Azərbaycana qonşu olan ölkələrdə iqtisadi zəyifliyin yaranmasına baxmayaraq, ölkəmizdə vəziyyət qənayətbəxşdir. Ancaq buna baxmayaraq hər bir dövlət məmuru mənimsəmədən, talançılıqdan uzaq durmalıdır. Təbii ki, dövlət vəsaitinin 1 qəpiyinə belə göz dikməmək gərəkdir.

Qazax MX-nın binası söküldü, baş həkimə villa tikildi.

MX-nın binası sökülənə qədər baş həkim Arzu Novruzov Qazax Rayon Səhiyyə Şöbəsində müavin işləyirdi. Həmişə şəxsi evinin yarı-yarımçıq qaldığından gileylənirdi. O, 2012-ci ilin sonlarında baş həkim təyin olunandan sonra şəxsi həyatında əsl intibah dövrü başladı. Bir göz qırpımında A. Novruzovun nəinki yarımçıq evi, bir neçə yerlərdə villanı xatırladan evlərinin tikintisi başladı və sona çatdı. Bir sözlə, baş həkimin bəxti sonradan gətirdi. Atalar belə yerdə yaxşı deyiblər: “Əvvəlin gəlincə axırın gəlsin”.

Demirik ki, baş həkimin evi-eşiyi olmasın, olsun. İndiki zamanda baş həkimin Bakı şəhərində bahalı evlər almasına, xarici ölkədə ev almaq iddiasına düşməsinə nə ad qoymaq olar? Bu yerdə baş həkimin barəsində düşünmək istərdik...

Mərkəzi xəstəxananın kağız üzərində qalmış maliyyə işləri hər vaxt cinayətin izini göstərir. Açıqca hiss olunur ki, Qazax səhiyyəsi Arzu Novruzovun şəxsi biznesinə çevrilib. Bina olmadığından səhiyyə işçiləri evlərində oturduğu anda milyonların haraya sovrulmasını görəndə, rüşvət və korrupsianın tuğyan etməsi hiss olunur.

Qazax səhiyyəsi yanğından sovuşub?

Qazax Rayon Uşaq Xəstəxanası, doğum evi, kənd həkim məntəqələri uzun illərdi öz görkəmində qalmaqdadır. İnsafən, həkim və tibb işçilərinin şəxsi vəsaiti hesabına bir neçə otaq sadəcə rənglənib. gundemxeber.az-a daxil olan məlumata görə bu ilin yanvar ayında 7600 manatlıq elektrik avadanlığı alınıb, düşünməyə əsas verən amillərdən biridə budur ki, yəqin səhiyyədə qısa qapanma baş vrib. Odur ki, araşdırmamız düşüncələrimizin əksinə oldu. Kənd həkim məntəqəsində, uşaq

xəstəxanasının, doğum evində bu günlərdə hər hansı elektrik avadanlıqlarının dəyişdirilməsini bilən və görən olmamışdı.

Kağız üzərindəki anbar dağılır.

Dağılır deyəndə hər ay 4-5 min manatlıq təsərrüfat malları alınır, 5 000 manatlıq dəftərxana ləvazimatları götürülsə, demək anbardakı mallar pəncərədən, qapıdan bayıra çıxar. Əgər hər ay 4-5 minlik təsərrüfat malları götürülsə, bəs onda xəstəxanaların, həkim məntəqələrinin həyət-bacaları niyə zibilliyin içərisindədir? Niyə gözə dəyən süpürgə, bel, xəkəndaz köhnə illəri xatırladır? Əl yuyulan yerlərdə niyə əl sabunu gözə dəymir?

Dogurdan da, hər ay 5 000 manatlıq dəftərxana ləvazimatı götürülürsə, bəs niyə həkimlər resept yazanda qələm, dəftər axtarışında olurlar? Tibb bacıları adi yara bantı üçün mağazalara getməli olurlar.

İki ayda 10 000 manatlıq yanacaq götürülməsinə baxmayaraq, hansı avtomobillə daşındığı, haraya boşaldığını öyrənmək istədik. Bu haqda bizi bilgiləndirən olmadı. Məlum oldu ki, yanacağa ayrılan maliyyə vəsaiti baş həkim tərəfindən mənimsənilib. Araşdırmamız nəticəsində məlum oldu ki, kağız üzərində süni həkk olunmuş anbar dağılır.

Yanvar ayında 65000 manatlıq dərman preparatları götürülərək mənimsənilib. Əgər müalicə üçün palatalar yoxdursa, bu dərmanlar kimlərə istifadə olunur. Maraqlı deyilmi?

Mətbəx yoxdursa hər ay 15-17 min manatlıq ərzaq götürülürsə, 2-3 min manatlıq çörək alınırsa təsdiq edilir ki, baş həkim Arzu Novruzov “qaz vurub, qazan doldurur”. Mənbə onu da bildirir Ki, ərzaq “Göyəzən ES” MMC – dən alınır. Hansı ki, həmin MMC-nin təkcə möhür və ştampı var. O da hər an direktorun cibində olur. Mohürə yalnız ayda bir dəfə hava dəyir.

Haşiyə: Ərzaq cədvəlinə nəzər yetirəndə məlum oldu ki, həmin cədvəl 1992-93-cü illərdən təsdiq edilib. Mahiyyəti barədə düşünülməyib. Cədvələ nə qədər göz

gəzdirsək də tamat və digər ərzaq məhsullarının adına təsadüf etmədik. Belə çıxır ki, kağız üzərindəki əməliyyatlar xəstələrə deyil, yalnz baş həkimə sərf edir.

Bəli, dövlət tərəfindən ayrılan maliyyə vəsaitinin külli miqdarda mənimsənilməsi haqqında müvafiq orqanlar təcili düşünülməlidir.

gundemxeber.az