Qüdrət Paşayev cibində YAP vəsiqəsi, ürəyində müxalifət sevgisi gəzdirir

Hörmətli oxucular! Gədəbəydə baş verən bütün qanunsuzluqlar, rüşvətxorluq, korrupsiya, dövlət büdcəsinin talan edilməsi haqqında gündəlik sizə məlumatlar veririk. Siz də bilirsiniz ki, belə qeyri-qanuni işlərə, rüşvətxorluğa, dövlət əmlakını mənimsəməyə can atan məmurlar savadsız və səriştəsiz olanlardır. Öz işlərinin öhdəsindən gəlməyi bacaran adamlar heç vaxt haram tikə yeməz, dövlətin pullarını talan etməz. Ramiz Yediyarovun ən yaxın adamlarından biri də İcra Hakimiyyəti başçısının birinci müavini Qüdrət Paşayevdir. Düzdür yaxın deyəndə elə bilməyin ki, Ramiz Yediyarovla Qüdrət Paşayev çoxdanın dostlardır. Xeyr! Bu belə deyil.Qüdrət Paşayev sadəcə olaraq, hər yeni təyin edilmiş icra başçıları ilə dost olar, onlar işdən azad edildikdən sonra isə düşmən. Onu bu vəzifəyə keçmiş icra başçısı Kamran Rzazadə təyin edib. Çox keçmədi ki, Kamran Rzazadə Qüdrət Paşayevin tutduğu əməllərdən zara gəldi. Ancaq işdən azad etmək üçün vaxt çatmadı. Həm də Qüdrət Paşayevin qardaşı general Ədalət Paşayev hər vəchlə qardaşının işdən çıxarılmasının qarşısını aldı. Kamran Rzazadə işdən azad edildikdən sonra onun arxasınca ən birinci Qüdrət Paşayev danışdı. Bunu yeni başçı Ramiz Yediyarovun xoşuna gəlmək üçün elədi. Gəldi də! Atalar yaxşı deyib: “Tay tayını tapmasa günü ahı-vayla keçər”. Və başladılar bu rayonu talan etməyə. Q.Paşayev haqqında yəqin ki, hər bir gədəbəyli bilir. Bu o Qüdrət Paşayevdir ki, hələ ömrünün gənc çağlarında pul qazanmaq eşqinə düşür. Bunu necə reallaşdıracağı haqqında qəti qərar verir. İlk pul qazanmağı onun üçün uğursuz olur. Oğurluq etdiyi zaman yaxalanır. Cinayət işi qaldırılır. Sonradan Qüdrət Paşayev bu oğurluq əməlinə müəyyən don geyindirmək istəsə də hamı yaxşı bilir ki, o oğurluq üstündə məhkum olunub. Ali təhsili necə alıb bilmirəm, ancaq Rayon İcra Hakimiyyətinin başçısı Ramiz Yediyarovdan soruşmaq istəyirəm ki, doğrudanmı Qüdrət Paşayev öz işinin öhdəsindən layiqincə gələn adamdır? Bəlkə də siz deyırsiniz ki, hə. Ona görə deyəcəksiniz ki, Qüdrət Paşayev oğurluq belə etməyə hazırdı ki, təkı siz ondan razı qalasınız. Mən başa düşə bilmirəm ki, nə yaxşı keçmişi çirkab içində olan bir adam bu günə qədər Rayon İcra Hakimiyyətinin başçısının birinci müavini işləyir. Və işlədiyi müddət ərzində demək olar ki, ancaq əhalinin cibini soymağa çalışır. Onun gördüyü işlərə nəzər yetirsək ən azı bir vətəndaş kimi deyə bilərik ki, rayonu tərk etsə daha yaxşı olar. Qüdrət Paşayev indi iclaslarda hökümətə və dövlətə bağlı olduğundan danışır.



