Polad Nəcəfli 6 nəfərlik külfəti sosial müavinətsiz qoyub, ailəyə məqsədli şəkildə süni maneə yaradılıb

Göyçay sakini Süleyman Hüseynov Rayon Xüsusi Notariusu Polad Nəcəflinin qanunsuzluğundan cana doyub. “Gündəm-xəbər”ə edilən müraciətdə deyilir ki,

notariusun özbaşınalığı nəticəsində yoxsulluq həddində yaşayan ailəyə ünvanlı sosial yardım verilmir. S.Hüseynovun sözlərinə görə, Ədliyyə Nazirliyinə elektron müraciətlə şikayət edib.

“Ümid edirdim ki, bəlkə Ədliyyə Nazirliyi tərəfindən obyektiv araşdırma aparılacaq və qanunu tədbir görəcəklər. Ancaq çox təssüf olsun ki, Ədliyyə Nazirliyindən müraciətimlə bağlı mənimlə telefon əlaqəsi yaradan və özünü təqdim etməyən şəxs Polad Nəcəflinin qanunsuz əməllərinə haqq qazandırdı.

Polad Nəcəfli mənə demişdi ki, hara şikayət edirsən et, xahişin başqalarına getməsin. Ortada olan qanunsuzluq faktının üstünü ört -basdır etmək istəyən Ədliyyə Nazirliyinin əməkdaşı görünür Polad Nəcəflidən razı qalıb,”-deyə şikayətçi qeyd edib.

O, problemin detallarını açıqlayıb: “Mərhum qaynatamın avtomobilini idarə etmək üçün mənə verdiyi etibarnaməni ərizəm əsasında Göyçay Rayon Notariusu Polad Nəcəfli 08 May 2014-cü il tarixdə ləğv etsə də, qanunda göstərilən qaydada bu barədə Baş Dövlət Yol Polisi İdarəsinə rəsmi olaraq məlumat verməyib.

Göyçay rayon Əhalinin Sosial Müdafiəsi Mərkəzi ailəmə bu səbəbdən Ünvanlı Sosial Yardım verməmişdir. Əsas isə göstərilmişdir ki, adınıza avtomobil idarə etmək üçün etibarnamə var və ləğv edilməmişdir.

Bununla əlaqədar Baş Dövlət Yol Polis İdarəsindən ərizələrimə cavab olaraq göndərilən məktublarda qeyd edilib ki," Göyçay Rayon Notariusu Polad Nəcəfli tərəfindən həmin etibarnamənin ləğv edilməsi barədə bizə müvafiq məlumat daxil olmamışdır".

Mən buna görə Göyçay Rayon Xüsusi Notariusu Polad Nəcəflinin qəbulunda olanda mənə qarşı çox kobudluq edib harıncasına qışqırdı, "get hara istəyirsən şikayət et xahişin başqalarına getməsin mən burada xüsusi notariusam”.

S.Hüseynov bildirir ki, 6 nəfərlik ailədən ibrətdir: “Ünvanlı sosial yardım ala bilmədiyimizdən yoxsulluq həddindəyik. Azyaşlı uşaqlarıma, 2-ci qrup əlil olan həyat yoldaşıma nə olacaqsa bunun məsuliyyəti Göyçay Rayon Notariusu Polad Nəcəflinin və onu müdafiə edən Ədliyyə Nazirliyinin əməkdaşının üzərinə düşəcək.

Çox get-gəldən sonra mənə şəxsən sənəd verdi ki, apar ver BDYPİ -nə. Orada isə mənə dedilər ki, bunu sizə nəyə görə verib? Əslində notarius etbarnaməni ləğv edən kimi elektron bazaya otuzdurmalıdır. Bəs o bunu nəyə görə etmir ki? Onda başa düşdüm ki, notarius məndən qanunu vəzifə borcunu yerinə yetirmək üçün pul umurmuş.

İnanıram ki, ədliyyə naziri cənab Fikrət Məmmədovun qətiyyən bundan xəbəri yoxdur. Olsa dərhal qanunu tədbir görər. Mən mətbuat vasitəsi ilə Ədliyyə Naziri cənab Fikrət Məmmədova müraciət edirəm”. Qarşı tərəfin mövüeyini dərc etməyə hazırıq.

Səhifəni hazırladı: Rafiq Qara