«Bəhrəmtəpə Hidroqovşağ»ın sabiq rəisi “Gündəm Xəbər” qəzeti vasitəsilə prezident İlham Əliyev, baş prokuror Zakir Qaralov, ekologiya və təbii sərvətlər naziri Hüseynqulu Bağırov, fövqəladə hallar naziri Kəmaləddin Heydərov və «Meliorasiya və Su Təsərrüfatı» ASC-nin sədri Əhməd Əhmədzadəyə müraciət edib.
İmişli rayonu Çaxırlı kəndində yaşayan müəllif 2010-cu ildə yaşanan təbii fəlakət nəticəsində, cavabdeh məmurların bölgəyə və sakinlərə vurduğu zərərin məbləğindən söz açıb: «Gec də olsa hesab edirəm ki, bunlar araşdırılmalı və təqsirli vəzifə sahibləri cəzalarını almalıdırlar. Bəli, işini bilməyən məmurların səhvləri ucbatından, yüzlərlə ailə zülmə məhkum oldu, dövlət milyonlarla manat zərərlə üzləşdi.

Diqqətinizə çatdırım ki, «Bəhrəmtəpə Hidroqovşağ»ın sabiq rəhbəri olaraq, bu qurğununu sukeçirmə qabiliyyətinin saniyədə 2200 kub olduğuna əminəm. O da dəqiqdir ki, təbii fəlakət zamanı, yəni daşqın zamanı burada 300-400 kub su axını olub. Həmin vaxtı suyu buradan buraxmayıblar. Həddini və işini bilməyən məmurlar, bunu daşqının əhatə dairəsinin daha da genişlənəcəyi ilə əlaqələndirib, yuxarı qurumları bununla aldada biliblər. Üstəlik, heç bir araşdırma aparmadan suyu Araz çayının qədim yatağına yönəldiblər(Deyim ki, Arazın qədim yatağı da olmayıb). Arazın yuxarı tərəfində qabaqlayıcı qazıntı aparılmadan, çayın sahilini yarıb ərazilərə yönəltdilər. Bu isə Çaxırlı, Məzrəli, Qulubəyli və sair kəndlərin əkin sahələrini də məhv etdi. Əgər həmin vaxt hidroqovşağın şlyüzləri qaldırılsaydı, sizi əmin edirəm ki, fəlakətin miqyası bu qədər olmayacaqdı. Sadəcə həmin vaxt məmurlar Araz çayının sahillərində, ayrı-ayrı vəzifə sahiblərinə məxsus karxanaların fəaliyyətini dayandırmaq və ya bağlamaqdan ehtiyat edib qorxdular. Bu qorxu və işini bilməməzlik, qeyd etdiyim kimi, iri miqayslı zərərlə nəticələndi».

Sabiq rəis, əksər vəzifə sahiblərinin torpaqların təyinatlarını dəyişdirildiyini, torpaqların hums qatının məhv edildiyini, fauna və floranın vəhşicəsinə talandığını və belə bir əməllərin başında məmurların durduğunu faktlarla izah edərək deyir: «Məmurlar pula olan hədsiz hərisikləri səbəbindən, təkcə bunları etməyirlər. Onlar elektrikşəbəkə ilə əlbir olub, enerji sərfiyyatından və vergidən də yayınırlar. Rayondakı su idarələrinin rəisləri arasında elələri var ki, bir cibində YAP-ın, o biri cibində müxalif partiyanın vəsiqəsini daşıyır. Belə ikiüzlü vəzifə sahiblərindən əməli iş gözləməyə dəyərmi? Onların vudrduğu zərəri kim ödəyəcək? Əhalinin hələ də ödənilməyən zərərinun səbəbkarları haqda, niyə bir tədbir görən tapılmır?!

Sizə yaşanan problemlərin araşdırılmasında, hər cür köməklik göstərməyə hazıram”!

Cəfər