qətiyyən müdafiə etmirəm”.
Spiker Oqtay Əsədov Ukraynada keçirilən seçkilərlə bağlı mövqeyini bölüşdü: “Seçkinin mürəkkəbi qurumamış ABŞ və Böyük Britaniyanın mövqe bildirməsi aydındır. Bunun səbəbləri var. Baxırlar ki, Azərbaycan kiçik dövlətdir, amma inkişaf edir. Deyirlər, “dur bizim yanımızda”. Azərbayacn isə ikitərəfli münasibət qurmaq istəyir, bunu isə qəbul etmirlər”.