“Hörmətli” Paşayev! Bizdə olan məlumatlara görə siz həmişə hökumət əleyhinə təbliğatlarda iştirak etmisiniz. Milli İstiqlal Partiyasının Gədəbəy Rayon Təşkilatının ilk sədri siz olmusunuz. Əhali də yaxşı bilir ki, bütün seçkilərdə üzdə də olmasa, arxada kimləri təbliğ etmisiniz. Öz qohum-əqrəbalarınızla kimlərə səs verməyə çalışmısınız. Ancaq sizi qınamıram. Ona görə qınamıram ki, siz etdiyiniz bütün naqis əməllərinizə görə utanıb xəcalət çəkmirsiniz. Bizim milli mentalitetimizə uyğun olmasa da, sizin etdiyiniz ən naqis əməli sizin nəzərinizə çatdırıram. Siz həmin Qüdrət Paşayevsiniz ki, səhvət hissinizə hakim kəsilə bilməyib bir ailəni dağıtmısınız. Sonra da məsələ ciddiləşəndə həmin qadını gətirib zəbt etdiyiniz köhnə poçtun binasının otağında saxlamısınız. Bəlkə buna da yalan deyəcəksiniz?! Ancaq bilirsiniz ki, yalan deyil. Çünki bu hadisə haqqında müxtəlif informasiya vasitələrində də məlumat verilib. Bəs nədəndir görəsən sizin gördüyünüz məişət pozğunluğuna, etdiyiniz oğurluq cinayətinə görə, rüşvətə qurşanmış məmur olduğunuzu bilə-bilə Ramiz Yediyarov sizi hələ də özünün ən yaxın müavini kimi saxlamaqdadır? Bəlkə həqiqətən Ramiz Yediyarov qardaşınız Ədalət Paşayevdən çəkinir. Ona görə sizə bənd olmur. Mən bilən səbəb bu deyil. Əsil səbəb odur ki, Ramiz Yediyarov sizin əlinizlə min cürə rüşvət maxinasiyalarını yerinə yetirir. Əgər belə olmasaydı sizdən soruşmaq istəyirəm ki, Gədəbəyin Slavyanka kəndində, Dəyəqarabulaq kəndində tikdirdiyiniz imarətlər hardandır? Bakı şəhərində aldığınız dəyəri 100 minlərlə ölçülən evinizi hansı vəsaitlə almısınız? Biz bilən sizin indiyə qədər aldığınız əmək haqqı 800-1000 manatdan yuxarı olmayıb. Bəs bu qədər var-dövlət, milyonlarla dəyəri olan evlər nəyin hesabınadır?



Bizdə olan məlumata görə Slavyanka kəndində tikdirdiyiniz ev dövlətin ehtiyat torpaqlarının üzərində inşa edilib. Sizdən soruşmaq istəyirik ki, sizin yanınıza mülklərinin dağılmasıyla əlaqədar qəbulunuza gələn bütün vətəndaşlara siz deyirsiniz ki, qanunsuz tikdiribsiniz, ona görə də sökülməlidir. Sizdən soruşuruq ki, məgər Azərbaycanda iki qanun var? Əgər qanun varsa, deməli onda qanunları birinci siz pozmusunuz. Sizə kim ixtiyar verib ki, dövlətin ehtiyat fonduna daxil olan torpağın üzərində özünüzə şəxsi imarət tikdirəsiniz. Heç kim! Yəqin ki, qanuna görə sizin eviniz qeyri-qanuni tikili adlanır. Bəs niyə sökmürsünüz? Yoxsa siz də Ramiz Yediyarov kimi qanunlarla deyil, öz qaydalarınıza söykənib işlərinizi qurursunuz. Etdiyiniz cinayətlərə görə hələ məsuluyyətə olunmamısınız deyə, yoxsa heç nədən çəkinmirsiniz. Və yaxud Ramiz Yediyarov sizi eləmi arxayın edib ki, sizə heç kim toxuna bilməz. Bu dünyada həm yaxşılığın, həm də pisliyin sorğu-sualı var. Sizin etdiyiniz əməllər əslində səhv yox, böyük günahlardır. Qüdrət Paşayev öz danışdığınız yalanlara özünüzü inandırmayın. Siz həmin Qüdrət Paşayevsiniz ki, 2006-cı ildə şəhərə möhkəm yağan dolu nəticəsində şəxsi evlərə dəyən ziyanları Gədəbəy Fövqəladə Hallar Komissiyasının sədri kimi araşdırdınız və dəyən ziyanın ödəniləcəyini əhaliyə çatdırdınız. Sonra isə dövlət tərəfindən ayrılan pullar vətəndaşlara yox sizin şəxsi cibinizə axdı. Siz həmin Qüdrət Paşayevsiniz ki, dam örtükləri deşik-deşik olmuş əhalinin kasıb təbəqəsinin pulunu belə yeməkdən çəkinmədiniz. Deyəsən artıq sizin də vaxtınız çatıb. Sizin ağalığınız Ramiz Yediyarov işdən çıxana qədərdi. Yəqin ki, tezliklə Ramiz Yediyarov başda olmaqla təmsil olduğunuz komanda haqqında tədbirlər görüləcək. Allah böyükdür. Bircə şeyi unutmayın ki, başınıza gələn hər bir hadisəyı görə heç kimi yox, özünüzü qınayın.